2 VAJ KEEB KWM 36

Yahahas Ua VajntxwvKav Yahdah

(2 Vajntxwv 23:30-35)

1 Cov pejxeem muab Yauxiyah tus tub Yahahas tsa ua vajntxwv sawv nws txiv chaw nyob hauv Yeluxalees kav.

2 Thaum Yahahas pib ua vajntxwv kav, nws

hnub nyoog muaj nees nkaum peb xyoos, nws nyob hauv Yeluxalees kav tau peb lub hlis.

3 Ces Iziv tus vajntxwv muab nws hle tawm hauv Yeluxalees, thiab yuam kom lub teb chaws them se ib puas talas nyiaj thiab ib talas kub.

4 Iziv tus vajntxwv tsa Eliyakhis uas yog Yahahas tus kwv ua vajntxwv kav Yahdah thiab Yeluxalees, thiab tis dua lub npe tshiab hu ua Yahyakhis rau nws. Tiamsis Nekhaus ntes Yahahas uas yog tus tijlaug coj mus rau hauv Iziv tebchaws.

​

Yahyakhis Ua Vajntxwv Kav Yahdah

(2 Vajntxwv 23:36-24:7)

5 Thaum Yahyakhis pib ua vajntxwv kav, nws hnub nyoog muaj nees nkaum tsib xyoos, nws nyob hauv Yeluxalees kav tau kaum ib xyoos. Nws ua tej uas ()Yahweh pom tias phem kawg.

6 Nenpukhanexas uas ua vaj ntxwv hauv Npanpiloos tuaj ua rog rau nws thiab muab saw hlau khi nws coj mus rau Npanpiloos.

7 Nenpukhanexas kuj coj tej twj siv hauv (יחוח)Yahweh lub tuam tsev ib txhia mus rau hauv Npanpiloos thiab muab cia rau hauv nws lub tsev hauv Npanpiloos.

8 Lwm yam haujlwm uas Yahyakhis ua thiab tej yam qias vuab tsuab uas nws ua thiab nws tej kev txhaum twb muab sau cia rau hauv phau ntawv uas hais txog Ixayees thiab Yahdah tej vajntxwv lawm. Mas nws tus tub Yahyakhees sawv nws chaw ua vajntxwv kav.

​

Yahyakhees Ua Vajntxwv Kav Yahdah

(2 Vajntxwv 24:8-17)

9 Thaum Yahyakhees pib ua vajntxwv kav nws hnub nyoog muaj kaum yim xyoo, nws nyob hauv Yeluxalees kav tau peb lub hlis thiab kaum hnub.  Nws ua tej uas (יחוח)Yahweh pom tias phem kawg.

10 Thaum lub caij ntuj qhua, vajntxwv Nenpukhanexas txib tib neeg tuaj coj nws mus rau hauv Npanpiloos thiab coj tej twj siv tsim txiaj hauv (יחוח)Yahweh lub tuam tsev mus, thiab tsa Yahyakhees tus kwv Xedekhiyah ua vajntxwv kav Yahdah thiab Yeluxalees.

​

Xedekhiyah Ua Vajntxwv Kav Yahdah

(2 Vajntxwv 24:18-20; Yeremyah 52:1-3)

11 Thaum Xedekhiyah pib ua vajntxwv kav nws hnub nyoog muaj nees nkaum ib xyoos, nws nyob hauv Yeluxalees kav tau kaum ib xyoos.

12 Nws ua tej uas (יחוח)Yahweh, uas yog nws Tus Tswv pom tias phem kawg.  Nws tsis txo nws lub hwjchim rau ntawm xibhwb Yeremyah uas cev tej lus uas ()Yahweh hais rau nws.

13 Xedekhiyah kuj ntxeev siab rau vajntxwv Nenpukhanexas uas twb kom Xedekhiyah tuav (יחוח)Yahweh lub npe cog lus twv nrog nws sib raug zoo lawm.

Xedekhiyah tawv ncauj thiab ua lub siab tawv tsis tig rov los cuag (יחוח)Yahweh uas yog Ixayees Tus Tswv.

