1 Thaum ntawd cov Filixatees sau tub rog yuav mus ua rog rau cov Ixayees. Mas Akhij hais rau Daviv tias, koj yuav tau paub tias, koj thiab koj cov tibneeg yuav tau nrog kuv tawm mus ua rog.

2 Daviv hais rau Akhij tias, zoo kawg, koj yuav paub tias kuv uas yog koj tus tub qhe muaj peevxwm li cas.  Akhij hais rau Daviv tias, zoo lawm, kuv yuav tsa koj ua tus uas hwj xwm kuv mus tag sim neej.

​

Sha-ul Thiab Tus Txiv Neeb Hauv Lub Moos Eedaus 

3 Xamuyees twb tuag lawm thiab cov Ixayees sawvdaws quaj ntsuag nws thiab muab nws faus rau hauv Lamas uas yog nws lub moos. Sha-ul twb rhuav tshem tej txiv neeb txiv yaig hauv lub tebchaws tag lawm.

4 Cov Filixatees sau zog tuaj ua ke ua yeej ze ntawm lub moos Sunees. Mas Sha-ul txhij Ixayees cov tub rog sawvdaws tuaj ua yeej rau saum lub roob Kinpau‑as. 5 Thaum Sha-ul pom Filixatees cov tub rog mas nws ntshai heev, nws lub siab tshee hnyo.

6 Thaum Sha-ul ua nug rau (יחוח)Yahweh, (יחוח)Yahweh kuj tsis teb nws, tsis hais teb

hauv yog toog lossis teb ntawm Ulis lossis ntawm cov xibhwb cev (יחוח)Yahweh lus.

7 Sha-ul thiaj hais rau nws cov tub teg tub taws tias, cia li mus nrhiav ib tug pojniam uas txawj ua neeb es kuv yuav mus kom nws ua neeb saib. Sha-ul cov tub teg tub taws hais tias, muaj ib tug pojniam ua txiv neeb hauv lub moos Eedaus.

8 Sha-ul thiaj hloov nws tsoos tsho, ua cuav tsab nrog ob tug txivneej mus. Lawv mus txog tus pojniam ntawd rau thaum tsaus ntuj, mas Sha-ul hais tias, thov ua neeb rau kuv es coj tus tuag uas kuv qhia npe rau koj los.

9 Tus pojniam ntawd teb Sha-ul tias, koj yeej paub tseeb lawm tias Sha-ul twb ua li cas, qhov uas nws rhuav tshem tej txiv neeb txiv yaig hauv lub tebchaws. Ua cas koj tseem tuaj ua ntxiab ua hlua cuab kuv txojsia?

10 Sha-ul tuav (יחוח)Yahweh lub npe twv tias, muaj (יחוח)Yahweh uas muaj txojsia nyob pom, koj yuav tsis raug txim rau qhov uas ua neeb no.

11 Tus pojniam ntawd thiaj hais tias, koj yuav kom kuv hu leejtwg los? Sha-ul hais tias, hu Xamuyees los rau kuv.

12 Thaum tus pojniam ntawd pom dheev Xamuyees ces txawm qw nrov nrov thiab hais rau Sha-ul tias, ua cas koj dag kuv? Koj twb yog Sha-ul ntag.

13 Vajntxwv hais rau tus pojniam ntawd tias, tsis txhob ntshai li, koj pom abtsi? Tus pojniam hais rau Sha-ul tias, kuv pom ib tug timtswv sawv hauv nruab yeeb los.

14 Sha-ul nug tus pojniam hais tias, nws lub cev zoo li cas? Tus pojniam ntawd teb tias, yog ib tug yawg laus hnav lub tsho ntev sawv los. Sha-ul thiaj paub tias yog Xamuyees, nws txawm khoov ntshis pe rau hauv av.

15 Xamuyees hais rau Sha-ul tias, koj hu kuv sawv los tab kaum ua abtsi? Sha-ul teb tias, kuv muaj kev nyuaj siab heev vim yog cov Filixatees ua rog rau kuv thiab (יחוח)Yahweh tig kiag ntawm kuv mus lawm tsis teb kuv dua li lawm, tsis hais teb ntawm cov xibhwb cev (יחוח)Yahweh lus los sis teb hauv tej yog toog.  Yog li no kuv thiaj thov hu koj sawv los xwv koj thiaj qhia kuv paub tias kuv yuav ua li cas.

16 Xamuyees hais tias, thaum (יחוח)Yahweh tig hlo ntawm koj thiab ua yeeb ncuab rau koj lawm, ua cas koj tseem tuaj nug kuv?

17 (יחוח)Yahweh ua rau koj yam li uas nws twb kom kuv hais rau koj lawd. ()Yahweh muab lub tebchaws dua ntawm koj txhais tes thiab muab cob rau lwm tus kav yog Daviv.

18 Twb yog vim koj tsis mloog (יחוח)Yahweh tej lus thiab ua raws li uas nws npau taws rau cov Amalej, hnub no (יחוח)Yahweh thiaj ua tej no rau koj.  

19 Tsis tag li ntawd xwb (יחוח)Yahweh yuav muab koj thiab cov Ixayees huvsi cob rau hauv cov Filixatees txhais tes. Tagkis koj thiab koj cov tub yuav nrog kuv nyob, thiab (יחוח)Yahweh yuav muab Ixayees cov tub rog cob rau hauv cov Filixatees txhais tes.

20 Ces Sha-ul txawm ntog vau hlo xyab kiag rau hauv pem teb tamsim ntawd, nws ntshai kawg vim yog Xamuyees tej lus.  Nws tsis muaj zog kiag li lawm, rau qhov nws tsis tau noj mov ib hnub ib hmos lawm.

21 Tus pojniam ntawd thiaj los rau ntawm Sha-ul. Thaum nws pom tias Sha-ul ntshai kawg, nws hais rau Sha-ul tias, kuv uas yog koj tus nkauj qhe yeej mloog koj hais. Kuv sev nyog txojsia yeem ua raws li koj tej lus txhua yam.

22 Vim li no thov koj mloog koj tus nkauj qhe hais. Cia kuv muab mentsis zaub mov rau koj, koj cia li noj thiaj muaj zog taug kev rov qab mus.

23 Sha-ul kuj tsis kam, nws hais tias, kuv tsis noj.  Tiamsis nws cov tub teg tub taws thiab tus pojniam ntawd txhob txhob nws, nws thiaj mloog lawv hais. Nws sawv los nyob saum lub txaj.

24 Tus pojniam ntawd muaj ib tug menyuam nyuj rog rog nyob ntawm tsev, nws txawm maj nroos muab tua.  Nws muab hmoov mog los zuaj cub ua ncuav tsis xyaw keeb.

25 Nws coj los rau rau Sha-ul thiab nws cov tub teg tub taws noj.  Lawv noj tag ces txawm rov qab mus tsev hmo ntawd.