Mikhayah Hais Txog Ahaj Swb

(2 Vaj Keeb Kwm 18:2-27)

1 Alas tebchaws thiab Ixayees teb chaws tseg tsis ua rog tau peb xyoos.

2 Tiamsis xyoo uas peb Yahdah tus vajntxwv Yahsafas mus saib Ixayees tus vajntxwv.

3 Ixayees tus vajntxwv hais rau nws cov tub teg tub taws tias, nej puas paub tias lub moos Lamaus Kile‑as yog peb li, es peb yuav nyob twjywm tsis mus txeeb ntawm Alas tus vajntxwv txhais tes rov los lov?  

4 Ahaj hais rau Yahsafas tias, koj yuav nrog kuv mus ua rog rau lub moos Lamaus Kile‑as los tsis mus? Mas Yahsafas hais rau Ixayees tus vajntxwv tias, koj zoo li cas, kuv zoo li ntawd, kuv cov tibneeg kuj yog koj cov tibneeg thiab kuv cov nees yog koj cov nees.

5 Yahsafas hais rau Ixayees tus vajntxwv tias, thov nug saib (יחוח)Yahweh hais li cas tso.

6 Ces Ixayees tus vajntxwv txawm hu cov xibhwb cev (יחוח)Yahweh lus kwvlam plaub puas leej tuaj ua ke mas hais rau lawv tias, tsim nyog kuv mus ua rog rau lub moos Lamaus Kile‑as los tsis txhob mus? Mas lawv teb tias, mus los maj, rau qhov (יחוח)Yahweh yuav muab lub moos ntawd rau hauv vaj ntxwv txhais tes.

7 Tiamsis Yahsafas hais tias, muaj dua lwm tus xibhwb cev (יחוח)Yahweh lus uas peb nug tau thiab los tsis muaj lawm?

8 Ixayees tus vajntxwv hais rau Yahsafas tias, tseem tshuav ib tug yawg uas peb yuav kom ua nug rau (יחוח)Yahweh tau thiab, yog Mikhayah uas yog Ilas tus tub. Tiamsis kuv ntxub nws rau qhov nws tsis tau cev lus zoo ntsig txog kuv kiag li, tsuas yog cev lus phem xwb. Ces Yahsafas hais rau vajntxwv tias, tsis txhob hais li kod.

9 Ixayees tus vajntxwv hu ib tug tub teg tub taws los thiab hais tias, cia li coj Ilas tus tub Mikhayah tuaj sai sai.

10 Ixayees tus vajntxwv thiab Yahsafas tab tom nyob saum nkawv lub zwm txwv thiab hnav tej tsoos meej mom rau ntawm lub tshav ntaus qoob uas nyob ntawm lub rooj loog Xamalis thiab cov xibhwb cev (יחוח)Yahweh lus sawvdaws tab tom cev lus ntawm nkawv xub ntiag.

11 Mas Xedekhiyah uas yog Khena‑ anas tus tub txawm muab kav hlau ua ib txwm kub rau nws thiab hais tias, (יחוח)Yahweh hais li no tias, koj yuav siv txwm kub no nrau cov Alas mus txog thaum lawv puam tsuaj tag.

12 Thiab cov uas cev lus sawvdaws kuj cev lus ib yam nkaus li ntawd hais tias, cia li mus rau lub moos Lamaus Kile‑as, yuav kov yeej, rau qhov (יחוח)Yahweh yuav muab lub moos ntawd rau hauv vajntxwv txhais tes.

13 Mas tus tub teg tub taws uas mus hu Mikhayah txawm hais rau Mikhayah tias, saib maj, cov xibhwb cev lus sawvdaws ua ib lub suab hais yam uas zoo rau vajntxwv xwb. Koj cia li hais zoo ib yam li lawv hais thiab hais yam uas zoo xwb.

14 Tiamsis Mikhayah hais tias, (יחוח)Yahweh muaj txojsia nyob pom,

(יחוח)Yahweh hais li cas rau kuv, kuv yuav tau hais li ntawd xwb.

15 Thaum nws tuaj cuag vajntxwv, vajntxwv hais rau nws tias, Mikhayah, tsim nyog peb yuav mus ua rog rau Lamaus Kile‑as los tsis txhob mus? Mikhayah teb nws tias, cia li mus los maj, yuav kov yeej. (יחוח)Yahweh yuav muab lub moos ntawd rau hauv vajntxwv txhais tes.

16 Vajntxwv txawm hais rau nws tias, kuv twb kom koj cog lus twv pes tsawg zaus lawm tias koj yuav tau tuav (יחוח)Yahweh lub npe hais qhov tseeb xwb xwb li? 17 Mikhayah thiaj hais tias, kuv pom cov Ixayees sawvdaws raug khiav ua sab ua sua saum tej roob yam nkaus li pab yaj uas tsis muaj tus tswv yug. Thiab (יחוח)Yahweh hais tias, cov tibneeg no tsis muaj tus tswv, cia lawv nyias rov mus zoo rau nyias vaj nyias tsev.

