Yakhauj Tsev Neeg Mus Nram Iziv Tebchaws

1 Ixayees thiaj coj nws tej cuab txhiaj cuab tam huvsi taug kev mus. Thaum mus txog ntawm Npe‑awsenpas, nws kuj xyeem qhov txhia chaw rau nws txiv Ixaj Tus Tswv (יחוח)Yahweh.

2 Thaum tsaus ntuj, Ixayees ua yog toog hnov (יחוח)Yahweh hais lus rau nws tias, Yakhauj, Yakhauj es. Yakhauj teb tias, kuv nyob ntawm no os.

3 (יחוח)Yahweh hais tias, kuv yog (יחוח)Yahweh, yog koj txiv Tus Tswv. Koj tsis txhob ntshai qhov uas mus rau nram Iziv tebchaws, rau qhov kuv yuav pub koj ua ib haiv neeg coob coob rau ntawd.

4 Kuv yuav nrog koj mus rau Iziv tebchaws, thiab kuv yuav coj koj rov qab los dua ib zaug. Yahxej yuav muab nws txhais tes plhws koj ob lub qhov muag thaum koj tuag.

5 Yakhauj txawm tawm ntawm Npe‑awsenpas mus. Ixayees cov tub muab leej txiv Yakhauj thiab lawv tej menyuam yaus thiab lawv tej pojniam caij tej tsheb uas Falaus xa tuaj tos lawv.

6 Tag nrho Yakhauj thiab nws tej tub ki huvsi, coj lawv tej tsiaj txhu, cuab txhiaj, cuab tam uas lawv muaj hauv Khana‑as tebchaws huvsi mus rau hauv Iziv tebchaws.

7 Yakhauj coj nws cov tub thiab tej tub xeeb ntxwv, nws cov ntxhais thiab tej ntxhais xeeb ntxwv nrog nws mus. Nws cov tub ki xeeb ntxwv huvsi, nws coj nrog nws mus rau nram Iziv tebchaws.

8 Cov no yog Ixayees tej tub ki xeeb ntxwv uas mus rau hauv Iziv tebchaws tej npe, yog Yakhauj thiab nws tej tub. Lunpees yog Yakhauj tus tub hlob.

9 Lunpees cov tub yog Hanaus, Palus, Hexaloos thiab Khamis.

10 Xime‑oos cov tub yog Yemu‑ees, Yamis, Auhas, Yakhis, Xauhas thiab Sha-ul uas yog tus pojniam Khana‑as yug.

11 Levis cov tub yog Nkawsoos, Khauhas, thiab Melalis.

12 Yahdah cov tub yog Ws, Aunas, Selas, Peles thiab Xelag, tiamsis Ws thiab Aunas twb tuag rau tebchaws Khana‑as lawm. Peles cov tub yog Hexaloos thiab Hamus.

13 Ixakhas cov tub yog Thaulas, Puvas, Yasus, thiab Siloos.

14 Xenpuloos cov tub yog Xeles, Eloos thiab Yale‑ees.

15 Cov no yog cov tub uas Le-as yug hauv tebchaws Padas Alas rau Yakhauj, thiab ib tug ntxhais hu ua Dinas. Le-as tej tub ki xeeb ntxwv huvsi muaj peb caug peb leeg.

16 Kas cov tub yog Xifi‑oos, Hakiv, Sunis, Exanpoos, Elis, Alaudis thiab Alelis.

17 Asaws cov tub yog Inas, Isavas, Isavis thiab Npeliyas, thiab ib tug ntxhais hu ua Xelas. Npeliyas cov tub yog Henpaws thiab Makhi‑ees.

18 Cov no yog cov tub ki xeeb ntxwv uas Xilapas yug rau Yakhauj, huvsi muaj kaum rau leej. Xilapas yog tus nkauj qhe uas Lanpas muab pub rau nws tus ntxhais Le‑as.

19 Yakhauj tus pojniam Lachees cov tub yog Yahxej thiab Npeeyamees.

20 Yahxej cov tub uas yug hauv Iziv tebchaws yog Manaxes thiab Efa‑is. Ob tug no yog tus pov thawj Pau­tifelas uas nyob lub moos Oo tus ntxhais Axenas yug.

21 Npeeyamees cov tub yog Npelas, Npekhaws, Asanpees, Kelas, Na‑amas, Ehis, Laus, Mupis, Hupis thiab As.

22 Cov no yog cov tub ki xeeb ntxwv uas Lachees yug rau Yakhauj mas huvsi muaj kaum plaub leeg.

23 Daj tus tub yog Husis.

24 Nathalis cov tub yog Yaxe‑ees, Kunis, Yexaws thiab Silees.

25 Cov no yog cov tub ki xeeb ntxwv uas Npihas yug rau Yakhauj, mas huvsi muaj xya leej. Npihas yog tus nkauj qhe uas Lanpas muab pub rau nws tus ntxhais Lachees.

26 Yakhauj cov tibneeg uas yog nws cov tseem noob uas nrog nws mus rau hauv Iziv tebchaws tsis suav Yakhauj cov nyab mas huvsi muaj rau caum rau leej.

27 Yahxej cov tub uas yug rau hauv Iziv tebchaws muaj ob leeg. Suav Yakhauj tsev neeg huvsi uas mus rau hauv Iziv tebchaws muaj xya caum leej.

​

Yakhauj Tsev Neeg Nyob Hauv Iziv Tebchaws

28 Yakhauj txib Yahdah ua ntej mus qhia Yahxej tuaj ntsib lawv rau hauv Kausees. Mas lawv thiaj mus txog ntawm Kausees.  

29 Yahxej txawm caij tsheb mus ntsib nws txiv Ixayees ntawm Kausees. Thaum mus cuag leej txiv, nws thiaj khawm nkaus leej txiv caj qwb thiab quaj ntev ntev.

30 Ixayees hais rau Yahxej tias, nimno kuv tuag los tau lawm lauj, rau qhov kuv twb pom koj lub ntsej muag lawm thiab paub tias koj tseem muaj txojsia nyob.

31 Yahxej hais rau nws cov kwvtij thiab nws txiv tsev neeg tias, kuv yuav mus cuag Falaus thiab hais rau nws tias, kuv cov kwvtij thiab kuv txiv tsev neeg uas nyob hauv Khana‑as teb­chaws los txog kuv lawm.

32 Cov tibneeg ntawd yog tibneeg yug yaj, yug tshis, thiab yug nyuj. Lawv coj lawv tej yaj, tej tshis, tej nyuj, thiab lawv cuab txhiaj cuab tam huvsi los lawm.

33 Thaum Falaus hu nej mus cuag thiab nug nej tias, nej ib txwm ua haujlwm abtsi?

34 Nej yuav tau hais tias, peb uas yog koj cov tub qhe, yog tibneeg yug tsiaj txhu ib txwm thaum yau los txog niaj hnub nimno, ib yam li peb tej poj koob yawm txwv yeej yug los, xwv nej thiaj tau nyob hauv Kausees, vim tias cov tibneeg Iziv ntxub txhua tus uas yug yaj yug tshis.