Yahas Ua Vajntxwv Kav

(2 Vajntxwv 12:1-21)

1 Thaum Yahas pib ua vajntxwv kav nws hnub nyoog muaj xya xyoo, nws nyob hauv Yeluxalees kav tau plaub caug xyoos. Nws niam npe hu ua Xinpi-as uas nyob hauv Npe-awsenpas.

2 Yahas ua tej uas (יחוח)Yahweh pom tias zoo mus tag pov thawj Yahyadas sim neej.

3 Yahyadas nrhiav ob tug pojniam rau Yahas, thiab nws muaj tub muaj ntxhais.

4 Los rau tom qab no Yahas txiav txim siab yuav tsim kho (יחוח)Yahweh lub tuam tsev.

5 Nws hu cov pov thawj thiab cov Levis tuaj ua ke thiab hais rau lawv tias, nej cia li mus thoob plaws Yahdah tej moos thiab sau nyiaj ntawm cov Ixayees sawvdaws los kho (יחוח)Yahweh lub tuam tsev ib xyoo zuj zus mus, thiab maj nroos ua tej haujlwm no.  Tiamsis cov Levis tsis maj ua.  

6 Mas vajntxwv thiaj hu Yahyadas uas ua pov thawj hlob tuaj thiab hais rau nws tias, ua cas koj tsis hais kom cov Levis coj cov nyiaj se ntawm cov Yahdah thiab hauv Yeluxalees tuaj, yog cov se uas (יחוח)Yahweh tus tub qhe Mauxes tau hais cia kom ib tsoom Ixayees coj tuaj rau lub tsev ntaub uas muaj (יחוח)Yahweh tej lus?

7 Rau qhov tus niag pojniam phem Athaliyah cov tub txeem mus rau hauv (יחוח)Yahweh lub tuam tsev thiab tseem siv tej uas pub kiag rau (יחוח)Yahweh lawd ua koom tu tej dab Npa‑as lawm.

8 Vajntxwv thiaj hais kom lawv ua ib lub phij xab thiab muab txawb rau ntawm lub rooj loog ntawm (יחוח)Yahweh lub tuam tsev.

9 Thiab muaj lus tshaj tawm mus thoob plaws Yahdah thiab Yeluxalees kom coj tej se uas (יחוח)Yahweh tus tub qhe Mauxes hais cia hauv tebchaws moj sab qhua tuaj pub rau (יחוח)Yahweh.

10 Cov thawj sawvdaws thiab cov pejxeem sawvdaws kuj zoo siab hlo thiab coj lawv tej se tuaj tso rau hauv lub phij xab puv nkaus.  

11 Thaum cov Levis coj lub phij xab tuaj rau vajntxwv cov tub teg tub taws, thiab lawv pom tias muaj nyiaj ntau hauv lub phij xab, mas vajntxwv tus tub sau ntawv thiab tus tuam pov thawj hlob tus tub qhe tuaj muab cov nyiaj nchuav los thiab coj lub phij xab rov qab mus txawb rau lub qub chaw.  Lawv niaj hnub ua li no mas khaws tau nyiaj ntau heev.  

12 Vajntxwv thiab Yahyadas muab cov nyiaj ntawd rau cov uas saib xyuas tej haujlwm hauv (יחוח)Yahweh lub tuam tsev, lawv ntiav tej Kws zeb Kws ntoo kho (יחוח)Yahweh lub tuam tsev kom zoo li qub, thiab ntiav tej Kws tooj Kws hlau kho (יחוח)Yahweh lub tuam tsev.  

13 Mas cov tub zog kuj rau siab ua haujlwm thiab lawv kuj kho tau zoo zuj zus, lawv kho tau (יחוח)Yahweh lub tuam tsev zoo ib yam li qub thiab ua tau ruaj khov dua.

14 Thaum lawv ua tiav lawd, lawv coj tej nyiaj uas tseem tshuav los rau ntawm vajntxwv thiab Yahyadas xub ntiag. Lawv muab tej nyiaj ntawd ua tej twj uas siv ntawm (יחוח)Yahweh lub tuam tsev, tsis hais tej uas siv ua koom tu (יחוח)Yahweh thiab siv ua kevcai hlawv xyeem, thiab tej phaj, tej tais nyiaj, tais kub.  Lawv ua kevcai hlawv xyeem rau hauv (יחוח)Yahweh lub tuam tsev tsis tu ncua li mus tag Yahyadas sim neej.