18 Cov Ixayees tus vajntxwv thiaj hais rau Yahsafas tias, kuv twb hais rau koj tias, nws yuav tsis cev lus zoo ntsig txog kuv no nev, tsuas yog cev lus phem xwb, los tsis yog?

19 Thiab Mikhayah hais tias, yog li no cia li tig ntsej mloog ()Yahweh tej lus. Kuv pom (יחוח)Yahweh nyob saum nws lub zwm txwv thiab ib tsoom tibneeg saum ntuj sawv ntawm nws sab xis thiab sab laug.

20 Mas (יחוח)Yahweh hais tias, leejtwg yuav ntxias Ahaj kom nws mus ntog tuag rau ntawm lub moos Lamaus Kile‑as? Ib tug hais li ub, ib tug hais li no.

21 Muaj ib tug plig txawm txav los sawv ntsug ntawm (יחוח)Yahweh xub ntiag hais tias, kuv yuav ntxias nws.

22 (יחוח)Yahweh hais rau tus plig ntawd tias, koj yuav ua li cas? Nws teb tias, kuv yuav mus thiab kuv yuav ua ib tug plig dag rau hauv nws cov xibhwb uas cev lus lub qhov ncauj. (יחוח)Yahweh hais tias, koj yuav mus ntxias nws, thiab koj yuav ua tau kom tiav.  Koj cia li mus ua.

23 Vim li ntawd nimno (יחוח)Yahweh thiaj

muab tus plig dag tso rau hauv koj cov xibhwb uas cev lus txhua tus lub qhov ncauj. (יחוח)Yahweh twb teem tej xwm txheej phem no los raug koj lawm.

24 Ces Khena‑anas tus tub Xedekhiyah txawm txav los tib tawg ncuav Mikhayah sab plhu thiab hais tias, (יחוח)Yahweh Tus Ntsuj Plig Dawb Huv tawm ntawm kuv taug txojkev twg mus hais rau koj?

25 Mas Mikhayah hais tias, saib maj, koj yuav paub rau hnub uas koj khiav mus nraim cev rau chav tsev hauv nruab nrab.  

26 Ixayees tus vajntxwv hais tias, cia li ntes kiag Mikhayah, coj nws rov mus cob rau tus tswv xeev Asmoos uas kav lub nroog thiab cob rau Yahas uas yog vajntxwv tus tub,

27 thiab hais tias, vajntxwv hais li no tias, muab tus yawg no kaw nkuaj thiab tsuas yog muab ncuav thiab dej rau nws xwb mus txog thaum kuv rov los txog zoo.

28 Mikhayah hais tias, yog koj tseem rov los txog zoo, ces tsis yog

(יחוח)Yahweh kom kuv hais tej lus no. Thiab nws hais tias, nej sawvdaws cia li mloog nawb!

​

Ahaj Tuag

(2 Vaj Keeb Kwm 18:28-34)

29 Ixayees tus vajntxwv thiab Yahdah tus vajntxwv Yahsafas txawm mus rau Lamaus Kile‑as lawm.

30 Ixayees tus vajntxwv hais rau Yahsafas tias, kuv yuav hloov tsoos tsho ua cuav tsab mus ntaus rog, tiamsis koj mas koj hnav koj cev tsoos tsho meej mom. Ixayees tus vajntxwv txawm hloov tsoos tsho ua cuav tsab txeem mus ua rog.

31 Cov Alas tus vajntxwv hais rau peb caug ob tug thawj rog uas kav nws tej tsheb ua rog tias, tsis txhob tua tej tub rog, tsis hais loj thiab yau, tsuas yog tua cov Ixayees tus vajntxwv xwb.

32 Thaum cov thawj rog uas kav tej tsheb ua rog pom Yahsafas, lawv hais tias, yog Ixayees tus vajntxwv tiag tiag li. Lawv txawm tig hlo mus tawm tsam nws. Mas Yahsafas qw nrov nrov.  

33 Thaum cov thawj rog uas kav tej tsheb ua rog pom tias tsis yog Ixayees tus vajntxwv, lawv thiaj tseg tsis caum nws lawm.

34 Muaj ib tug yawg lam rub hneev nti kwv yees tua mus raug Ixayees tus vajntxwv nkag plaws lub tsho hlau ib kem ntawm hauv siab. Ahaj thiaj hais rau tus uas tsav nws lub tsheb ua rog tias, cia li tig rov qab, coj kuv tawm hauv tshav rog mus, rau qhov kuv raug mob lawm.  

