Mikhayah Hais Txog Ahaj Swb

(1 Vajntxwv 22:1-28)

1 Yahsafas nplua nuj thiab muaj koob meej heev thiab nws nrog Ahaj tis nruab tis ze.  

2 Ntau xyoo tom qab Yahsafas mus saib Ahaj hauv lub nroog Xamalis.  Ahaj tua yaj tua nyuj ntau kawg tiam Yahsafas thiab cov tibneeg uas nrog nws mus, thiab yaum kom nws nrog Ahaj ua rog rau lub moos Lamaus Kile‑as.

3 Cov Ixayees tus vajntxwv Ahaj hais rau Yahdah tus vajntxwv Yahsafas tias, koj yuav nrog kuv mus rau lub moos Lamaus Kile‑as los tsis mus?

Yahsafas teb tias, koj zoo li cas, kuv zoo li ntawd thiab kuv cov tibneeg kuj yog koj cov tibneeg. Peb yuav nrog koj mus ua rog.

4 Yahsafas hais rau Ixayees tus vajntxwv tias, thov nug saib (יחוח)Yahweh hais li cas tso.

5 Ces Ixayees tus vajntxwv txawm hu cov xibhwb cev (יחוח)Yahweh lus plaub puas leej tuaj ua ke mas hais rau lawv tias, tsim nyog peb mus ua rog rau lub moos Lamaus Kile‑as los tsis txhob mus? Mas lawv teb tias, mus los maj, rau qhov (יחוח)Yahweh yuav muab

lub moos ntawd rau hauv vajntxwv txhais tes.

6 Tiamsis Yahsafas hais tias, muaj dua lwm tus xibhwb cev (יחוח)Yahweh lus uas peb nug tau thiab los tsis muaj lawm?

7 Ixayees tus vajntxwv hais rau Yahsafas tias, tseem tshuav ib tug yawg uas peb yuav kom ua nug rau (יחוח)Yahweh tau thiab, yog Mikhayah uas yog Ilas tus tub.  Tiamsis kuv ntxub nws rau qhov nws tsis tau cev lus zoo ntsig txog kuv, tsuas yog pheej cev lus phem xwb. Ces Yahsafas hais rau vajntxwv tias, tsis txhob hais li kod.

8 Ixayees tus vajntxwv hu ib tug tub teg tub taws los thiab hais tias, cia li coj Ilas tus tub Mikhayah tuaj sai sai.  

9 Ixayees tus vajntxwv thiab Yahsafas tab tom nyob saum nkawv lub zwm txwv thiab hnav tej tsoos meej mom rau ntawm lub tshav ntaus qoob uas nyob ntawm lub rooj loog Xamalis thiab cov xibhwb cev (יחוח)Yahweh lus sawv daws tab tom cev lus ntawm nkawv xub ntiag.

10 Mas Xedekhiyah uas yog Khena‑anas tus tub txawm muab kav hlau ua ib txwm kub rau nws thiab hais tias, (יחוח)Yahweh hais li no tias, koj yuav siv txwm kub no nrau cov Alas mus txog thaum lawv puam tsuaj tag.

11 Thiab cov uas cev lus sawvdaws kuj cev lus ib yam nkaus li ntawd hais tias, cia li mus rau lub moos Lamaus Kile‑as, thiab kov yeej, rau qhov (יחוח)Yahweh yuav muab lub moos ntawd rau hauv vajntxwv txhais tes.

12 Mas tus tub teg tub taws uas mus hu Mikhayah txawm hais rau Mikhayah tias, saib maj, cov xibhwb cev lus sawvdaws ua ib lub suab hais yam uas zoo rau vajntxwv xwb.  Koj cia li hais zoo ib yam li lawv hais thiab hais yam uas zoo xwb.

13 Tiamsis Mikhayah hais tias, (יחוח)Yahweh muaj txojsia nyob pom, kuv Tus Tswv hais li cas rau kuv, kuv yuav tau hais li ntawd xwb.  

14 Thaum nws tuaj cuag vajntxwv, vajntxwv hais rau nws tias, Mikhayah, tsim nyog peb yuav mus ua rog rau Lamaus Kile‑as los tsis txhob mus? Mikhayah teb nws tias, cia li mus los maj thiab kov yeej. (יחוח)Yahweh yuav muab lub moos ntawd rau hauv vajntxwv txhais tes.

15 Vajntxwv txawm hais rau nws tias, kuv twb kom koj cog lus twv pes tsawg zaus lawm tias koj yuav tau tuav (יחוח)Yahweh lub npe hais qhov tseeb xwb xwb li?

16 Mikhayah thiaj hais tias, kuv pom cov Ixayees sawvdaws raug khiav ua sab ua sua saum tej roob yam nkaus li pab yaj uas tsis muaj Tus Tswv yug. Thiab (יחוח)Yahweh hais tias, cov tibneeg no tsis muaj Tus Tswv, cia lawv nyias rov mus zoo rau nyias vaj nyias tsev.

