2 VAJ KEEB KWM 29

Hexekhiyah Ua Vajntxwv Kav Yahdah

(2 Vajntxwv18:1-3)

1 Thaum Hexekhiyah hnub nyoog muaj nees nkaum tsib xyoos, nws pib ua vajntxwv kav, nws nyob hauv Yeluxalees kav tau nees nkaum cuaj xyoo. Nws niam npe hu ua Anpiyah, uas yog Xekhaliyah tus ntxhais.

2 Nws ua tej uas (יחוח)Yahweh pom tias zoo, ib yam li nws yawg koob Daviv tau ua lawd.

​

Hexekhiyah Ua Kevcai Ntxuav Lub Tuam Tsev

3 Thawj xyoo uas nws ua vajntxwv kav mas thawj lub hli, nws qhib (יחוח)Yahweh lub tuam tsev tej qhov rooj thiab tsim kho tej qhov rooj ntawd.

4 Nws coj cov pov thawj thiab cov Levis nkag los, thiab sau lawv tuaj txoos ua ke rau ntawm lub tshav puam sab hnub tuaj,

5 thiab nws hais rau lawv tias, cov Levis, cia li mloog kuv hais. Cia li tu nej tus kheej kom dawb huv thiab tu (יחוח)Yahweh uas yog nej tej poj koob yawm txwv Tus Tswv lub tuam tsev kom dawb huv, thiab muab tej uas qias tsis huv rho tawm hauv lub chaw dawb huv mus.

6 Rau qhov peb tej poj koob yawm txwv ntxeev siab thiab ua tej uas (יחוח)Yahweh uas yog peb Tus Tswv pom tias phem kawg. Lawv twb tso nws tseg thiab fee plhu ntawm (יחוח)Yahweh lub chaw nyob thiab tig nrob qaum rau lawm.

7 Lawv kuj kaw tej qhov rooj ntawm qab khav tuam tsev thiab tua tej teeb thiab tsis hlawv hmoov tshuaj tsw qab thiab tsis muab tsiaj hlawv xyeem rau Ixayees Tus Tswv hauv lub chaw dawb huv.

8 Vim li no (יחוח)Yahweh txojkev npau taws thiaj los raug cov Yahdah thiab Yeluxalees, thiab (יחוח)Yahweh ua rau lawv ua lub chaw rau luag ceeb thiab ntshai heev thiab ua rau luag xav tsis thoob thiab ua rau luag thuam

luag raws li nej lub qhov muag tau pom lawd.

9 Vim yog tim li no peb tej poj koob yawm txwv thiaj li tuag hniav ntaj hniav riam tag, thiab peb tej tub tej ntxhais thiab peb tej poj niam thiaj raug luag ntes coj mus lawm.

10 Nimno kuv muaj lub siab yuav nrog (יחוח)Yahweh uas yog cov Ixayees Tus Tswv cog lus kom nws txojkev npau taws heev thiaj li thim ntawm peb mus.

11 Kuv cov menyuam es, tsis txhob nyob twjywm, rau qhov (יחוח)Yahweh twb xaiv nej kom sawv nres nroos rau ntawm (יחוח)Yahweh xub ntiag ua koom tu nws thiab ua nws tej haujlwm thiab hlawv tshuaj tsw qab rau nws.

12 Ces cov Levis thiaj li sawv tsees, Khauhas caj ces yog Amaxais tus tub Mahas, thiab Axaliyah tus tub Yahees. Thiab Melalis caj ces yog Adis tus tub Khij, thiab Yehalelees tus tub Axaliyah. Thiab Kawsoos caj ces yog Ximas tus tub Yahav thiab Yahav tus tub Edees.

13 Elixafas caj ces yog Silis thiab Ye‑u‑ees, thiab Axas caj ces yog Xekhaliyah thiab Mathaniyah,

14 thiab Hemas caj ces yog Yehi‑ees thiab Sime‑is, thiab Yeduthus caj ces yog Semayah thiab Uxi‑ees.

15 Lawv thiaj sau zog lawv cov kwvtij thiab tu lawv tus kheej kom dawb huv thiab nkag mus rau hauv raws li vajntxwv tau hais rau lawv kom ntxuav lub tuam tsev raws li (יחוח)Yahweh tej lus.

16 Cov pov thawj nkag mus rau hauv (יחוח)Yahweh lub tuam tsev rau chav sab hauv thiaj ua kevcai ntxuav kom dawb huv, thiab lawv rho txhua yam qias tsis huv uas lawv pom nyob hauv (יחוח)Yahweh lub tuam tsev tawm los rau sab nraum lub tshav puam tuam tsev.  Mas cov Levis muab tej ntawd nqa mus pov tseg rau hauv lub hav Khiloos.

17 Lawv pib ua kevcai ntxuav rau hnub xiab ib thawj lub hli, ces hnub xiab yim lub hli ntawd lawv ntxuav los txog ntawm

()Yahweh lub qab khav.  Ces lawv txawm ntxuav (יחוח)Yahweh lub tuam tsev kom dawb huv tau yim hnub, mas hnub tim kaum rau thawj lub hli ntawd lawv ua tag.

18 Mas lawv mus cuag vajntxwv Hexekhiyah thiab hais tias, peb ua kevcai ntxuav (יחוח)Yahweh lub tuam tsev huvsi tiav tag lawm, tag nrho lub thaj hlawv xyeem thiab tej twj uas siv ntawm lub thaj huvsi thiab lub rooj uas txawb cov ncuav xyeem thiab tej twj uas siv ntawm lub rooj ntawd.

19 Tej twj siv huvsi uas vaj ntxwv Ahas muab rho pov tseg rau lub sij hawm uas nws ua vajntxwv thiab ntxeev siab rau (יחוח)Yahweh, mas peb twb npaj txhij thiab ua kevcai ntxuav kom dawb huv lawm.  Saib nawj, tej no nyob ntawm (יחוח)Yahweh lub thaj xyeem.