35 Hnub ntawd kev sib ntaus sib tua loj heev, vajntxwv thiaj pheeb hauv nws lub tsheb ua rog tig saib ntsoov rau cov Alas mus txog yuav tsaus ntuj ces nws txawm tuag lawm. Cov ntshav ntawm nws qhov txhab ntws los rau hauv lub tais tsheb ua rog.

36 Kwvlam thaum hnub poob qho, muaj suab qw nrov thoob plaws hauv pab tub rog hais tias, txhua tus nyias rov mus rau nyias lub moos thiab mus rau nyias teb nyias chaw.

37 Vajntxwv thiaj tuag li no, mas lawv coj nws los rau hauv lub nroog Xamalis, thiab muab nws faus rau hauv Xamalis.

38 Lawv muab nws lub tsheb ua rog ntxuav ntawm lub pas dej Xamalis, mas dev los yaim vajntxwv cov ntshav, yog lub chaw uas cov poj muag cev da dej, raws li

(יחוח)Yahweh tej lus uas nws hais cia lawd.  

39 Lwm yam haujlwm uas Ahaj ua thiab txhua yam uas nws ua thiab lub tsev kaus ntxhw uas nws ua thiab tej moos huvsi uas nws kho dua tshiab twb muab sau cia rau hauv phau ntawv uas hais txog cov Ixayees tej vajntxwv li keeb kwm lawm.

40 Ahaj thiaj tuag mus nrog nws tej poj koob yawm txwv nyob.  Nws tus tub Ahaxiyah sawv nws chaw ua vajntxwv kav.

​

Yahsafas Ua Vajntxwv Kav Yahdah

(2 Vaj Keeb Kwm 20:31-21:1)

41 Xyoo plaub uas Ahaj ua vajntxwv kav Ixayees mas Axas tus tub Yahsafas pib ua vajntxwv kav Yahdah.

42 Thaum Yahsafas pib ua vajntxwv, nws hnub nyoog muaj peb caug tsib xyoos, nws nyob hauv Yeluxalees kav tau nees nkaum tsib xyoos. Nws niam npe hu ua Axunpas uas yog Sihis tus ntxhais.

43 Nws ua raws li nws txiv Axas txojkev rau txhua qhov tsis tig mus rau sab twg li. Nws ua tej uas (יחוח)Yahweh pom tias zoo. Tiamsis tej chaw siab teev dab tseem tsis tau muab rhuav pov tseg, cov pejxeem tseem xyeem tsiaj thiab hlawv hmoov xyab rau saum tej chaw siab ntawd.  

44 Yahsafas kuj nrog cov Ixayees tus vajntxwv sib raug zoo tsis ua rog.

45 Lwm yam haujlwm uas Yahsafas ua

thiab nws lub hwjchim thiab nws tej kev ua rog mas twb muab sau cia rau hauv phau ntawv uas hais txog cov Yahdah tej vajntxwv li keeb kwm lawm.

46 Tej txivneej muag cev ntawm tsev dab dhau nws txiv lawm los tseem tshuav nyob, nws kuj muab ntxuav tawm hauv lub tebchaws huvsi pov tseg.

47 Thaum ntawd lub tebchaws Edoos tsis muaj vajntxwv kav lawm, lawv tsa ib tug sawv cev cov pejxeem los ua tus saib lawv lawm xwb.

48 Yahsafas ua tau ib co nkoj txwg zoo li cov Thasis ua mas yuav mus thauj tej kub ntawm Aufis los. Tiamsis cov nkoj ntawd mus tsis txog, rau qhov cov nkoj cia li tawg piam tag rau ntawm Exi‑oos Kenpaws lawm.

49 Ahaj tus tub Ahaxiyah hais rau Yahsafas tias, thov cia kuv cov tub qhe nrog koj cov tub qhe tsav nkoj mus. Tiamsis Yahsafas tsis yeem.

50 Ces Yahsafas txawm tuag mus nrog nws tej poj koob yawm txwv nyob.  Lawv muab nws faus nrog nws tej poj koob yawm txwv ua ke rau hauv nws yawg koob Daviv lub nroog. Mas nws tus tub Yahlas sawv nws chaw ua vajntxwv kav.

Ahaxiyah Ua Vajntxwv Kav Ixayees

51 Xyoo kaum xya uas Yahsafas kav Yahdah mas Ahaj tus tub Ahaxiyah pib ua vajntxwv kav Ixayees hauv Xamalis, nws kav Ixayees tau ob xyoos.

52 Nws ua tej uas (יחוח)Yahweh pom tias phem thiab nws taug nraim nws txiv thiab nws niam thiab nws yawg Yelaunpau‑as uas yog Nenpas tus tub tus hneev taw ua txhaum thiab coj cov Ixayees ua txhaum.  

53 Ahaxiyah ua koom tu dab Npa-as thiab pe hawm tus dab ntawd, ua rau (יחוח)Yahweh uas yog cov Ixayees Tus Tswv chim kawg ib yam li nws txiv ua thiab.