1 Kuv yog Sha-ul, uas yog (יהושע)Yahshua Messiah tus tub txib raws li Abba (יחוח)Yahweh lub siab nyiam, sau tsab ntawv no xa tuaj rau cov neeg dawb huv hauv lub moos Ephesians uas muaj siab xib rau (יהושע)Yahshua Messiah.

2 Thov txojkev hlub thiab txojkev ywjpheej ntawm Abba (יחוח)Yahweh uas yog peb Leej Txiv thiab ntawm tus Cawmseej (יהושע)Yahshua Messiah nrog nraim nej nyob.

​

Koob Hmoov Sab Ntsuj Plig Hauv (יהושע)Yahshua Messiah

3 Qhuas Abba (יחוח)Yahweh uas yog peb tus Cawmseej (יהושע)Yahshua Messiah Leej Txiv, uas foom koob hmoov sab ntsuj plig txhua yam saum ntuj los hauv (יהושע)Yahshua Messiah rau peb.  

4 Rau qhov Abba ((יחוח)Yahweh xaiv peb hauv (יהושע)Yahshua Messiah ua ntej uas tsim ntuj tsim teb, kom peb ua neeg dawb huv tsis muaj chaw thuam rau ntawm nws qhov muag.

5 Nws hlub peb thiab teem tseg ua ntej kom peb ua nws cov menyuam rau hauv (יהושע)Yahshua Messiah raws li Abba (יחוח)Yahweh lub siab nyiam, thiab nws twb xav tseg lawd, 6 kom thiaj ua lub chaw qhuas nws txojkev hlub ci ntsa iab uas nws pub dawb dawb hauv (יהושע)Yahshua Messiah uas nws hlub rau peb.

7 Hauv (יהושע)Yahshua Messiah, peb thiaj tau txais kev txhiv dim, vim muaj nws cov ntshav, yog peb tau txais kev zam txim ntawm peb tej kev txhaum raws li Abba (יחוח)Yahweh txojkev hlub muaj nplua mias 8 uas nws pub rau peb ntau kawg li ntawm nws lub tswvyim thiab ntawm nws txojkev paub txhua yam.

9 Nws pub peb paub tej uas nws lub siab xav uas nws twb muab npog cia lawd, raws li nws lub siab nyiam uas nws hom cia rau hauv (יהושע)Yahshua Messiah.

10 Thaum txog sijhawm lawm, nws yuav ua tej haujlwm uas nws hom tseg lawd kom tiav, yog qhov uas yuav sau zog txhua yam, uas nyob saum ntuj thiab hauv ntiajteb los nyob hauv (יהושע)Yahshua Messiah.

11 Hauv (יהושע)Yahshua Messiah, peb thiaj raug xaiv, yog peb raug teem cia ua ntej raws li Abba (יחוח)Yahweh lub siab xav. Nws yog tus uas ua txhua yam raws li nws lub siab hom tseg. 12 Kom peb cov uas xub los ntseeg thiab muaj kev cia siab rau (יהושע)Yahshua Messiah, thiaj yuav nyob qhuas ntxhias Abba (יחוח)Yahweh lub koob meej.

13 Hauv (יהושע)Yahshua Messiah, thaum nej tau hnov txojlus tseeb, yog txoj hmoo zoo uas cawm nej dim thiab tso siab rau nws lawm, nej kuj yuav raug nias lub cim uas yog Tus Ntsuj Plig Dawbhuv raws li lus cog tseg.

14 Tus Ntsuj Plig Dawbhuv ntawd, yog puav pheej uas peb yuav tau txais qub txeeg qub teg, mus txog thaum Abba (יחוח)Yahweh cov neeg txais kev txhiv dim, kom thiaj qhuas ntxhias nws lub koob meej.

​

Sha-ul Thov Abba (יחוח)Yahweh

15 Vim li no, thaum kuv tau hnov txog nej txojkev ntseeg tus Cawmseej (יהושע)Yahshua, thiab qhov uas nej hlub nws cov neeg dawb huv, 16 kuv thiaj nco ntsoov thov Abba  (יחוח)Yahweh pab rau nej, txhua lub sij hawm uas kuv thov nws thiab ua nws tsaug.

17 Kuv thov kom peb tus Cawmseej (יהושע)Yahshua Messiah Abba (יחוח)Yahweh, tus uas muaj hwjchim ci ntsa iab, pub nej muaj lub siab uas muaj tswvyim thiab qhia Abba (יחוח)Yahweh tshwm rau nej, kom nej paub nws zoo. 18 Kuv thov kom nej lub siab qheb pom kev xwv nej thiaj paub tias txojkev vam uas Abba (יחוח)Yahweh hu nej mus txog ntawd zoo li cas, thiab paub tej qub txeeg qub teg ci ntsa iab uas Abba (יחוח)Yahweh pub rau cov neeg dawb huv ntau npaum li cas, 

19 thiab paub nws lub hwjchim loj kawg, muaj ntau npaum li cas rau peb cov uas ntseeg. Yog tib lub hwjchim uas nws siv lub zog loj ua tej haujlwm 20 uas nws ua tshwm rau hauv (יהושע)Yahshua Messiah, rau thaum nws tsa (יהושע)Yahshua Messiah sawv hauv qhov tuag rov los, thiab pub (יהושע)Yahshua Messiah zaum ntawm nws sab tes xis hauv Lub Nroog Yeluxalees. 21 (יהושע)Yahshua lub hwjchim loj thiab siab tshaj txhua tus timtswv uas kav thiab tej hwjchim, tej dab, thiab tej uas txawj tswjhwm huvsi, thiab tseem siab tshaj txhua lub npe uas luag hu txog, tsis yog hauv tiam no xwb, tiamsis tseem yog tiam tom ntej ntxiv thiab.

22 Abba (יחוח)Yahweh muab txhua yam txo los tso rau hauv (יהושע)Yahshua Messiah qab xib taws, thiab tsa nws ua tus thawj kav txhua yam rau cov pawg ntseeg. 23 Pawg ntseeg yog (יהושע)Yahshua Messiah lub cev, yog leejtwg muaj (יהושע)Yahshua nyob hauv nws puv npo. (יהושע)Yahshua yog tus uas tsav txhua yam kom muaj txhij zog rau txhua qhov.

​