1 Thaum Yahyakhis ua vajntxwv mas Nenpukhanexas uas ua vaj ntxwv hauv Npanpiloos tuaj ua rog, ces Yahyakhis txawm zwm rau nws tau peb xyoos.  Ces nws rov ntxeev siab rau Nenpukhanexas.

2 Mas (יחוח)Yahweh txib cov Kheedias thiab cov Alas thiab cov Mau‑as thiab cov Asmoos tej pab tub rog tuaj ntaus Yahdah ua kom puam tsuaj raws li tej lus uas (יחוח)Yahweh kom nws cov tub qhe uas yog cov xibhwb cev (יחוח)Yahweh lus hais lawd.

3 Tej xwm txheej no yeej muaj rau Yahdah, vim yog (יחוח)Yahweh hais kom muaj, xwv (יחוח)Yahweh thiaj rho tau lawv tawm ntawm nws lub xub ntiag mus, vim yog tim txhua yam kev txhaum uas Manaxes ua,

4 thiab tim qhov uas Manaxes tau tua tej tibneeg uas tsis txhaum tuag thiab ua rau tej tibneeg tsis txhaum cov ntshav los puv hauv Yeluxalees mas (יחוח)Yahweh tsis zam li.

5 Lwm yam haujlwm uas Yahyakhis ua thiab txhua yam uas nws ua mas twb muab sau cia rau hauv phau ntawv uas hais txog Yahdah tej vajntxwv li keeb kwm lawm.

6 Yahyakhis txawm tuag mus nrog nws tej poj koob yawm txwv nyob mas nws tus tub Yahyakhees sawv nws chaw ua vajntxwv kav.  

7 Iziv tus vajntxwv tsis rov tawm hauv nws tebchaws tuaj li lawm, rau qhov Npanpiloos tus vajntxwv twb txeeb tau lub tebchaws uas Iziv tus vajntxwv kav txij ntua tus dej Iziv mus txog ntua tus dej Yufetis lawm.

​

Yahyakhees Ua Vajntxwv Kav Yahdah

(2 Vaj Keeb Kwm 36:9-10)

8 Thaum Yahyakhees sawv ua vajntxwv, nws hnub nyoog muaj kaum yim xyoo, nws nyob hauv Yeluxalees kav tau peb lub hlis. Nws niam npe hu ua Nehuthas uas yog Eena-thas uas nyob hauv Yeluxalees tus ntxhais.

9 Yahyakhees ua tej uas (יחוח)Yahweh pom tias phem kawg li, ib yam li txhua yam uas nws txiv tau ua lawd.

10 Lub sijhawm ntawd vajntxwv Nenpukhanexas hauv Npanpiloos cov tub teg tub taws tuaj ntaus Yeluxalees thiab vij lub nroog cia.

11 Thiab vajntxwv Nenpukhanexas hauv Npanpiloos kuj tuaj rau ntawm Yeluxalees rau thaum nws cov tub teg tub taws tseem vij lub nroog.

12 Mas cov Yahdah tus vajntxwv Yahyakhees muab nws tus kheej cob rau Npanpiloos tus vajntxwv, thiab muab nws niam, nws cov tub teg tub taws thiab cov thawj thiab cov nom tswv hauv nws lub tsev huvsi cob rau thiab.  Npanpiloos tus vajntxwv ntes nws, coj nws mus rau xyoo yim uas Nenpukhanexas ua vajntxwv kav,

13 thiab coj tej nyiaj huvsi hauv (יחוח)Yahweh lub tuam tsev thiab hauv vajntxwv lub tsev mus, thiab muab tej twj siv uas yog kub uas Ixayees tus vajntxwv Xalaumoos tau ua rau hauv (יחוח)Yahweh lub tuam tsev tsoo huvsi

raws li (יחוח)Yahweh twb hais ua ntej lawd.  

14 Nws kuav kiag cov tibneeg hauv Yeluxalees huvsi mus, yog muab cov thawj txhua tus thiab cov tub rog siab loj siab tuab ntes coj mus, huvsi muaj kaum txhiab leej, thiab coj cov uas txawj ua txhua yam haujlwm thiab cov Kws tooj Kws hlau mus huvsi, tsuas yog tseg cov pejxeem uas pluag pluag heev nyob xwb.

15 Nws coj Yahyakhees mus rau hauv Npanpiloos.  Nws ntes vajntxwv niam thiab nws tej pojniam thiab nws cov tub teg tub taws thiab cov thawj hauv lub tebchaws coj tawm hauv Yeluxalees mus rau hauv Npanpiloos.

16 Npanpiloos tus vajntxwv ntes cov tub rog uas siab loj siab tuab huvsi xya txhiab leej, thiab cov uas txawj ua txhua yam haujlwm thiab cov Kws tooj Kws hlau huvsi ib txhiab leej, kuav kiag mus rau hauv Npanpiloos, txhua tus muaj zog npho thiab zoo ua tub rog.

17 Npanpiloos tus vajntxwv tsa Mathaniyah uas yog Yahyakhees tus txiv ntxawm ua vajntxwv nyob Yahyakhees chaw, thiab tis dua npe hu ua Xedekhiyah.

​

Xedekhiyah Ua Vajntxwv Kav

(2 Vajkeebkwm 36:11-12; Yeremyah. 52:1-3)

18 Thaum Xedekhiyah sawv ua vajntxwv kav nws hnub nyoog muaj nees nkaum ib xyoos, nws nyob hauv Yeluxalees kav tau kaum ib xyoos. Nws niam npe hu ua Hamuthas uas yog Yeremyah uas nyob hauv lub moos Linas tus ntxhais.

19 Nws ua tej uas (יחוח)Yahweh pom tias phem kawg li, ib yam li txhua yam uas Yahyakhis tau ua lawd.

20 Twb yog vim (Yahweh chim li ntawd mas thaum kawg thiaj los txog qhov uas (יחוח)Yahweh muab Yeluxalees thiab Yahdah laim kom ploj ntawm nws lub xub ntiag mus.

​

Yeluxalees Poob

(2 Vajkeebkwm 36:13-21, Yeremyah 39:1-10,52:3-27)

Mas Xedekhiyah ntxeev siab rau vajntxwv Npanpiloos.