Xalaumoos Thov (יחוח)Yahweh Pub Tswvyim

(1 Vajntxwv 3:4-15)

1 Davis tus tub Xalaumoos tau kav nws lub tebchaws nyob ruaj, thiab (יחוח)Yahweh uas yog nws Tus Tswv tau nrog nraim nws thiab tsa nws ua loj kawg nkaus.

2 Xalaumoos hais rau cov Ixayees sawvdaws thiab cov thawj rog kav ib txhiab leej, kav ib puas leej thiab cov tu plaub thiab Ixayees cov thawj sawvdaws, thiab cov thawj hauv txhua cum.

3 Xalaumoos thiab ib tsoom pejxeem uas nrog nws nyob nce mus rau lub chaw siab uas pe hawm (יחוח)Yahweh hauv lub moos Kinpe‑oos, rau qhov (יחוח)Yahweh lub tsev ntaub sib ntsib uas (יחוח)Yahweh tus tub qhe Mauxes tau ua hauv tebchaws moj sab qhua nyob qhov ntawd.

4 Davis tau coj (יחוח)Yahweh lub phij xab ntawm Kile‑as Ye‑alis los txog lub chaw uas Daviv tau npaj cia lawm, rau qhov nws tau tsa ib lub tsev ntaub rau lub phij xab ntawd rau hauv Yeluxalees.

5 Tsis tag li ntawd, lub thaj tooj liab xyeem uas Npexalees uas yog Ulis tus tub thiab yog Hawj tus xeeb ntxwv tau ua ntawd, kuj nyob ntawm (יחוח)Yahweh lub tsev ntaub hauv lub moos Kinpe‑oos. Mas Xalaumoos thiab cov pejxeem nrhiav (יחוח)Yahweh qhov ntawd.

6 Xalaumoos mus rau ntawm lub thaj tooj liab rau ntawm (יחוח)Yahweh xub ntiag uas nyob ntawm lub tsev ntaub sib ntsib thiab tua ib txhiab tus tsiaj ua kevcai hlawv huvsi xyeem rau saum lub thaj ntawd.

7 Hmo ntawd (יחוח)Yahweh tshwm rau Xalaumoos pom thiab hais rau nws tias, koj xav kom kuv pub abtsi rau koj, cia li thov.

8 Mas Xalaumoos hais rau (יחוח)Yahweh tias, koj ua koj txojkev hlub ruaj khov uas loj kawg tshwm rau kuv txiv Daviv uas yog koj tus tub qhe, thiab koj tau tsa kuv ua vajntxwv nyob nws chaw.

9 Au kuv Txiv (יחוח)Yahweh, thov cia tej lus uas koj cog tseg rau kuv txiv Daviv tiav rau nimno, rau qhov koj twb tsa kuv ua vajntxwv kav ib haiv neeg uas coob npaum li cov hmoov av hauv ntiajteb.

10 Thov pub tswvyim plab plaws thiab kev txawj ntse rau kuv, kuv thiaj coj tau haiv neeg no, rau qhov leejtwg yuav kav tau koj haiv neeg uas coob heev no?

11 (יחוח)Yahweh teb Xalaumoos tias, vim koj lub siab xav tau tej ntawd, thiab koj tsis tau thov kev muaj nyiaj, kev nplua nuj, meej mom lossis thov kom cov uas ntxub koj txojsia tu thiab tsis tau thov kom koj muaj txoj sia nyob ntev, tiamsis koj tau thov tswv yim plab plaws thiab kev txawj ntse rau koj kom txawj kav kuv haiv neeg uas kuv tau tsa koj ua vajntxwv kav lawv,

12 mas kuv thiaj pub lajlim tswvyim plab plaws thiab kev txawj ntse rau koj. Kuv tseem yuav pub nyiaj kub, pub kev nplua nuj thiab meej mom ntau rau koj. Tej vajntxwv uas nyob ua koj ntej yeej tsis tau muaj li thiab cov uas nyob ua koj qab yuav tsis muaj npaum li koj.

13 Xalaumoos thiaj tawm ntawm lub tsev ntaub sib ntsib ntawm lub chaw siab pe hawm (יחוח)Yahweh hauv Kinpe‑oos mus rau Yeluxalees. Mas nws ua vajntxwv kav Ixayees.

​

Xalaumoos Nplua Nuj

(1 Vajntxwv 10:26-29)

14 Xalaumoos sau tau tej tsheb nees ua rog thiab cov tub rog caij nees. Nws muaj tsheb nees ua rog ib txhiab plaub puas lub thiab muaj cov tub rog uas caij nees, kaum ob txhiab leej uas nws kom ib txhia nyob rau hauv tej moos uas nws npaj rau tej tsheb nees ua rog thiab ib txhia nrog vajntxwv nyob hauv lub nroog Yeluxalees.

15 Vajntxwv ua rau nyiaj thiab kub muaj ntau rau hauv lub nroog Yeluxalees yam li pob zeb, thiab ua rau ntoo ciab muaj ntau yam nkaus li tej ntoo txiv cev hauv tej pov roob Sefelas.

16 Xalaumoos yuav nees hauv Iziv tebchaws thiab hauv Khu‑es tebchaws los, mas vajntxwv cov tub luam txais yuav hauv Khu‑es tebchaws raws li tus nqi.

17 Ib lub tsheb nees ua rog hauv Iziv teb chaws mas lawv yuav rau pua sekhees nyiaj, ib tug nees mas lawv yuav ib puas tsib caug sekhees.  Mas lawv xa tej no mus muag rau cov Hithais tej vajntxwv sawvdaws thiab cov Alas tej vajntxwv.