Daviv Tshais Lub Phil Xav Los Rau Hauv Yeluxalees

(1 Vaj Keeb Kwm 13:1-14,15:25-16:6)

1 Daviv rov txhij peb caug txhiab leej tub rog uas nws xaiv hauv cov Ixayees cia lawd.

2 Thiab Daviv nrog nws cov tibneeg sawvdaws sawv kev mus rau ntawm lub moos Npa‑ales hauv Yahdah (Kiliyas Yanis) mus coj (יחוח)Yahweh lub phij xab uas hu raws li (יחוח)Yahweh tus muaj hwjchim loj kawg nkaus lub npe uas nyob lub zwm txwv saum cov Khelunpees los.

3 Lawv kuj muab ib lub tsheb nyuj tshiab thauj (יחוח)Yahweh lub phij xab thiab coj tawm hauv Anpinadas lub tsev uas nyob saum lub roob los. Uxas thiab Ahiyaus uas yog Anpinadas tus tub tsav lub tsheb nyuj tshiab ntawd,

4 uas muaj (יחוח)Yahweh lub phij xab, mas Ahiyaus mus ua lub phij xab ntej.  

5 Daviv thiab cov Ixayees sawvdaws kuj zoo siab xyiv fab rau ntawm (יחוח)Yahweh lub xub ntiag kawg lawv lub siab lub ntsws, thiab hu nkauj ntaus nkauj nog ncas me thiab nkauj nog ncas loj thiab co tswb khob pab thiab npuaj nruas tooj liab.

6 Thaum lawv los txog ntawm Nakhoos lub tshav ntaus qoob, Uxas cev tes tuav nkaus (יחוח)Yahweh lub phij xab rau qhov cov nyuj dawm.

7 Mas (יחוח)Yahweh thiaj npau taws rau Uxas.  Mas (יחוח)Yahweh ntaus nws tuag vim yog nws cev tes tuav lub phij xab, ces nws txawm tuag rau ntawm (יחוח)Yahweh lub phij xab ib sab.

8 Daviv chim rau qhov uas (יחוח)Yahweh txojkev npau taws tshwm plaws los rau Uxas, vim li ntawd thiaj hu lub chaw ntawd ua Peles‑uxas los txog niaj hnub nimno.

9 Hnub ntawd Daviv kuj ntshai (יחוח)Yahweh heev thiab nws hais tias, (יחוח)Yahweh lub phij xab yuav los nrog kuv nyob tau li cas?

10 Daviv thiaj tsis kam coj (יחוח)Yahweh lub phij xab mus rau hauv Daviv lub nroog, tiamsis nws coj mus cia rau tom Aunpes Edoos uas yog tibneeg Nkas lub tsev.

11 (יחוח)Yahweh lub phij xab nyob hauv Aunpes Edoos uas yog tibneeg Nkas lub tsev tau peb lub hlis, mas (יחוח)Yahweh foom koob hmoov rau Aunpes Edoos thiab nws tsev neeg sawvdaws.

12 Muaj tibneeg hais rau vajntxwv Daviv tias, (יחוח)Yahweh foom koob hmoov rau Aunpes Edoos tsev neeg thiab txhua yam uas yog nws li, vim yog muaj (יחוח)Yahweh lub phij xab. Yog li ntawd, Daviv thiaj mus coj (יחוח)Yahweh lub phij xab ntawm Aunpes Edoos tsev los rau hauv Daviv lub nroog zoo siab hlo.

13 Thaum cov uas kwv (יחוח)Yahweh lub phij xab mus tau rau kauj ruam, Daviv kuj tua ib tug nyuj thiab ib tug thav nyuj rog rog xyeem.

14 Daviv kuj dhia seev cev kawg nws lub siab lub ntsws rau ntawm ()Yahweh lub xub ntiag. Thiab Daviv hnav lub tsho efauj xwb.

15 Yog li no, Daviv thiab ib tsoom Ixayees sawvdaws thiaj qw zoo siab xyiv fab tshuab raj kub yaj coj (יחוח)Yahweh lub phij xab los.

16 Thaum (יחוח)Yahweh lub phij xab los rau hauv Daviv lub nroog, Sha-ul tus ntxhais Mikhas xauj qhov rais pom vajntxwv Daviv dhia paj paws ntsos seev cev rau ntawm (יחוח)Yahweh lub xub ntiag, ces nws txawm xu siab rau Daviv.

17 Lawv coj (יחוח)Yahweh lub phij xab los txawb rau lub chaw hauv lub tsev ntaub uas Daviv twb tsa cia lawd, thiab Daviv kuj tua tsiaj ua kevcai hlawv xyeem thiab ua kevcai xyeem sib raug zoo rau ntawm (יחוח)Yahweh xubntiag.  

18 Thaum Daviv ua kevcai hlawv xyeem thiab ua kevcai xyeem sib raug zoo tag lawd, nws txawm tuav (יחוח)Yahweh uas muaj hwj chim loj kawg nkaus lub npe foom koob hmoov rau cov pejxeem.

19 Thiab nws muab ib leeg ib lub ncuav, ib leeg ib daim nqaij thiab ib lub ncuav txiv hmab qhuav pub rau ib tsoom Ixayees sawvdaws tsis hais pojniam txivneej. Ces lawv txawm nyias rov mus nyias tsev lawm.

20 Daviv kuj rov mus foom koob hmoov rau nws tsev neeg. Tiamsis Mikhas uas yog Sha-ul tus ntxhais tawm tuaj tos Daviv thiab hais tias, hnub no cov Ixayees tus vajntxwv tau koob meej loj kawg li lauj! Nws hle tej tsoos vajntxwv tab meeg nws cov tub teg tub taws tej nkauj qhe yam nkaus li tej tibneeg plhu tuab hle ris tsho tsis paub txaj muag li.

21 Mas Daviv hais rau Mikhas tias, kuv ua li no hwm (יחוח)Yahweh uas xaiv kuv los nyob koj txiv chaw thiab nyob nws caj ces sawvdaws chaw, tsa kuv ua thawj kav cov Ixayees uas yog (יחוח)Yahweh haiv neeg, mas kuv thiaj ua lomzem zoo siab xyiv fab rau ntawm (יחוח)Yahweh lub xub ntiag.

22 Kuv yuav txo kom kuv raug saib tsis taus heev dua li no thiab kuv yuav saib kuv qis dua thiab. Tiamsis cov nkauj qhe uas koj hais ntawd, lawv yuav muab kuv saib hlob.

23 Ces Sha-ul tus ntxhais Mikhas txawm tsis muaj menyuam tag sim neej li.