Hu Kom Rov Los Cuag (יחוח)Yahweh

1 Lub yim hli xyoo ob uas Dali‑as ua vajntxwv mas (יחוח)Yahweh  hais lus tuaj rau Zecharyah uas ua xibhwb cev (יחוח)Yahweh  lus. Nws txiv yog Npelekhiyas, nws yawg yog Idaus.

2 (יחוח)Yahweh  npau taws heev rau nej tej laus poj koob yawg koob kawg li.

3 Vim li no, koj cia li hais rau lawv tias, (יחוח)Yahweh  uas muaj hwjchim loj kawg nkaus hais li no tias, nej cia li rov los cuag kuv. (יחוח)Yahweh  uas muaj hwjchim loj kawg nkaus hais tias, kuv kuj yuav los cuag nej. Tej lus no yog (יחוח)Yahweh  uas muaj hwjchim loj kawg nkaus hais ntag.

4 Tsis txhob ua raws li nej tej laus poj koob yawg koob uas cov xibhwb cev (יחוח)Yahweh  lus txheej thaum ub twb tshaj tawm rau lawv tias, (יחוח)Yahweh uas muaj hwjchim loj kawg nkaus twb hais li no tias, cia li tig kiag ntawm nej txojkev phem thiab tej kev phem uas nej ua rov los. Lawv yeej tsis mloog tsis quav ntsej kuv tej lus. (יחוח)Yahweh  hais li no ntag.

5 Nej tej laus poj koob yawg koob dua twg lawm? Cov xibhwb cev (יחוח)Yahweh  lus nev, lawv tseem muaj txojsia nyob ib txhis lov?

6 Tiamsis kuv tej lus thiab kuv tej kab ke uas kuv cob rau cov xibhwb cev kuv lus uas yog kuv cov tub qhe tsis tau los raug nej poj koob yawm txwv lov? Lawv thiaj ntxeev dua siab tshiab thiab hais tias, (יחוח)Yahweh  uas muaj hwjchim loj kawg nkaus npaj tseg tias nws yuav ua li cas rau peb, pauj tej uas peb ua mas nws kuj ua raws li ntawd rau peb ntag.

​

Ua Yog Toog Pom Nees

7 Hnub tim nees nkaum plaub, lub kaum ib hlis, xyoo ob uas Dali‑as ua vajntxwv yog lub hli Senpas, mas (יחוח)Yahweh  hais lus tuaj rau Zecharyah uas ua xibhwb cev (יחוח)Yahweh  lus. Nws txiv yog Npelekhiyas, nws yawg yog Idaus.

8 Hmo ntuj kuv txawm ua yog toog pom ib tug txivneej caij ib tug nees liab sawv nres nroos hauv nruab nrab cov txiv ntoo roj uas nyob ntawm kwj hav. Muaj ib tug nees liab, ib tug nees liab dub, thiab ib tug nees dawb, nyob ntawm tus ntawd qub qab.

9 Ces kuv txawm nug hais tias, Yawg hlob, tej no yog abtsi? Tus tubtxib saum ntuj uas nrog kuv hais lus thiaj hais rau kuv tias, kuv yuav qhia rau koj paub tias yog abtsi.

10 Tus txivneej uas sawv nres nroos hauv nruab nrab cov txiv ntoo roj thiaj hais tias, cov no yog cov uas (יחוח)Yahweh  txib mus tshuaj saib thoob plaws lub ntiajteb.

11 Mas lawv cov ntawd txawm hais rau (יחוח)Yahweh  tus tubtxib saum ntuj uas sawv hauv cov txiv ntoo roj hais tias, peb twb mus tshuaj saib thoob plaws ntiajteb lawm, mas lub ntiajteb nyob ntsiag to.

12 Mas (יחוח)Yahweh  tus tubtxib txawm hais tias, Au (יחוח)Yahweh  uas muaj hwjchim loj kawg nkaus, koj yuav tsis khuvleej lub nroog Yeluxalees thiab Yahdah tej moos ntev li cas uas koj chim rau tau xya caum xyoo lawm?

13 (יחוח)Yahweh  teb ib co zoo lus nplij siab rau tus tubtxib saum ntuj uas nrog kuv hais lus.

14 Tus tubtxib saum ntuj uas nrog kuv hais lus thiaj hais rau kuv tias, cia li qw hais tias, (יחוח)Yahweh  uas muaj hwjchim loj kawg nkaus hais li no tias, kuv khib xeeb lub nroog Yeluxalees thiab Xi‑oo heev kawg li.

15 Thiab kuv chim heev rau cov tebchaws uas tau zoo nyob kawg li, vim yog thaum kuv chim me me xwb lawv tseem ua rau tej xwm txheej phem loj zuj zus tuaj.

16 Vim li no, (יחוח)Yahweh  thiaj hais tias, kuv rov qab los nyob rau hauv Yeluxalees thiab khuvleej lawv lawm. Yuav ua dua kuv lub tuam tsev qhov ntawd thiab yuav cab hlua ntsuas saum lub nroog Yeluxalees.

17 Cia li rov qw hais tias, (יחוח)Yahweh  uas muaj hwjchim loj kawg nkaus hais li no tias, kuv tej moos yuav rov vam meej nplua nuj kawg nkaus dua thiab (יחוח)Yahweh  yuav rov nplij Xi‑oo thiab rov xaiv Yeluxalees ua nws tug.

​

Ob Txwm Kub Thiab Plaub Tug Kws Hlau

18 Kuv tsa muag saib mas pom dheev plaub tug kub.

19 Kuv txawm nug tus tubtxib saum ntuj uas nrog kuv hais lus hais tias, tej no yog abtsi? Nws thiaj teb kuv tias, tej no yog cov kub uas nrau Yahdah thiab Ixayees thiab Yeluxalees tawg ua sab ua sua.

20 (יחוח)Yahweh  ua rau kuv pom plaub tug Kws hlau.

21 Ces kuv txawm nug tias, cov Kws hlau no tuaj ua abtsi? Nws teb hais tias, cov kub no yog cov uas tuaj nrau Yahdah tawg ua sab ua sua, tsis muaj leejtwg tsa taus taubhau li. Cov Kws hlau yog cov uas tuaj ua rau cov kub no ntshai, thiab yuav muab cov kub no rhuav tshem ntawm tej tebchaws uas tsa kub tuaj nrau Yahdah tebchaws tawg tag.