1 Kuv hais li no, thaum tus uas saws qub txeeg qub teg tseem yau, nws kuj tsuas zoo li tus tub qhe xwb, txawm yog tias thaum nws loj hlob tuaj lawm, nws yuav tau ua tej cuab txhiaj cuab tam huvsi Tus Tswv kuj xij.

2 Nws yuav nyob hauv tus uas zov nws thiab tus uas saib xyuas vaj tsev qab, mus kom txog lub sijhawm uas Leej Txiv teem cia. 3 Peb kuj zoo ib yam li ntawd. Thaum peb tseem yog menyuam yaus, peb kuj ua qhev rau hauv qab tej hwjchim uas kav tag nrho lub qab ntuj.

4 Tiamsis thaum txog lub sijhawm uas teem cia lawd, Abba (יחוח)Yahweh txib nws tus Tub los yug ntawm pojniam thiab yug hauv txoj qab kevcai, 5 kom thiaj txhiv cov uas nyob hauv txoj qab kevcai dim, peb thiaj tau ua nws cov tub. 6 Vim nej ua nws cov tub lawm, Abba (יחוח)Yahweh thiaj txib nws Leej Tub Tus Ntsuj Plig Dawbhuv los rau hauv peb lub siab hu tias, Leej Txiv. 7 Vim li no, nyob hauv Abba (יחוח)Yahweh, nej thiaj tsis yog qhev ntxiv lawm, tiamsis nej yog nws cov tub lawm. Yog thaum nej yog nws cov tub lawm, nej thiaj saws tau nws tej qub txeeg qub teg uas tseg rau (יהושע)Yahshua Messiah.

​

Sha-ul Txhawj Cov Galatians

8 Yav tag los uas nej tsis tau paub Abba (יחוח)Yahweh, nej ua tej uas tsis yog tim-tswv qhev xwb.

9 Tiamsis nimno nej paub Abba (יחוח)Yahweh lawm, tiamsis qhov uas raug, yog Abba (יחוח)Yahweh paub nej lawm. Ua cas nej tseem yuav tig rov mus cuag tej hwjchim uas tsis muaj zog thiab tsis muaj qabhau kiag li, thiab tseem xav rov mus ua lawv qhev dua?

10 Nej caiv hnub, caiv hli, caiv nyoog, caiv xyoo. 11 Kuv ntshai tsam kuv ua haujlwm khwv rau nej nkim zog do do xwb. 12 Cov kwvtij, thov kom nej ua nej lub neej ib yam li kuv ua kuv lub neej, rau qhov kuv twb zoo ib yam li nej thiab. Nej yeej tsis tau ua txhaum rau kuv. 13 Nej kuj paub lawm tias thawj zaug uas kuv qhia txoj hmoo zoo rau nej, twb yog vim kuv lub cev muaj mob.

14 Txawm yog qhov uas kuv mob ntawd ua rau nej nyuaj siab, los nej tseem muab kuv saib hlob tsis ntxub kuv, tiamsis nej lees yuav kuv ib yam li kuv yog Abba (יחוח)Yahweh ib tug tubtxib saum ntuj, lossis ib yam li yog (יהושע)Yahshua Messiah ntag.

15 Nej txojkev zoo siab xyiv fab ploj dua twg lawm? Kuv ua timkhawv rau nej tias, yog ua tau, ntshe kuv twb ua rau nej kaus nej lub qhov muag pub rau kuv lawm. 16 Nimno kuv ho ntxeev ua yeeb ncuab rau nej, vim yog qhov uas kuv qhia qhov tseeb rau nej lov? 17 Cov tibneeg ntawd, mob siab rau nej heev, tiamsis tsis yog mob siab rau qhov zoo. Lawv xav cais nej ncaim ntawm peb, xwv nej thiaj mob siab lawv. 18 Qhov uas mob siab rau qhov uas zoo, kuj zoo thiab tsim nyog ua rau txhua lub sijhawm tsis yog ua rau thaum kuv nrog nej nyob xwb. 19 Kuv cov menyuam es, nej yog cov uas kuv yuav tau rov qab mob plab ib yam li thaum tus pojniam mob plab yug menyuam, mus kom txog thaum (יהושע)Yahshua Messiah raug muab tsim tsa rau hauv nej.

20 Kuv xav kom lub sijhawm no kuv twb tau nrog nej nyob ua ke lawm, ntshe kuv yuav hloov kuv lub suab, rau qhov kuv txhawj txog nej heev.

​

Zaj Uas Piv Txog Hakas Thiab Xalas

21 Nej cov uas xav nyob hauv txoj qab kev-cai, cia li hais qhia kuv saib, nej tsis tau taub txog tej uas txoj kevcai hais rau nej lov? 22 Rau qhov muaj lus sau cia hais tias, Abraham muaj ob tug tub, ib tug yog tus nkauj qhe yug, ib tug yog tus uas tsis yog nkauj qhe yug. 23 Tus nkauj qhe tus tub kuj yug raws li cev nqaij tawv yug, tiamsis tus uas tsis yog nkauj qhe tus tub, yug raws li lo lus cog tseg. 24 Zaj no yog piv lus txog ob tug pojniam ntawd, piv ib yam li ob yam kev cog lus tseg. Ib tug los ntawm lub roob Xinais los, yog tus nkauj qhe, tus ntawd yog Hakas. 25 Tus Hakas no piv ib yam li lub roob Xinais hauv Alanpias tebchaws, thiab piv txog lub nroog Yeluxalees uas nyob tamsim no, vim nws thiab nws tej menyuam puavleej ua luag qhev.

26 Tiamsis lub nroog Yeluxalees uas nyob saud, tsis muaj kev ua qhev, nws yog peb niam. 27 Vim muaj lus sau cia hais tias, tus pojniam mooj es, (tus uas tsis tau yug dua menyuam), cia li xyiv fab, tus tibneeg uas tsis tau mob dua plab yug menyuam es, cia li tsa suab hu nrov nrov, rau qhov tus pojniam uas tsis muaj txiv cov menyuam kuj coob dua tus pojniam uas muaj txiv. (Isayah 54:1)

28 Cov kwvtij, peb yog menyuam uas yug ntawm tej lus cog tseg ib yam li Isaac.

29 Tiamsis thaum ntawd, tus uas yug raws li nqaij tawv tsim txom tus uas yug raws li Tus Ntsuj Plig Dawbhuv pub, mas tamsim no, kuj zoo ib yam li ntawd.

30 Tiamsis Abba (יחוח)Yahweh txojlus hais li cas? Cia li muab tus nkauj qhe thiab nws tus tub ntiab khiav mus, rau qhov tus nkauj qhe tus tub yuav tsis nrog tus pojniam uas tsis yog nkauj qhe tus tub txais qub txeeg qub teg kiag li. (Chivkeeb21:10)

31 Vim li no, cov kwvtij, peb tsis yog tus nkauj qhe cov menyuam, peb yog tus pojniam uas tsis yog nkauj qhe cov menyuam.

​