17 Cov Ixayees tus vajntxwv thiaj hais rau Yahsafas tias, kuv twb hais rau koj tias nws yuav tsis cev lus zoo ntsig txog kuv, tsuas yog cev lus phem xwb los tsis yog?

18 Thiab Mikhayah hais tias, yog li no cia li tig ntsej mloog ()Yahweh tej lus. Kuv pom (יחוח)Yahweh nyob saum nws lub zwm txwv thiab ib tsoom tibneeg saum ntuj sawv ntawm nws sab xis thiab sab laug.

19 Mas (יחוח)Yahweh hais tias, leejtwg yuav ntxias Ahaj kom nws mus ntog tuag rau ntawm lub moos Lamaus Kile‑as?  Ib tug hais li ub, ib tug hais li no.

20 Muaj ib tug plig txawm txav los sawv ntsug ntawm (יחוח)Yahweh xub ntiag hais tias, kuv yuav ntxias nws. (יחוח)Yahweh hais rau tus plig ntawd tias, koj yuav ua li cas?

21 Nws teb tias, kuv yuav mus thiab kuv yuav ua ib tug plig dag rau hauv nws cov xibhwb uas cev lus lub qhov ncauj. (יחוח)Yahweh hais tias, koj mus ntxias nws, thiab koj yuav ua tau kom tiav.  Koj cia li mus ua.  

22 Vim li ntawd nimno (יחוח)Yahweh thiaj muab tus plig dag tso rau hauv koj cov xib hwb uas cev lus txhua tus lub qhov ncauj.

(יחוח)Yahweh twb teem tej xwm txheej phem no los raug koj lawm.

23 Ces Xedekhiyah uas yog Khena‑anas tus tub txawm txav los tib tawg ncuav Mikhayah sab plhu thiab hais tias, (יחוח)Yahweh Tus Ntsuj Plig tawm ntawm kuv taug txojkev twg mus hais rau koj?

24 Mas Mikhayah hais tias, saib maj, koj yuav paub rau hnub uas koj khiav mus nraim cev rau chav tsev hauv nruab nrab.

25 Ixayees tus vajntxwv hais tias, cia li ntes kiag Mikhayah, coj nws rov mus cob rau Asmoos tus tswv xeev uas kav lub nroog thiab cob rau Yahas uas yog vajntxwv tus tub,

26 thiab hais tias, vajntxwv hais li no tias, muab tus yawg no kaw nkuaj thiab tsuas yog muab ncuav thiab dej rau nws xwb mus txog thaum kuv rov los txog zoo.

27 Mikhayah hais tias, yog koj tseem rov los txog zoo, ces tsis yog

(יחוח)Yahweh kom kuv hais tej lus no. Thiab nws hais tias, nej sawvdaws cia li mloog nawj!

​

Ahaj Tuag

(1 Vajntxwv 22:29-36)

28 Ixayees tus vajntxwv thiab Yahdah tus vajntxwv Yahsafas txawm mus rau Lamaus Kile‑as lawm.

29 Ixayees tus vajntxwv hais rau Yahsafas tias, kuv yuav hloov tsoos tsho ua cuav tsab mus ntaus rog, tiamsis koj mas koj hnav koj cev tsoos tsho meej mom. Ixayees tus vajntxwv txawm hloov tsoos tsho ua cuav tsab txeem mus ua rog.

30 Cov Alas tus vaj ntxwv hais rau cov thawj rog uas kav nws tej tsheb ua rog tias, tsis txhob tua tej tub rog, tsis hais loj thiab yau, tsuas yog tua cov Ixayees tus vajntxwv xwb.

31 Thaum cov thawj rog uas kav tej tsheb ua rog pom Yahsafas, lawv hais tias, yog Ixayees tus vajntxwv. Lawv txawm tig kiag mus tawm tsam nws. Mas Yahafas qw nrov nrov, mas (יחוח)Yahweh pab nws. (יחוח)Yahweh thiaj ua rau lawv tso nws tseg.

32 Thaum cov thawj rog uas kav tej tsheb ua rog pom tias tsis yog Ixayees tus vajntxwv, lawv thiaj tseg tsis caum nws lawm.  

33 Muaj ib tug yawg lam rub hneev nti kwv yees tua mus raug Ixayees tus vajntxwv nkag plaws lub tsho hlau ib kem ntawm hauv siab. Ahaj thiaj hais rau tus uas tsav nws lub tsheb ua rog tias, cia li tig rov qab, coj kuv tawm hauv tshav rog mus, rau qhov kuv raug mob lawm.

34 Hnub ntawd kev sib ntaus sib tua loj heev, vajntxwv thiaj pheeb hauv nws lub tsheb ua rog tig saib ntsoov rau cov Alas mus txog yuav tsaus ntuj. Thaum hnub poob qho nws txawm tuag lawm.