Cov Tubtxib Lees Yuav Sha-ul

1 Tom qab ntawd, tau kaum plaub lub xyoos, kuv thiab Barnabas wb mam li tau rov mus rau lub nroog Yeluxalees dua ib zaug, thiab coj Titus nrog kuv mus.

2 Kuv mus raws li Abba (יחוח)Yahweh qhia tshwm rau kuv, thiab kuv tau qhia txoj hmoo zoo uas kuv tau qhia rau lwm haiv neeg, rau lawv mloog, tiamsis tsuas yog qhia rau cov uas tseem ceeb mloog twjywm xwb. Vim kuv tsis paub, tsam lawv tsis tso cai rau tej uas kuv qhia lossis twb qhia los lawm. 3 Txawm yog Titus uas nrog kuv nyob uas yog tibneeg Greek, los nws tsis raug muab yuam ua kevcai txiav.  

4 Tiamsis zaj no, tshwm sim los vim yog muaj cov kwvtij uas ua cuav nyas kev tuaj tshuaj saib qhov uas peb tau nyob ywj pheej hauv (יהושע)Yahshua Messiah, xwv thiaj muab tau peb ua qhev.

5 Tiamsis peb tsis yeem swb lawv ib nyuag txoog teev li, kom txoj hmoo zoo uas tseeb ntawd thiaj nyob ruaj hauv nej mus li. 6 Cov tibneeg uas suav tias lawv tseem ceeb ntawd, (txawm yog lawv txeev zoo li cas kuj xij, kuv tsis quav ntsej, Abba (יחוח)Yahweh tsis saib leejtwg ntsej muag,) cov tibneeg uas lawv suav tias tseem ceeb ntawd tsis tau muab ib yam abtsi tsav ntxiv rau kuv. 7 Tiamsis lawv pom tias qhov uas qhia txoj hmoo zoo rau cov tibneeg uas tsis ua kevcai txiav raug muab cob rau kuv, ib yam li qhov uas qhia txoj hmoo zoo rau cov uas ua kevcai txiav raug muab cob rau Kepha, 

8 vim tias Abba (יחוח)Yahweh uas ua haujlwm rau hauv Kepha, kom mus ua tubtxib rau hauv cov uas ua kevcai txiav, kuj ua haujlwm rau hauv kuv kom mus rau hauv lwm haiv neeg.

9 Thaum Yaaqob thiab Kepha thiab Yahchanan uas luag hwm tias yog cov uas ua thawj pom Abba (יחוח)Yahweh txojkev hlub uas muab pub rau kuv lawm, lawv kuj tuav kuv thiab Barnabas sab tes xis qhia tias sib koom tes ua haujlwm, mas peb thiaj yuav mus rau hauv lwm haiv neeg thiab lawv cov yuav mus rau hauv cov uas ua kevcai txiav. 10 Lawv tsuas yog thov kom peb nco txog cov pluag, kuj yog yam uas kuv kub siab lug ua.

​

Sha-ul Nrog Kepha Sib Cav

11 Thaum Kepha tuaj txog lub moos Athi‑aus, kuv tau nrog nws sib cav tim ntsej tim muag, vim nws ua txhaum muaj txim tiag.

12 Ua ntej uas cov uas Yaaqob txib tuaj tsis tau tuaj txog, Kepha kuj nrog lwm haiv neeg koom noj haus ua ke, tiamsis thaum lawv tuaj txog, nws txawm thim ncaim mus nyob rau ib cag, vim ntshai cov uas coj ua kevcai txiav.

13 Thiab lwm tus Yahdaim kuj ua tsis ncaj raws li nws, txawm yog Barnabas los nws kuj ua tsis ncaj raws lawv qab thiab. 14 Tiamsis thaum kuv pom tias lawv tsis coj ncaj raws nraim qhov tseeb hauv txoj hmoo zoo, kuv txawm hais rau Kepha tab meeg sawvdaws tias, koj yog tibneeg Yahdaim, los koj tseem ua lub neej raws li lwm haiv neeg, tsis raws li cov Yahdaim. Ua cas koj tseem yuam lwm haiv neeg xyaum raws li cov Yahdaim thiab?

​

Tibneeg Yuav Tsum Ntseeg Thiaj Dim

15 Peb cov uas yug los ua haiv neeg Yah-daim, tsis yog lwm haiv neeg uas muaj txim.

16 Peb paub tias tsis muaj leejtwg raug suav tias ncaj ncees, vim xyaum raws li txoj kevcai, tsis yog vim ntseeg(יהושע)Yahshua Messiah. Peb kuj ntseeg (יהושע)Yahshua Messiah xwv peb thiaj raug suav tias ncaj ncees. Vim ntseeg (יהושע)Yahshua Messiah, tsis yog vim xyaum raws li txoj kevcai. Vim qhov uas xyaum raws li txoj kevcai, thiaj tsis muaj ib tug twg raug suav tias ncaj ncees.

17 Tiamsis thaum peb siv zog nrhiav kom raug suav tias ncaj ncees hauv (יהושע)Yahshua Messiah, ho rov raug suav tias yog tibneeg txhaum. Mas (יהושע)Yahshua Messiah yog tus uas ua kom muaj txim lov? Tsis yog li ntawd. 18 Tiamsis yog kuv muab tej uas kuv muab rhuav tag lawd, tsim dua tshiab, kuv kuj qhia kom pom tias kuv ua txhaum txoj kevcai. 19 Vim txoj kevcai ntawd, kuv twb tuag ntawm txoj kevcai lawm, kom kuv thiaj muaj txojsia nyob rau ntawm Abba (יחוח)Yahweh. 20 Kuv raug muab teem nrog (יהושע)Yahshua Messiah saum tus ntoo ntsia tes lawm. Kuv txojsia tsis muaj nyob lawm, tiamsis (יהושע)Yahshua Messiah nyob hauv kuv. Txojsia uas kuv tseem muaj nyob hauv kuv lub cev no, yog kuv ua neej nyob ntawm txojkev ntseeg Abba (יחוח)Yahweh Leej Tub uas hlub kuv thiab muab nws tus kheej this kuv. 21 Kuv tsis mom txiaj mom ntsig ntawm Abba (יחוח)Yahweh txojkev hlub. Yog xyaum raws li txoj kevcai raug suav tias ncaj ncees, (יהושע)Yahshua Messiah kuj tuag dawb tsis muaj nuj nqes.

​