15 Yahyadas laus heev thiab hnub nyoog nchav ces txawm tuag lawm.  Thaum nws tuag, nws hnub nyoog muaj ib puas peb caug xyoo.

16 Lawv muab nws faus rau hauv Daviv lub nroog ua ke nrog cov vajntxwv, rau qhov nws tau ua zoo rau (יחוח)Yahweh thiab (יחוח)Yahweh lub tuam tsev hauv cov Ixayees.

17 Thaum Yahyadas tuag lawd, Yahdah cov thawj txawm tuaj cuag vajntxwv thiab hawm nws, ces vajntxwv txawm mloog lawv tej lus.

18 Lawv txawm tso (יחוח)Yahweh uas yog lawv tej poj koob yawm txwv Tus Tswv lub tuam tsev tseg thiab mus ua koom tu tej dab Aselas thiab tej dab mlom. Mas (יחוח)Yahweh txojkev npau taws thiaj los raug cov Yahdah thiab Yeluxalees, vim yog lawv lub txim no.

19 Tiamsis (יחוח)Yahweh tseem txib cov xibhwb cev nws li lus rau hauv lawv xwv thiaj coj tau lawv rov los cuag (יחוח)Yahweh. Cov xibhwb ntawd ua timkhawv tawm tsam lawv, tiamsis lawv tsis quav ntsej.

20 Mas (יחוח)Yahweh Tus Ntsuj Plig Dawb Huv los kav tag nrho Xekhaliyah uas yog pov thawj Yahyadas tus tub, ces nws txawm sawv rau lub chaw siab hauv cov pejxeem thiab hais rau lawv tias, (יחוח)Yahweh hais li no tias, ua cas nej yuav tawv (יחוח)Yahweh tej lus cob qhia, nej thiaj tsis vam meej?

Vim nej tso (יחוח)Yahweh tseg, nws thiaj tso nej tseg lawm.

21 Tiamsis lawv ntaus tswvyim ua phem rau nws, thiab xuas pob zeb muab nws ntaus tuag rau hauv (יחוח)Yahweh lub tuam tsev lub tshav puam raws li vajntxwv kom lawv ua.

22 Vajntxwv Yahas thiaj tsis nco txog qhov uas Yahyadas uas yog Xekhaliyah txiv tau hlub Yahas lawm, tiamsis Yahas ho muab Yahyadas tus tub tua pov tseg.

Thaum Xekhaliyah yuav tuag, nws hais tias, thov (יחוח)Yahweh tsa muag saib thiab ua pauj.

23 Thaum lub qab xyoo Alas cov tub rog kuj tuaj ua rog rau Yahas. Lawv tuaj txog hauv Yahdah thiab hauv Yeluxalees, thiab ua kom cov thawj hauv cov pejxeem puam tsuaj tag, thiab xa tej uas lawv txeeb tau huvsi rau tus vajntxwv hauv lub nroog Damaxakas.

24 Txawm yog Alas cov tub rog tuaj tsis coob los, (יחוח)Yahweh muab Yahdah pab tub rog uas coob heev cob rau hauv lawv txhais tes, vim yog cov Yahdah tso (יחוח)Yahweh uas yog lawv tej poj koob yawm txwv Tus Tswv tseg. Yog li no cov Alas thiaj rau txim rau Yahas.

25 Thaum lawv rov mus lawd, lawv tseg Yahas nyob raug mob nyhav heev. Nws cov tub teg tub taws ntaus tswvyim ua phem rau nws, yog tim tus pov thawj Yahyadas tus tub cov ntshav, thiab muab Yahas tua rau saum nws lub txaj pw. Nws thiaj tuag li no thiab lawv muab nws faus rau hauv Daviv lub nroog, tiamsis tsis yog faus rau hauv vajntxwv tej qhov ntxa.  

26 Cov tibneeg uas ntaus tswvyim rau vaj ntxwv ntawd, ib tug yog Yahxanpas uas yog tus pojniam Asmoos Sime‑as tus tub, thiab ib tug yog Yahxanpas uas yog tus pojniam Mau‑as Saumawm tus tub.

27 Tej xwm txheej ntsig txog vajntxwv tej tub thiab tej lus ntau yam uas xibhwb cev tawm tsam nws thiab tej uas tsim kho (יחוח)Yahweh lub tuam tsev, twb muab sau cia rau hauv tej ntawv uas hais txog tej vajntxwv phau ntawv keeb kwm lawm. Nws tus tub Amaxiyah sawv nws chaw ua vajntxwv kav.