1 Mas Daviv hais tias, ntawm no lauj, yuav yog (יחוח)Yahweh lub tuam tsev, thiab ntawm no lauj, yuav yog cov Ixa-yees lub thaj hlawv qhov txhia chaw xyeem.

Daviv Npaj Ua Lub Tuam Tsev

2 Daviv hais kom sau lwm haiv neeg uas nyob hauv Ixayees tebchaws tuaj ua ke, mas nws kom cov uas txawj txaug pob zeb mus txua pob zeb npaj cia ua (יחוח)Yahweh lub tuam tsev.

3 Daviv npaj hlau ntau kawg uas yuav siv ua cov ntsia hlau uas ntsia cov qhov rooj thiab ua daim hlau uas tuav qhov rooj, thiab npaj tooj liab ntau kawg luj tsis tag li.

4 Thiab ntoo ciab suav tsis tag, vim yog cov tibneeg Xaidoos thiab cov tibneeg Thailab coj cov ntoo ciab ntau kawg tuaj pub rau Daviv.

5 Daviv hais tias, kuv tus tub Xalaumoos tseem yau thiab tsis tau txawj ua haujlwm, mas lub tuam tsev uas yuav ua rau (יחוח)Yahweh ntawd yuav tau ua kom loj thiab zoo nkauj heev, thiaj muaj suab muaj npe thiab muaj meej mom thoob plaws txhua lub teb chaws. Yog li ntawd kuv thiaj yuav npaj tseg cia. Daviv thiaj npaj txhua yam ntau kawg li cia ua ntej uas nws tuag.

6 Mas Daviv thiaj hu nws tus tub Xalaumoos los thiab hais kom nws ua lub tuam tsev rau (יחוח)Yahweh uas yog cov Ixayees Tus Tswv.

7 Daviv hais rau Xalaumoos tias, metub, kuv lub siab xav ua lub tuam tsev rau (יחוח)Yahweh uas yog kuv Tus Tswv lub npe nyob.  

8 Tiamsis (יחוח)Yahweh hais lus tuaj rau kuv tias, koj tau tua tibneeg coob thiab tau ua rog loj heev. Koj tsis txhob ua lub tuam tsev rau kuv lub npe nyob, rau qhov koj tau tua tibneeg ua rau ntshav los ntau kawg tab meeg kuv rau hauv av.

9 Koj yuav yug tau ib tug tub, nws yuav ua tus uas nyob siab tus yees. Kuv yuav pub kom nws nyob kaj siab lug dua nws tej yeeb ncuab huvsi, rau qhov yuav hu nws lub npe hu ua Xalaumoos. Thiab kuv yuav pub kom cov Ixayees nyob tus thiab tso siab plhuav rau ncua sijhawm uas nws ua vajntxwv kav.

10 Nws yuav ua lub tuam tsev rau kuv lub npe nyob. Nws yuav ua kuv tus tub thiab kuv yuav ua nws txiv, thiab kuv yuav tsa nws lub zwm txwv nyob ruaj khov ua vajntxwv kav cov Ixayees ib txhis mus li.  

11 Kuv tus metub, nimno thov (יחוח)Yahweh nrog nraim koj nyob, xwv koj thiaj li ua tau ()Yahweh uas yog koj Tus Tswv lub tuam tsev tiav raws li nws twb hais tseg txog koj lawm.

12 Kuv thov kom (יחוח)Yahweh pub kev txawj ntse thiab kev nkag siab es thaum nws tsa koj kav Ixayees kom koj thiaj ua tau raws li (יחוח)Yahweh uas yog koj Tus Tswv txoj kevcai.

13 Yog koj ceev faj ua raws li tej kab ke thiab tej kevcai uas (יחוח)Yahweh tau kom Mauxes hais rau cov Ixayees mas koj yuav ua txhua yam tiav.  Cia li ua siab loj siab tuab nyob khov kho, tsis txhob ntshai thiab txhob poob siab.  

14 Mas kuv twb npaj qhov txhia chaw khwv kawg li cia ua (יחוח)Yahweh lub tuam tsev lawm, npaj tau kub nyhav 100,000 talas, nyiaj nyhav 1,000,000 talas, tooj liab thiab hlau luj tsis txheeb li rau qhov muaj ntau heev. Kuv twb npaj ntoo thiab pob zeb lawm, tiamsis koj yuav tau ntxiv rau.

15 Koj twb muaj tub zog coob kawg, muaj cov Kws txaug pob zeb, cov Kws txua, cov Kws ntoo thiab cov Kws txawj ua txhua yam haujlwm suav tsis tag,

16 cov Kws kub, Kws nyiaj, Kws tooj liab thiab Kws hlau. Cia li nqis tes ua. Thov (יחוח)Yahweh nrog nraim koj.

17 Daviv hais kom Ixayees cov thawj sawvdaws pab nws tus tub Xalaumoos hais tias,

18 (יחוח)Yahweh uas yog nej Tus Tswv twb nrog nraim nej nyob, thiab nws twb pub kom nej nyob tso siab plhuav rau txhua fab, rau qhov nws tau muab cov tibneeg uas nyob hauv lub tebchaws no rau hauv kuv txhais tes, mas lub tebchaws no thiaj nyob hauv (יחוח)Yahweh thiab nws haiv neeg qab hwjchim.

19 Nimno nej cia li muab nej lub siab lub ntsws rau ntua nrhiav (יחוח)Yahweh uas yog nej Tus Tswv.  Cia li nqis tes kiag ua lub chaw pe hawm (יחוח)Yahweh kom thiaj coj tau (יחוח)Yahweh lub phij xab sib cog lus thiab (יחוח)Yahweh tej twj siv uas dawb huv los cia rau hauv lub tuam tsev uas ua rau (יחוח)Yahweh lub npe nyob.