14 Txhua tus pov thawj uas ua thawj thiab cov pejxeem kuj tawv nyom heev, lawv ua raws li txhua yam kev qias vuab tsuab uas lwm haiv neeg ua, thiab lawv ua qias tsis huv puas tsuas (יחוח)Yahweh lub tuam tsev hauv Yeluxalees uas (יחוח)Yahweh twb muab tu kom dawb huv lawd.  

15 (יחוח)Yahweh uas yog lawv tej poj koob yawm txwv Tus Tswv, txib nws cov tub qhe hais lus tuaj rau lawv tsis tu ncua li, vim nws hlub nws haiv neeg thiab lub chaw uas nws nyob.

16 Tiamsis lawv pheej luag (יחוח)Yahweh cov tub qhe thiab saib tsis taus (יחוח)Yahweh tej lus thiab thuam luag cov xibhwb cev (יחוח)Yahweh lus, mus txog thaum (יחוח)Yahweh txojkev npau taws tshwm plaws rau nws haiv neeg kho tsis tau li.

​

Yeluxalees Poob

(2 Vajntxwv 25:1-21; Yeremyah 52:3-11)

17 (יחוח)Yahweh coj cov Kheedias tus vaj ntxwv tuaj tawm tsam lawv, mas nws xuas ntaj tua lawv tej tub hluas rau hauv lub chaw pe hawm (יחוח)Yahweh. Nws tsis hlub tej tub hluas, ntxhais hluas, tej poj koob yawm txwv thiab cov uas hnub nyoog nchav, nws muab lawv sawvdaws cob rau hauv Nenpukhanexas txhais tes.

18 Tej twj uas siv hauv (יחוח)Yahweh lub tuam tsev, tsis hais lub loj lub me, thiab tej nyiaj uas nyob hauv (יחוח)Yahweh lub tuam tsev thiab vajntxwv thiab nws cov thawj sawvdaws tej nyiaj, cuab txhiaj cuab tam, nws coj huvsi mus rau hauv Npanpiloos.

19 Thiab lawv muab (יחוח)Yahweh lub tuam tsev hlawv thiab tsoo Yeluxalees lub ntsa loog pob tag thiab hlawv vajntxwv tej tsev kub nyhiab tag thiab ua rau txhua yam muaj nqis uas nyob hauv puam tsuaj tag.

20 Cov uas dim hniav ntaj, nws kuj ntes coj mus poob teb chaws rau hauv Npanpiloos, thiab lawv ua nws thiab nws cov tub li qhev mus txog thaum cov Pawxias txeeb tau tebchaws kav,

21 xwv tej lus uas (יחוח)Yahweh tau kom Yeremyah lub qhov ncauj hais lawd thiaj tiav, mus txog thaum lub tebchaws tau so txwm nkaus xyoo Sabbath.  Txhua hnub uas raug muab tso tseg nyob do cuas cia ntawd, lub tebchaws tau so kom tiav raws li uas teem tseg xya caum xyoo.

​

Vajntxwv Xailab Tso Cov Yahdah Rov Qab

(Exaleyah 1:1-4)

22 Thawj xyoo uas vajntxwv Xailab kav Pawxias tebchaws, mas (יחוח)Yahweh tshoov Pawxias tus vajntxwv Xailab lub siab, xwv thiaj ua kom tiav raws li tej lus uas (יחוח)Yahweh kom Yeremyah lub qhov ncauj hais, Xailab thiaj tshaj tawm thoob plaws nws lub tebchaws thiab muab sau cia hais tias,

23 Pawxias tus vajntxwv Xailab hais li no. (יחוח)Yahweh uas yog peb Leej Txiv, nws tau pub ib tsoom tebchaws huvsi hauv lub ntiajteb rau kuv, thiab nws hais kom kuv ua lub tuam tsev rau nws rau hauv lub nroog Yeluxalees uas nyob hauv Yahdah tebchaws. Nej cov muaj leejtwg yog nws haiv neeg, thov (יחוח)Yahweh uas yog nws Tus Tswv nrog nraim tus ntawd nyob. Cia tus ntawd cia li rov mus.