1 Kuv yog Sha-ul, yog tus tubtxib uas tsis yog tibneeg tsa lossis tibneeg txib, tiamsis yog (יהושע)Yahshua Messiah thiab Abba (יחוח)Yahweh tus uas tsa (יהושע)Yahshua ciaj sawv hauv qhov tuag rov los, ua tus tsa kuv ua nws ib tug tubtxib.

2 Kuv thiab cov kwvtij sawvdaws uas nrog kuv nyob, sau tsab ntawv no xa tuaj rau cov pawg ntseeg hauv lub xeev Galatians. 3 Thov txojkev hlub thiab txojkev ywjpheej ntawm Abba (יחוח)Yahweh uas yog peb Leej Txiv thiab ntawm tus Cawmseej (יהושע)Yahshua Messiah nrog nraim nej nyob.

4 (יהושע)Yahshua muab nws tus kheej, xyeem this peb lub txim kom thiaj cawm tau peb dim rau tiam tibneeg phem no raws li Abba (יחוח)Yahweh, uas yog peb Leej Txiv lub siab nyiam. 5 Thov kom Abba (יחוח)Yahweh muaj koob meej ci ntsa iab mus ib txhis tsis kawg Haleluyah! Amen!

​

Tsis Muaj Dua Lwm Txoj Hmoo Zoo

6 Kuv xav tsis thoob rau qhov uas nej muab tus uas hu nej los hauv (יהושע)Yahshua Messiah txojkev hlub, tso tseg sai kawg li, thiab tig mus raws lwm txoj hmoo zoo. 7 Tiamsis yeej tsis muaj dua lwm txoj hmoo zoo uas yuav zoo tshaj txoj no lawm. Dua li lwm tus, luag tsuas yog dag ntxias kom nej nyuaj siab thiab lawv xav hloov (יהושע)Yahshua Messiah txoj hmoo zoo xwb. 8 Yog tias, peb lossis ib tug tubtxib saum ntuj, qhia lwm txoj hmoo zoo rau nej uas tsis thooj li txoj hmoo zoo uas peb twb qhia rau nej tag lawm, kuj cia tus ntawd raug foom tsis zoo. 9 Nimno kuv rov hais dua raws li uas peb twb hais ua ntej lawd hais tias, yog leejtwg qhia lwm txoj hmoo zoo rau nej uas tsis thooj li txoj uas nej twb tau txais lawd, kuj cia tus ntawd raug foom tsis zoo. 10 Tamsim no, kuv tabtom xav kom leej twg lees txais kuv? Tibneeg los yog Abba (יחוח)Yahweh? Puas yog kuv nrhiav kev yuav ua kom haum tibneeg lub siab xwb? Yog kuv yuav ua kom haum tibneeg lub siab xwb ces kuv yeej tsis yog (יהושע)Yahshua Messiah tus tubtxib li.

Qhov Uas Sha-ul Ua Tubtxib 

11 Cov kwvtij, kuv xav kom nej paub tias, txoj hmoo zoo uas kuv qhia tsis yog tibneeg li. 12 Vim tsis yog kuv tau txoj hmoo zoo ntawm tibneeg los. Tsis muaj leejtwg qhia kuv, tiamsis yog (יהושע)Yahshua Messiah qhia tshwm rau kuv xwb. 13 Nej kuj tau hnov txog kuv lub neej yav thaum ub uas kuv tseem coj raws li cov Yahdaim txoj kevcai hais tias, kuv tau tsim txom Abba (יחוח)Yahweh cov pawg ntseeg heev kawg nkaus, thiab yooj xeeb ua kom puam tsuaj. 14 Thaum ntawd, peb cov kwvtij Yahdaim uas nrog kuv ib phaum, kuv yog tus uas coj tau zoo tshaj, thiab kuv yog tus uas coj peb cov yawgkoob tej kevcai nruj dua sawvdaws huv tibsi. 15 Tiamsis Abba (יחוח)Yahweh hlub kuv, thiab nws twb xaiv kuv cia puag thaum nruab thiab los lawm. Abba (יחוח)Yahweh thiaj hu kuv los ua nws txoj haujlwm. 16 Abba (יחוח)Yahweh pom zoo qhia nws tus tub tshwm los rau kuv pom kom kuv paub nws, rau qhov Abba (יחוח)Yahweh xav kom kuv mus qhia txojmoo zoo uas hais txog nws tus tub ntawd rau lwm haivneeg.

17 Thiab kuv tsis tau mus rau hauv lub nroog Yeluxalees, uas mus saib cov uas ua tubtxib ua kuv ntej. Kuv cia li mus rau lub tebchaws Alanpias, mam li rov qab mus rau lub nroog Damaxakas. 18 Thaum dhau peb xyoo lawm, kuv mam li mus saib Kepha hauv lub nroog Yeluxalees thiab nrog nws nyob tau kaum tsib hnub. 19 Thaum ntawd, kuv tsis ntsib lwm tus tubtxib li, tsuas yog ntsib Yaaqob uas yog (יהושע)Yahshua tus kwv xwb. 20 Tej uas kuv sau tuaj rau nej no, muaj Abba (יחוח)Yahweh pom tias kuv hais qhov tseeb xwb, kuv tsis dag li. 21 Dhau ntawd, kuv li mus rau hauv lub xeev Syria thiab lub xeev Cilicia.

22 (יהושע)Yahshua Messiah cov pawg ntseeg hauv lub xeev Yahdah tsis tau pom dua kuv tim ntsej tim muag. 23 Lawv tsuas yog tau hnov tias, tus uas thaum i tsim txom peb, nimno qhia txojkev ntseeg uas nws ib txwm muab rhuav kom puam tsuaj. 24 Mas lawv thiaj qhuas Abba (יחוח)Yahweh, vim yog kuv.

​