20 Ces vajntxwv Hexekhiyah txawm sawv ntxov tsees sau zog cov nom tswv hauv lub nroog ua ke mus rau hauv (יחוח)Yahweh lub tuam tsev.

21 Lawv coj xya tus txiv nyuj thiab xya tus txiv yaj thiab xya tus menyuam yaj thiab xya tus txiv tshis, ua kevcai xyeem daws lub tebchaws thiab lub chaw pe hawm (יחוח)Yahweh thiab cov Yahdah li txim. Thiab Hexekhiyah hais rau cov pov thawj uas yog Aloos caj ces kom muab tej no xyeem rau saum (יחוח)Yahweh lub thaj.

22 Lawv thiaj tua tej txiv nyuj mas cov pov thawj cug tej ntshav mus nchos rau lub thaj xyeem.  Lawv kuj tua tej txiv yaj thiab muab tej ntshav nchos rau lub thaj, thiab lawv tua cov menyuam yaj thiab muab tej ntshav nchos rau lub thaj.

23 Cov txiv tshis uas ua kevcai daws txim ntawd, lawv coj los rau ntawm vajntxwv thiab cov pejxeem uas tuaj txoos ua ke, mas cov pejxeem muab tes npuab rau saum cov tshis ntawd.

24 Ces cov pov thawj muab cov tshis ntawd tua thiab muab cov ntshav xyeem ua kevcai daws txim rau saum lub thaj kom thiaj ntxuav tau cov Ixayees sawvdaws tej kev txhaum txim. Rau qhov vajntxwv hais kom ua kevcai hlawv xyeem thiab ua kevcai daws txim rau cov Ixayees sawvdaws.

25 Nws kom cov Levis nyob rawv hauv (יחוח)Yahweh lub tuam tsev muaj nruas npuaj tooj liab thiab nkauj nog ncas loj thiab nkauj nog ncas me raws li tej kevcai uas Daviv thiab Nkas uas hais pom tom hauv ntej thiab Nathas uas cev

(יחוח)Yahweh lus tau hais cia, rau qhov tej kevcai no yog (יחוח)Yahweh kom nws cov xibhwb cev lus hais.  

26 Cov Levis sawv ntsug tuav rawv tej cuab yeej phim nkauj uas Daviv npaj cia, thiab cov pov thawj tuav rawv raj xyu.  

27 Mas Hexekhiyah hais kom hlawv tej uas muab xyeem rau saum lub thaj.

Thaum pib ua kevcai hlawv xyeem kuj pib hu nkauj rau (יחוח)Yahweh, thiab muaj tej suab raj thiab tej suab cuab yeej phim nkauj uas cov Ixayees tus vajntxwv Daviv npaj cia lawd.

28 Ib tsoom pejxeem sawvdaws kuj pe hawm, thiab cov tub hu nkauj kuj hu, cov tshuab raj kuj tshuab. Lawv ua li no mus txog thaum ua kevcai hlawv xyeem tag. 29 Thaum ua kevcai xyeem tag lawm, vajntxwv thiab txhua tus uas nrog vajntxwv nyob ua ke kuj khoov ntshis pe hawm.

30 Mas vajntxwv Hexekhiyah thiab cov thawj hais kom cov Levis hu nkauj qhuas (יחוח)Yahweh raws li tej lus uas Daviv thiab xibhwb Axas uas hais pom tom hauv ntej twb sau cia lawm. Lawv hu nkauj qhuas zoo siab heev, thiab khoov ntshis pe hawm.  

31 Mas Hexekhiyah hais tias, nej twb tu nej tus kheej kom dawb huv rau (יחוח)Yahweh lawm. Cia li txav los ze thiab coj tej tsiaj uas yuav tua xyeem thiab tej uas yuav xyeem ua (יחוח)Yahweh tsaug los rau hauv (יחוח)Yahweh lub tuam tsev.  Ib tsoom pejxeem kuj coj tsiaj los tua xyeem thiab xyeem ua tsaug. Txhua tus uas zoo siab pub kuj coj tej uas ua kevcai hlawv xyeem tuaj.

32 Cov tsiaj uas tej pejxeem coj tuaj ua kevcai hlawv xyeem yog xya caum tus txiv nyuj thiab ib puas tus txiv yaj thiab ob puas tus menyuam yaj, tej no huvsi yog ua kevcai hlawv xyeem rau (יחוח)Yahweh.

33 Thiab tej tsiaj uas coj tuaj xyeem muaj rau pua tus txiv nyuj thiab peb txhiab tus yaj.

34 Tiamsis cov pov thawj muaj tsawg tus, lawv thiaj laws tsis yeej cov tawv tsiaj uas hlawv xyeem ntawd, mas lawv cov kwvtij Levis pab lawv ua tej haujlwm tiav mus txog thaum lwm tus pov thawj tu lawv tus kheej kom dawb huv, rau qhov cov Levis rau siab tu lawv tus kheej kom dawb huv heev dua cov pov thawj.

35 Dua li tej uas muab hlawv xyeem ntau kawg ntawd, tseem muaj tej hlab hluas roj uas ua kevcai xyeem sib raug zoo thiab tej cawv txiv hmab uas muab hliv xyeem ua ke nrog tej uas hlawv xyeem. Ua li no tej haujlwm uas ua rau hauv (יחוח)Yahweh lub tuam tsev thiaj rov qab muaj li qub.

36 Hexekhiyah thiab cov pejxeem sawvdaws zoo siab heev rau tej uas (יחוח)Yahweh tau ua rau cov pejxeem, rau qhov tej no tshwm sim los sai kawg.