Exaus Caj Ces 

(1 Vaj Keeb Kwm 1:34-37)

1 Ntawm no yog Exaus uas yog Edoos caj ces.  

2 Exaus mus yuav cov Khana‑as tej ntxhais los ua pojniam. Nws yuav Eloos uas yog tibneeg Hithais tus ntxhais Adas thiab yuav Anas tus ntxhais Auhaulinpamas, nws yawg yog Xinpe‑oos uas yog tibneeg Hivais,

3 thiab nws yuav Yisama‑ees tus ntxhais Npaxemas uas yog Nenpayaus tus niam hluas.

4 Adas yug tau Elifas rau Exaus, Npaxemas yug tau Le‑u‑ ees,

5 thiab Auhaulinpamas yug tau Ye‑us, Yalas thiab Khaulas. Cov no yog Exaus cov tub uas yug hauv tebchaws Khana‑as.

6 Exaus coj nws cov pojniam thiab tej tub, tej ntxhais, thiab nws cov tibneeg sawvdaws, thiab tej tsiaj txhu, thiab tej tsiaj siv ua haujlwm, thiab txhua yam uas nws khwv tau hauv Khana‑as tebchaws ncaim nws tus kwv Yakhauj tsiv mus deb rau lwm tebchaws lawm.

7 Vim yog ob kwvtij muaj qhov txhia chaw ntau heev thiaj nyob tsis tau ua ke, vim lub teb­chaws uas nkawv nyob ntawd, nqaim tsis txaus lawv yug tsiaj txhu ua ke.

8 Exaus uas yog Edoos thiaj tsiv mus nyob rau pem tej toj roob Xe‑is tebchaws.

9 Ntawm no yog Exaus caj ces. Exaus yog cov tibneeg Edoos lub keeb uas nyob pem toj siab Xe‑is tebchaws.

10 Exaus cov tub tej npe yog li no. Elifas yog Exaus tus niam hlob Adas yug, thiab Le‑u‑ees yog Exaus tus niam ob Npaxemas yug.

11 Elifas cov tub yog Themas, Aumas, Xefaus, Kathas thiab Khenas.

12 Exaus tus tub Elifas tus niam yau Thinas muaj ib tug tub hu ua Amalej. Cov no yog Exaus tus niam hlob Adas li xeeb ntxwv.

13 Le‑u‑ees cov tub yog Nahaj, Xelag, Samas thiab Mixas. Cov no yog Exaus tus niam ob Npaxemas li xeeb ntxwv.

14 Exaus tus niam peb Auhaulinpamas uas yog Anas tus ntxhais thiab yog Xinpe‑oos tus xeeb ntxwv, cov tub uas nws yug rau Exaus yog Ye‑us, Yalas thiab Khaulas. 

15 Ntawm no yog cov thawj coj hauv Exaus tej caj ces. Exaus tus tub hlob Elifas cov tub uas ua thawj coj yog Themas, Aumas, Xefaus, Khenas,

16 Khaulas, Kathas thiab Amalej. Cov no yog Elifas cov tub uas ua thawj coj hauv Edoos teb­chaws. Lawv yog Adas li xeeb ntxwv.

17 Exaus tus tub Le‑u‑ees cov tub uas ua thawj coj yog Nahaj, Xelag, Samas thiab Mixas. Cov no yog Le‑u‑ees cov tub uas ua thawj coj hauv Edoos tebchaws. Lawv yog Exaus tus niam ob Npaxemas li xeeb ntxwv.

18 Exaus tus niam peb Auhaulinpamas cov tub uas ua thawj coj yog Ye‑us, Yalas thiab Khaulas. Cov no yog Exaus tus niam peb Auhaulinpa­mas uas yog Anas tus ntxhais cov tub uas ua thawj coj hauv Edoos tebchaws.

