Tej Lus Ntuas Thaum Kawg

1 Zaum no yog zaum peb uas kuv tuaj saib nej. Muaj lus iab liam abtsi, yuav tsum muaj ob peb leeg ua timkhawv, thiaj ntseeg tau. (Kevcai 19:15)

2 Kuv twb txeev ntuas cov uas ua txhaum yav tag los, thiab ntuas luag lwm tus huvsi. Nimno thaum kuv tsis nrog nej nyob, kuv ntuas nej ib yam li thaum kuv tuaj saib nej zaum ob ntawd, kuv ntuas nej hais tias, yog kuv rov tuaj dua, kuv yuav tsis zam leejtwg lub txim.

3 Vim tias nej xav tau tej keeb puam uas pom tias (יהושע)Yahshua Messiah muab lus rau kuv hais. (יהושע)Yahshua Messiah tsis qaug zog pab nej, tiamsis nws muaj hwjchim rau hauv nej.

4 Thaum nws raug teem rau saum tus ntoo ntsia tes, nws qaug zog tag, tiamsis nws muaj txojsia nyob, vim Abba (יחוח)Yahweh lub hwjchim. Peb nyob hauv (יהושע)Yahshua Messiah, kuj qaug zog thiab, tiamsis thaum nrog nej nyob, peb yuav muaj txojsia nrog nraim nws, vim yog Abba (יחוח)Yahweh lub hwjchim.

5 Cia li tshuaj nej tus kheej saib nej nyob hauv txojkev ntseeg los tsis nyob. Cia li sim nej tus kheej. Nej tsis paub tias (יהושע)Yahshua Messiah nyob hauv nej lov? Ntshai tsuas yog nej hla tsis dhau qhov uas muab sim xwb.

6 Kuv vam tias nej yuav paub tias peb hla dhau qhov uas raug sim lawm.

7 Peb thov Abba (יחוח)Yahweh pab kom nej tsis txhob ua txhaum, tsis yog ua kom pom tias peb hla dhau qhov uas raug sim, tiamsis xwv nej thiaj yuav ua zoo, txawm yog saib yam li peb hla tsis dhau qhov uas raug sim ntawd kuj xij.

8 Rau qhov peb ua tsis tau ib yam abtsi tawm tsam qhov tseeb, tsuas yog ua txhawb qhov tseeb.

9 Thaum peb qaug zog thiab nej muaj zog, peb kuj zoo siab. Peb thov Abba (יחוח)Yahweh pab yam no, yog qhov uas nej rov ua zoo kawg nkaus.

10 Vim li no, kuv thiaj sau tej no tuaj rau nej rau thaum kuv tsis nrog nej nyob, xwv thaum kuv tuaj txog lawd, kuv thiaj tsis ua tawv rau nej raws li lub hwjchim uas Abba (יחוח)Yahweh pub rau kuv tsim kho, tsis yog muab rau kuv rhuav pov tseg.

11 Thaum kawg no, cov kwvtij, thov ncaim.

 Nej cia li rov ua zoo kawg nkaus, cia li mloog tej lus uas kuv thov, cia li koom ua ib lub siab, nyob sib haum xeeb. Mas Abba (יחוח)Yahweh uas muaj txojkev hlub thiab muaj kev kaj siab lug yuav nrog nej nyob.

12 Cia li sib fim ntawm txoj kevcai nwj uas dawb huv.

13 Abba (יחוח)Yahweh cov tibneeg dawb huv txhua tus nco txog nej.

14 Thov tus Cawemseej (יהושע)Yahshua Messiah txoj koob hmoov thiab Abba (יחוח)Yahweh txojkev hlub, thiab txojkev sib raug zoo uas los ntawm Tus Ntsuj Plig Dawbhuv nrog nraim nej txhua tus.