Dim Kev Tuag Tau Txojsia

1 Nej twb tuag lawm, vim qhov uas fav xeeb yuam kev ua txhaum muaj txim.

2 Yav tag los, nej txeev ua nej lub neej nyob hauv kev txhaum raws li ntiajteb txojkev, thiab raws li tus uas kav, tej hwjchim saum nruab ntug, yog tus dab uas ua haujlwm rau hauv cov uas tsis mloog lus rau lub sijhawm no. 3 Yav tag los, peb txhua tus txeev nrog lawv nyob ua lub neej raws li lub cev nqaij tawv ntshaw, yog ua raws li peb lub cev nqaij tawv thiab peb lub siab xav yuav, mas raws li peb lub neej ces, tsim nyog peb raug Abba (יחוח)Yahweh txojkev npau taws, ib yam li lwm tus. 4 Tiamsis Abba (יחוח)Yahweh muaj txojkev khuvleej ntau heev, thiab nws txojkev hlub loj uas nws ua tshwm los rau peb, 5 mas txawm yog peb twb tuag lawm vim qhov uas fav xeeb ua txhaum, los Abba (יחוח)Yahweh tseem pub peb nrog (יהושע)Yahshua Messiah muaj txojsia nyob. Nej tau txais txojkev dim ntawm Abba (יחוח)Yahweh txojkev hlub.

6 Thiab Abba (יחוח)Yahweh tsa peb nrog (יהושע)Yahshua Messiah sawv los, thiab pub peb nrog nws zaum ua ke hauv Lub Nroog Yeluxalees, rau hauv (יהושע)Yahshua Messiah, 7 xwv tiam tom ntej, nws thiaj qhia nws txojkev hlub uas muaj nplua mias tshwm los, yog qhov uas nws khuvleej peb hauv (יהושע)Yahshua Messiah.

8 Rau qhov nej dim, yog los ntawm txojkev hlub vim yog nej ntseeg. Txojkev dim no, tsis yog tshwm ntawm nej los, tiamsis yog Abba (יחוח)Yahweh pub dawb xwb, 9 tsis yog tau ntawm qhov uas xyaum, xwv thiaj tsis muaj leejtwg khav tau. 10 Vim tias peb yog Abba (יחוח)Yahweh txhais tes tsim, yog tsim rau hauv (יהושע)Yahshua Messiah kom ua tej haujlwm zoo uas Abba (יחוח)Yahweh twb npaj cia rau peb kom peb xyaum ua raws nraim li ntawd.

​

Koom Ua Ib Hauv (יהושע)Yahshua Messiah

11 Yog li ntawd nej yuav tsum nco ntsoov tias, yav tag los, nej yog lwm haiv neeg raws li lub cev nqaij tawv. Thiab cov uas ua kevcai txiav, uas yog neeg txhais tes ua rau lub cev, txeev hu nej tias yog cov tsis ua kevcai txiav.

12 Cia li nco tias thaum ntawd, nej tsis muaj (יהושע)Yahshua Messiah, tsis muaj feem ua neeg Ixayees, thiab tsis muaj cai koom tej lus uas Abba (יחוח)Yahweh cog tseg, nyob hauv lub ntiajteb no tsis muaj chaw vam thiab tsis muaj Abba (יחוח)Yahweh. 13 Tiamsis nimno, nyob hauv (יהושע)Yahshua Messiah, nej cov uas yav tag los nyob deb, raug coj los nyob ze vim muaj (יהושע)Yahshua Messiah cov ntshav. 14 (יהושע)Yahshua Messiah yog peb txojkev sib haum xeeb ntag. Nws muab peb ob tog los koom ua ib ntawm nws lub cev thiab rhuav lub ntsa loog uas kem nruab nrab, yog qhov uas ob tog ua yeeb ncuab. 15 Nws rhuav txoj kevcai uas muaj tej lus nkaw thiab tej kab ke ntawd tseg, kom thiaj muab tau ob pab neeg, los tsim ua ib pab tshiab rau hauv nws, thiaj ua kom muaj kev nyob sib haum xeeb, 16 thiab ua kom ob tog rov nrog Abba

(יחוח)Yahweh sib raug zoo koom ib lub cev, vim yog muaj tus ntoo ntsia tes, thiaj ua kom txojkev ua yeeb ncuab ploj tag lawm.

17 (יהושע)Yahshua Messiah los tshaj tawm txojkev sib haum xeeb rau nej cov uas nyob deb, thiab cov uas nyob ze.

18 Vim yog muaj (יהושע)Yahshua, peb ob tog thiaj tau los cuag Leej Txiv ntawm tib tug Ntsuj Plig Dawbhuv. 19 Vim li no, nej tsis yog neeg txawv tebchaws, thiab tsis yog lwm haiv neeg ntxiv lawm. Tiamsis nej koom nrog Abba (יחוח)Yahweh cov neeg dawb huv, thiab koom ua Abba (יחוח)Yahweh tsev neeg lawm. 20 Nej raug tsim tsa rau saum tej taw tiag uas yog cov tubtxib thiab cov xibhwb cev Abba (יחוח)Yahweh lus, vim yog muaj (יהושע)Yahshua Messiah ua lub thawj pob zeb ntawm kaum tsev.

21 Hauv (יהושע)Yahshua Messiah mas txhua yam uas ua lub tsev, yuav muab sib txuas ua ke thiaj hlob tuaj ua lub tuam tsev dawb huv rau hauv Abba (יחוח)Yahweh.

22 Hauv (יהושע)Yahshua Messiah, nej kuj tabtom raug tsim tsa ua lub chaw rau Abba (יחוח)Yahweh nyob, uas yog Tus Ntsuj Plig Dawbhuv.