Cov Pov Thawj

1 Aloos cov tub muab faib ua tej pab li no. Aloos cov tub yog Nadas, Anpihus, Ele‑axas thiab Ithamas.

2 Tiamsis Nadas thiab Anpihus nkawv tuag ua ntej nkawv txiv thiab tsis muaj menyuam, mas Ele‑axas thiab Ithamas thiaj ua pov thawj.

3 Xadaus uas yog Ele‑axas caj ces thiab Ahimelej uas yog Ithamas caj ces tau pab Daviv faib lawv ua ib pab ib pab raws li tej haujlwm uas teem cia rau thaum ua (יחוח)Yahweh tej haujlwm.

4 Vim Ele‑axas caj ces muaj cov thawj coob dua Ithamas caj ces mas Ele‑axas caj ces thiaj faib ua kaum rau pab, ib pab muaj ib tug thawj hauv txhua cum. Ithamas caj ces faib ua yim pab.

5 Lawv rho ntawv faib sawvdaws ib yam nkaus, rau qhov Ele‑axas caj ces thiab Ithamas caj ces puav leej muaj cov uas ua haujlwm hauv lub chaw pe hawm (יחוח)Yahweh thiab muaj cov uas ua (יחוח)Yahweh tej haujlwm ib yam.

6 Mas Nethanees uas yog xeem Levis tus tub Semayah uas yog tus tub sau ntawv muab lawv tej npe sau cia tab meeg vajntxwv thiab cov thawj thiab pov thawj Xadaus thiab Anpi-yathas tus tub Ahimelej thiab cov thawj hauv tej cum pov thawj thiab cov Levis.  Lawv rho ntawv ntawm Ele‑axas ib cum tag mas rho ntawv ntawm Ithamas ib cum.

7 Rho ntawv pab ib yog Yahyolis, pab ob yog Yedayah,

8 pab peb yog Halees, pab plaub yog Xe‑aulis,

9 pab tsib yog Makhiyah, pab rau yog Miyamees,

10 pab xya yog Hakhaus, pab yim yog Anpiyah,

11 pab cuaj yog Yahshua, pab kaum yog Sekhaniyah,

12 pab kaum ib yog Eliyasis, pab kaum ob yog Yakhees,

13 pab kaum peb yog Hupas, pab kaum plaub yog Yesenpe‑as,

14 pab kaum tsib yog Npikas, pab kaum rau yog Imaws,

15 pab kaum xya yog Hexis, pab kaum yim yog Hapixes,

16 pab kaum cuaj yog Pethahiyah, pab nees nkaum yog Yehexekhees,

17 pab nees nkaum ib yog Yakhis, pab nees nkaum ob yog Kamus,

18 pab nees nkaum peb yog Delayah, pab nees nkaum plaub yog Ma‑axiyah.

19 Thaum lawv cov no mus rau hauv (יחוח)Yahweh lub tuam tsev ua tej haujlwm uas teem cia, mas lawv yuav tau ua raws li tej kevcai uas lawv txiv Aloos tau teem cia rau lawv, yog raws li (יחוח)Yahweh uas yog Ixayees Tus Tswv tau

hais tseg rau Aloos.

20 Levis caj ces uas tseem tshuav yog li no. Alav ceg yog Sunpa‑ees. Sunpa‑ees ceg yog Yedeyah.

21 Lekhanpiyah ceg yog Isiyah uas ua tus thawj.

22 Ixahas ceg yog Selaumaus. Selaumaus ceg yog Yahas.

23 Henploos cov tub mas Yeliyah yog tus thawj, Amaliyah ua tus ob, Yahaxi‑ees ua tus peb, Yekhame‑as ua tus plaub.

24 Uxi‑ees cov tub muaj Mikhayah. Mikhayah cov tub muaj Samis.

25 Mikhayah tus kwv yog Isiyah. Isiyah cov tub muaj Xekhaliyah.

26 Melalis cov tub yog Malis thiab Musis. Ya‑axiyah cov tub muaj Npenaus.

27 Melalis caj ces yog ntawm Ya‑axiyah muaj Npenaus, Sauhas, Xakaws thiab Inplis.

28 Ntawm Malis muaj Ele‑axas uas tsis muaj tub.

29 Khij cov tub muaj Yelame‑ees. 30Musis cov tub yog Malis, Edaws thiab Yelimaus.  Cov no yog Levis caj ces raws li lawv tej cum.  

31 Cov tibneeg no tsis hais cov uas ua thawj hauv tej cum thiab lawv cov kwv los huvsi rho ntawv, ib yam nkaus li lawv cov kwvtij uas yog Aloos cov tub tab meeg ntawm vajntxwv Daviv thiab Xadaus thiab Ahimelej thiab cov uas ua thawj hauv tej cum pov thawj thiab cov Levis xub ntiag.