1 VAJ KEEB KWM 25

Faib Haujlwm Rau Cov Uas Coj Hu Nkauj

1 Daviv thiab cov thawj rog kuj tsa Axas thiab Hemas thiab Yeduthus cov tub qee leej cia ua cov uas yuav ntaus nkauj nog ncas me thiab nkauj nog ncas loj thiab npuaj nruas tooj liab cev (יחוח)Yahweh lus. Cov uas ua haujlwm tej npe thiab tej haujlwm uas lawv yuav tau ua yog li no.

2 Axas cum muaj Axas cov tub, yog Xakaws, Yahxej, Nethaniyah thiab Asalelas. Axas ua tus thawj uas coj lawv thiab lawv cev (יחוח)Yahweh lus raws li vajntxwv tu. 3 Yeduthus cum muaj Yeduthus cov tub, yog Kedaliyah, Xelis, Yesayah, Sime‑is, Hasanpiyah thiab Mattithyah, huvsi rau leej. Yeduthus uas yog lawv txiv ua tus uas coj lawv ntaus nkauj nog ncas, cev (יחוח)Yahweh lus, ua (יחוח)Yahweh tsaug thiab qhuas (יחוח)Yahweh.

4 Hemas cum muaj Hemas cov tub, yog Npukhiyah, Mathaniyah, Uxi‑ees, Senpu‑ees thiab Yelimaus. Hananiyah, Hananis, Eliyathas, Kidathis thiab Laumathi‑exaws, Yaunpekhasas, Malauthis, Hauthis, Mahaxi‑aus.

5 Cov no puav leej yog Hemas cov tub. Hemas yog tus xibhwb uas hais pom tom hauv ntej rau vajntxwv. (יחוח)Yahweh tau cog lus tseg tias yuav pub Hemas muaj koob meej, rau qhov (יחוח)Yahweh pub kaum plaub tug tub thiab peb tug ntxhais rau Hemas.

6 Lawv txiv ua tus uas coj lawv sawvdaws ntaus tej cuab yeej phim nkauj hauv (יחוח)Yahweh lub tuam tsev, yog npuaj nruas tooj liab thiab ntaus nkauj nog ncas loj thiab nkauj nog ncas me, yog tej haujlwm uas lawv ua hauv (יחוח)Yahweh lub tuam tsev. Axas thiab Yeduthus thiab Hemas ua raws li vajntxwv kom lawv ua.

7 Lawv thiab lawv cov kwvtij uas tau kawm hu nkauj rau (יחוח)Yahweh thiab txawj hu huvsi muaj ob puas yim caum yim leej.

8 Lawv sawvdaws rho ntawv faib tej haujlwm uas lawv yuav tau ua, tsis hais tus hluas tus laus, cov xibhwb thiab cov tub kawm kuj rho ntawv ib yam nkaus.

9 Rho ntawv daim ib yog Yahxej uas yog cum Axas. Rho ntawv daim ob yog Kedaliyah thiab nws cov kwvtij thiab nws cov tub, huvsi kaum ob leeg.

10 Rho ntawv daim peb yog Xakhaws thiab nws cov tub thiab nws cov kwvtij, huvsi kaum ob leeg.

11 Rho ntawv daim plaub yog Ixalis thiab nws cov tub thiab nws cov kwvtij, huvsi kaum ob leeg.

12 Rho ntawv daim tsib yog Nethaniyah thiab nws cov tub thiab nws cov kwvtij, huvsi kaum ob leeg.

13 Rho ntawv daim rau yog Npukhiyah thiab nws cov tub thiab nws cov kwvtij, huvsi kaum ob leeg.

14 Rho ntawv daim xya yog Yesalelas thiab nws cov tub thiab nws cov kwvtij, huvsi kaum ob leeg.

15 Rho ntawv daim yim yog Yesayah thiab nws cov tub thiab nws cov kwvtij, huvsi kaum ob leeg.

16 Rho ntawv daim cuaj yog Mathaniyah thiab nws cov tub thiab nws cov kwvtij, huvsi kaum ob leeg.

17 Rho ntawv daim kaum yog Sime‑is thiab nws cov tub thiab nws cov kwvtij, huvsi kaum ob leeg.

18 Rho ntawv daim kaum ib yog Axalees thiab nws cov tub thiab nws cov kwvtij, huvsi kaum ob leeg.

19 Rho ntawv daim kaum ob yog Hasanpiyah thiab nws cov tub thiab nws cov kwvtij, huvsi kaum ob leeg.  

20 Rho ntawv daim kaum peb yog Sunpa‑ees thiab nws cov tub thiab nws cov kwvtij, huvsi kaum ob leeg.  

21 Rho ntawv daim kaum plaub yog Mattithyah thiab nws cov tub thiab nws cov kwvtij, huvsi kaum ob leeg.

22 Rho ntawv daim kaum tsib yog Yelemaus thiab nws cov tub thiab nws cov kwvtij, huvsi kaum ob leeg.

23 Rho ntawv daim kaum rau yog Hananiyah thiab nws cov tub thiab nws cov kwvtij, huvsi kaum ob leeg.

24 Rho ntawv daim kaum xya yog Yaunpekhasas thiab nws cov tub thiab nws cov kwvtij, huvsi kaum ob leeg.  

25 Rho ntawv daim kaum yim yog Hananis thiab nws cov tub thiab nws cov kwvtij, huvsi kaum ob leeg.

26 Rho ntawv daim kaum cuaj yog Malauthis thiab nws cov tub thiab nws cov kwvtij, huvsi kaum ob leeg.

27 Rho ntawv daim nees nkaum yog Eliyathas thiab nws cov tub thiab nws cov kwvtij, huvsi kaum ob leeg.

28 Rho ntawv daim nees nkaum ib yog Hauthis thiab nws cov tub thiab nws cov kwvtij, huvsi kaum ob leeg.

29 Rho ntawv daim nees nkaum ob yog Kidathis thiab nws cov tub thiab nws cov kwvtij, huvsi kaum ob leeg.

30 Rho ntawv daim nees nkaum peb yog Mahaxi‑aus thiab nws cov tub thiab nws cov kwvtij, huvsi kaum ob leeg.  

31 Rho ntawv daim nees nkaum plaub yog Laumathi‑exaws thiab nws cov tub thiab nws cov kwvtij, huvsi kaum ob leeg.