Txoj Kevcai Thiab Kev Ntseeg

1 Cov Galatians uas ruam es, leejtwg tshoov nej lub siab? (יהושע)Yahshua Messiah twb raug teem rau saum tus ntoo ntsia tes tab meeg rau nej lub qhov muag pom.

2 Kuv xav paub ib nqes ntawm nej tias, nej tau txais Tus Ntsuj Plig Dawbhuv ntawm qhov uas xyaum raws li txoj kevcai lossis ntawm qhov uas ntseeg tej uas nej tau hnov? 3 Nej ruam npaum li no diam lov? Nej pib ntawm Tus Ntsuj Plig Dawbhuv, tiamsis yuav xaus rau ntawm nqaij tawv lov? 4 Qhov uas nej raug ntau yam lawd, tsis muaj nuj nqes lov? Yeej muaj nuj nqes. 5 Tus uas pub Tus Ntsuj Plig Dawbhuv rau nej thiab ua tej haujlwm uas muaj hwjchim hauv nej nruab nrab, ua tej ntawd vim nej xyaum raws li txoj kevcai lossis vim nej ntseeg tej uas nej tau hnov? 6 Ib yam li ntawd, Abraham ntseeg Abba (יחוח)Yahweh, Abba ((יחוח)Yahweh suav tias qhov uas nws ntseeg ntawd, yog txojkev ncaj ncees rau Abraham (Chivkeeb 15:6)

7 Cia li paub tseeb tias cov uas ntseeg thiaj yog Abraham cov menyuam.

8 Abba (יחוח)Yahweh txojlus paub ua ntej tias Abba (יחוח)Yahweh yuav suav tias lwm haiv neeg ncaj ncees, vim yog qhov uas ntseeg, thiaj qhia txoj hmoo zoo ua ntej rau Abraham hais tias, ib tsoom tibneeg yuav tau koob hmoov ntawm koj los. (Chivkeeb 12:3)

9 Vim li no, cov tibneeg uas ntseeg thiaj nrog Abraham, tus uas ntseeg tau koob hmoov ua ke. 10 Txhua tus uas vam khom qhov uas xyaum raws li txoj kevcai, kuj raug foom tsis zoo, rau qhov muaj lus sau cia hais tias, txhua tus uas tsis xyaum raws li txhua nqe uas sau cia rau hauv phau kevcai mus li, tus ntawd kuj yuav raug foom tsis zoo (Kevcai 27:26)

11 Yeej paub tseeb tias, tsis muaj leejtwg xyaum raws li txoj kevcai yuav raug suav tias ncaj ncees rau ntawm Abba (יחוח)Yahweh lub qhov muag. Rau qhov tus uas ncaj ncees yuav muaj txojsia nyob, vim qhov uas nws ntseeg. (Habakkuk 2:4)

12 Tiamsis txoj kevcai tsis yog vam khom txojkev ntseeg, rau qhov tus uas ua raws nraim txoj kevcai, kuj yuav muaj txojsia nyob, vim xyaum raws li txoj kevcai. (Levis Kevcai 18:5)

13 (יהושע)Yahshua Messiah raug tsawm foom this peb, thiaj txhiv peb dim qhov uas raug foom raws li txoj kevcai, rau qhov muaj lus sau cia hais tias, txhua tus uas raug muab dai rau saum ntoo, raug foom tsis zoo. (Kevcai 21:23)

14 Xwv tej koob hmoov ntawm Abraham thiaj los txog lwm haiv neeg uas nyob hauv (יהושע)Yahshua Messiah, peb thiaj tau txais Tus Ntsuj Plig Dawbhuv ntawm txojkev ntseeg raws li uas cog lus tseg.

​

Txoj Kevcai Thiab Tej Lus Cog Tseg

15 Cov kwvtij, kuv muab piv rau tibneeg lub neej. Txawm yog tibneeg tej lus cog tseg los thaum hais haum lawm tsis muaj leejtwg yuav muab rhuav lossis tsav ntxiv tau. 16 Tej lus uas cog tseg rau Abraham thiab nws caj ces, tsis tau hais tias, pub rau caj ces sawvdaws yam li pub rau coob leej, tiamsis zoo yam li pub rau ib tug xwb, yog tus tseem caj ces uas yog (יהושע)Yahshua Messiah. (Chivkeeb 22:18)

17 Kuv hais li no Txoj kevcai uas tshwm los plaub puas peb caug xyoo tom qab yuav rhuav tsis tau tej lus cog tseg uas Abba (יחוח)Yahweh pub ua ntej ntawd, kom siv tsis tau. 18 Rau qhov yog tau qub txeeg qub teg ntawm txoj kevcai, kuj tsis yog tau ntawm tej lus cog tseg. Tiamsis Abba (יחוח)Yahweh pub qub txeeg qub teg rau Abraham ntawm tej lus cog tseg.

19 Yog li ntawd, muaj txoj kevcai ua abtsi? Qhov uas muab txoj kevcai tsav rau tej lus cog tseg kuj yog tim qhov uas tsis mloog lus. Txoj kevcai nyob mus txog thaum tus caj ces uas raws li tej lus cog tseg ntawd los txog. Cov tubtxib saum ntuj siv ib tug tibneeg nruab nrab rhawv txoj kevcai ntawd. 20 Tus uas nyob nruab nrab yuav tsum muaj ob tog, tiamsis Abba (יחוח)Yahweh tib leeg cog lus xwb.

Tus Qhev Thiab Tus Tub

21 Yog li ntawd, txoj kevcai tawm tsam Abba (יחוח)Yahweh tej lus cog tseg lov? Tsis yog li ntawd, rau qhov yog tsa ib txoj kevcai pub tau txojsia ces txojkev ncaj ncees yeej yuav tau ntawm txoj kevcai ntawd los. 22 Tiamsis Abba (יחוח)Yahweh txojlus muab txhua tus kaw cia rau hauv lub txim, kom tej lus cog tseg rau cov uas ntseeg (יהושע)Yahshua Messiah thiaj raug muab pub rau cov uas ntseeg.

23 Ua ntej uas txojkev ntseeg tsis tau los, peb raug txoj kevcai khi cia, peb raug kav cia mus txog thaum txojkev ntseeg tshwm los. 24 Txoj kevcai thiaj ua tus uas kav peb mus txog thaum (יהושע)Yahshua Messiah los, peb thiaj raug suav tias ncaj ncees, vim qhov uas peb ntseeg. 25 Tiamsis nimno txojkev ntseeg twb los lawm, peb thiaj tsis nyob hauv txoj qab kevcai kav ntxiv mus lawm.

26 Vim tias nej txhua tus yog Abba (יחוח)Yahweh cov menyuam hauv txojkev ntseeg (יהושע)Yahshua Messiah. 27 Nej txhua tus uas ua kevcai raus dej hauv (יהושע)Yahshua Messiah lawm, kuj muab (יהושע)Yahshua Messiah los hnav.

28 Tsis muaj tibneeg Yahdaim lossis tibneeg Greek, tsis muaj qhev lossis cov uas tsis ua qhev, tsis muaj txivneej lossis pojniam, vim nej sawvdaws koom ua ib tug rau hauv (יהושע)Yahshua Messiah. 29 Yog nej ua (יהושע)Yahshua Messiah tug lawm, nej kuj yog Abraham caj ces thiab nej yuav saws qub txeeg qub teg raws li cog lus tseg.

​