19 Cov tibneeg no yog Exaus uas yog Edoos cov tub, thiab yog cov uas ua thawj coj.

Xe‑is Caj Ces

(1Vaj Keeb Kwm 1:38-43)

20 Ntawm no yog Xe‑is uas yog neeg Haulais cov tub uas nyob tebchaws ntawd, yog Lauthas, Saunpas, Xinpe‑oos, Anas,

21 Disoos, Exaws thiab Disas. Cov no yog Xe‑is cov tub uas ua thawj coj hauv cov Haulais hauv Edoos tebchaws.

22 Lauthas cov tub yog Haulais thiab Hemas. Thinas yog Lauthas tus muam.

23 Saunpas cov tub yog Avas, Manahas, Enpas, Sefaus thiab Aunas.  

24 Xinpe‑oos cov tub yog Aiyag thiab Anas. Anas yog tus uas coj nws txiv Xinpe‑oos pab nees luav mus yug, mas mus pom ib lub qhov dej kub dej npau hauv tebchaws moj sab qhua.

25 Anas tus tub yog Disoos, tus ntxhais yog Auhaulinpamas.

26 Disoos cov tub yog Hedas, Esanpas, Ithalas thiab Khelas.

27 Exaws cov tub yog Npihas, Xavas thiab Akhav.  

28 Disas cov tub yog Us thiab Aslaj.   

29 Cov no yog cov uas ua thawj coj hauv cov Haulais, yog Lauthas, Saunpas, Xinpe‑oos, Anas,

30 Disoos, Exaws thiab Disas. Cov no yog cov uas ua thawj coj hauv cov Haulais, nyias ua nyias ib cum hauv Xe‑is tebchaws.

​

Cov Vajntxwv Uas Kav Edoos Teb­chaws

(1Vaj Keeb Kwm 1:43-54)

31 Ntawm no yog cov vajntxwv uas kav hauv Edoos tebchaws, yog kav ua ntej thaum ub uas cov Ixayees tsis tau muaj vajntxwv.

32 Npe‑aus tus tub Npelas sawv los kav hauv Edoos. Nws lub moos hu ua Dihanpas.

33 Thaum Npelas tuag lawd, Xelag tus tub Yaunpam uas yog tibneeg Npauxas sawv nws chaw ua vajntxwv kav.

34 Thaum Yaunpam tuag lawd, Husas uas yog tib­neeg hauv tebchaws Themas sawv nws chaw ua vajntxwv kav.

35 Thaum Husas tuag lawd, Npedas tus tub Hadas uas yog tus uas ntaus yeej cov Midees hauv Mau‑as tebchaws sawv nws chaw ua vajntxwv kav, mas nws lub moos hu ua Avij.

36 Thaum Hadas tuag lawd, Xaslas uas yog tibneeg Malekhas sawv nws chaw ua vajntxwv kav.

37 Thaum Xaslas tuag lawd, Sha-ul uas yog tibneeg Lehaunpaus uas nyob ntawm ntug dej Yufetis sawv nws chaw ua vajntxwv kav.

38 Thaum Sha-ul tuag lawd, Anpaus tus tub Npa‑as Hanas sawv nws chaw ua vajntxwv kav.

39 Thaum Anpaus tus tub Npa‑as Hanas tuag lawd, Hadaj sawv nws chaw ua vajntxwv kav. Nws lub moos hu ua Pa‑us, nws tus pojniam hu ua Mehethanpees, uas yog Maleb tus ntxhais. Maleb yog Mexa-has tus ntxhais.

40 Cov no yog cov uas ua thawj coj hauv Exaus caj ces uas nyias ua thawj coj hauv nyias cum, nyias nyob nyias tebchaws tej npe, yog Thinas, Avas, Yethes,

41 Auhau-linpamas, Elas, Pinoos,

42 Khenas, Themas, Mixas,

43 Mati‑ees thiab Islas. Cov tibneeg no yog cov uas ua thawj coj hauv Edoos uas nyias nyob nyias thaj chaw hauv lub tebchaws uas yog lawv teej lawv tug. Tus Exaus no yog  cov tibneeg Edoos tus yawg koob.