Yakhauj Rov Mus Rau Npe‑ees

1 (יחוח)Yahweh hais rau Yakhauj hais tias, cia li sawv tsees tsiv mus rau nram Npe‑ees mus nyob nrad, es tib ib lub thaj rau Tus Tswv (יחוח)Yahweh uas thaum koj khiav koj tus tijlaug Exaus es los tshwm rau koj pom.

2 Vim li ntawd, Yakhauj thiaj hais rau nws tsev neeg thiab cov tibneeg uas nrog nws nyob ua ke sawvdaws hais tias, cia li muab lwm tebchaws tej dab uas nej coj, tso pov tseg huvsi thiab ua kevcai ntxuav lub cev, lub siab, kom kaj, kom huv, thiab hloov tsoos tsho huvsi.

3 Peb cia li mus lawm nram Npe‑ees, mas kuv yuav tib ib lub thaj rau ntawd, rau Tus Tswv (יחוח)Yahweh uas thaum kuv raug kev txom nyem es nws teb kuv thiab nrog nraim kuv nyob rau txhua qhov chaw uas kuv tau mus. 

4 Lawv txawm muab lwm haiv neeg tej dab qhuas uas lawv coj, thiab muab lawv tej kauj co uas lawv coj ntawm pobntsej huvsi rau Yakhauj, ces Yakhauj txawm muab faus rau hauv tsob qab ntoo xeeb uas nyob ze lub moos Sekhees.

5 Thaum lawv tsiv mus ntawd, mas (יחוח)Yahweh ua rau tej zej zog thoob plaws hauv tebchaws ntawd ntshai kawg li, lawv thiaj tsis caum Yakhauj cov tub qab.  

6 Yakhauj thiab nws cov tib­neeg sawvdaws los txog ntawm Lu (uas yog Npe‑ees) uas nyob hauv Khana‑as tebchaws.

7 Yakhauj txawm tib ib lub thaj rau ntawd, mas hu qhov chaw ntawd ua Eenpe‑ees, vim yog qhov chaw uas thaum Yakhauj khiav nws tus tijlaug es (יחוח)Yahweh los tshwm rau nws pom.  

8 Tus nkauj qhe Denpaulas uas tu Lenpekhas hlob, txawm tuag mas lawv muab nws faus rau hauv tsob qab ntoo xeeb nram qab Npe‑ees, mas thiaj hu tsob ntoo ntawd ua Aloos Npakhus.  

9 Thaum Yakhauj tsiv ntawm Padas Alas rov los, (יחוח)Yahweh los tshwm rau Yakhauj dua ib zaug thiab foom koob hmoov rau nws.  

10 (יחוח)Yahweh hais rau nws tias, koj npe hu ua Yakhauj tiamsis yuav tsis hu koj ua Yakhauj dua li lawm, yuav hu koj ua Ixayees. Yog li no, thiaj hu nws ua Ixayees.

11 Thiab ()Yahweh hais rau Yakhauj tias kuv yog (יחוח)Yahweh uas muaj hwjchim loj kawg nkaus. Koj cia li muaj tub ki huaj vam coob coob. Muaj ib haiv neeg yuav tshwm ntawm koj los, thiab yuav muaj ntau haiv neeg tshwm ntawm koj los, yuav muaj tej vajntxwv tshwm ntawm koj los.

12 Lub teb­chaws uas kuv muab pub rau Anplaham thiab Ixaj lawd, kuv yeej yuav pub rau koj thiab pub rau koj caj ces mus li.

13 (יחוח)Yahweh txawm tawm ntawm qhov chaw uas nrog Yakhauj tham mus lawm.

14 Yakhauj txawm txhos ib tug ncej zeb cia rau ntawm qhov chaw uas

(יחוח)Yahweh nrog nws hais lus thiab nws muab cawv txiv hmab hliv ywg ua kevcai hliv xyeem rau saum tus ncej, thiab muab roj hliv ywg tus ncej ntawd.

15 Yakhauj hu qhov chaw uas (יחוח)Yahweh nrog nws hais lus ntawd ua Npe‑ees.

​

Lachees Thiab Ixaj Tuag

16 Lawv tsiv ntawm Npe‑ees mus tsis tau txog Efathas, ces Lachees txawm mob plab heev thiab yug menyuam nyuaj heev.

17 Thaum nws tab tom mob plab heev, tus pojniam uas pab yug menyuam hais rau Lachees tias, koj tsis txhob ntshai, koj twb tau dua ib tug metub lawm.  

18 Thaum nws yuav tu siav yuav tuag ntawd, nws tis tus metub ntawd npe hu ua Npee‑aunis, tiamsis nws txiv tis npe hu ua Npeeyamees.

19 Ces Lachees txawm tuag lawm, mas lawv muab nws faus rau ntawm ntug kev uas mus rau nram lub zos Efathas (uas yog Npelehees).

20 Yakhauj muab ib tug ncej zeb txhos rau ntawm lub ntxa. Tus ncej ntawm Lachees lub ntxa tseem nyob los txog niaj hnub nimno.

21 Ixayees kuj tsiv rau tom ntej, mus tsa tsev ntaub nyob dhau plaws lub chaw tsom faj Edaws.

22 Thaum Ixayees nyob rau hauv lub tebchaws ntawd, Lunpees txawm mus nrog nws txiv tus niam yau Npihas pw. Ixayees kuj hnov txog qhov ntawd thiab. Yakhauj muaj kaum ob tug tub.

23 Le-as cov tub yog Lu-npees uas yog Yakhauj tus tub hlob, thiab Xime‑oos, Levis, Yahdah, Ixakhas, thiab Xenpuloos.

24 Lachees cov tub yog Yahxej thiab Npeeyamees.

25 Lachees tus nkauj qhe Npihas cov tub yog Daj thiab Nathalis.

26 Le-as tus nkauj qhe Xilapas cov tub yog Nkas thiab Asaws. Cov no yog Yakhauj cov tub uas yug ntawm Padas Alas.

27 Yakhauj rov los cuag nws txiv Ixaj ntawm Males uas ze lub moos Khiliyas Anpas (uas yog Henploos) yog lub chaw uas thaum ub Anplaham thiab Ixaj los ua qhua nyob.  

28 Ixaj hnub nyoog muaj ib puas yim caum xyoo,

29 nws txojsia li tu. Nws nyob laus nkoos txog caij txog nyoog li tuag mus nrog nws tej poj koob yawm txwv nyob. Nws ob tug tub Exaus thiab Yakhauj thiaj coj nws mus faus.