Sib Pab Ris Nra

1 Cov kwvtij, yog nej pom leejtwg ua txhaum yam twg, nej cov uas nyob sab ntsuj plig, cia li ua lub siab mos siab muag pab tus ntawd, kom rov xyaum dua, thiab nej yuav ceev faj txog nej tus kheej, ntshai tsam ces nej raug ntxias ua txhaum thiab.

2 Cia li sib pab ris nra, thiaj yog ua kom (יהושע)Yahshua Messiah txoj kevcai tiav.

3 Yog leejtwg xav tias, nws yog ib tug tseem ceeb tiamsis nws twb tsis tseem ceeb abtsi kiag li, ces kuj yog nws dag nws tus kheej.

4 Txhua tus nyias yuav tsum tshuaj nyias tes haujlwm, thiaj qhuas tau nws tus kheej xwb, tsis muab piv rau lwm tus, 5 rau qhov txhua tus nyias yuav tsum ris nyias lub nra.

6 Tus uas kawm Abba (יחוח)Yahweh tej lus, cia li faib nws li txhua yam zoo rau tus qhia nws. 7 Tsis txhob xav yuam kev. Nej dag ntxias Abba (יחוח)Yahweh tsis tau, rau qhov tias leejtwg tseb yam twg, nws kuj yuav tau sau yam ntawd xwb.

8 Tus uas tseb tej uas lub cev nqaij tawv ntshaw, nws kuj yuav sau tej uas txawj lwj ntawm lub cev ntawd. Tus uas tseb yam uas Tus Ntsuj Plig Dawbhuv nyiam, kuj yuav sau txojsia ib txhis tsis kawg ntawm Tus Ntsuj Plig Dawbhuv.

9 Peb tsis txhob qaug zog qhov uas ua zoo, rau qhov yog peb tsis tsaug leeg, peb yuav tau sau raws li lub sijhawm.

10 Yog li ntawd, thaum peb muaj sijhawm, peb cia li ua zoo rau txhua tus thiab yimhuab ua zoo rau cov uas ua ib tse tibneeg hauv txojkev ntseeg.

​

Tej Lus Ntuas Thaum Kawg

11 Cia li saib tej npe ntawv uas kuv txhais tes sau tuaj rau nej loj li cas.

12 Cov uas xav tau ntsej muag raws li nqaij tawv yog cov uas yuam nej ua kevcai txiav, xwv lawv thiaj tsis raug tsim txom, vim yog tim (יהושע)Yahshua Messiah tus ntoo ntsia tes xwb.

13 Txawm yog cov uas ua kevcai txiav lawm los, kuj tsis ua raws li txoj kevcai, tiamsis lawv tseem xav kom nej ua kevcai txiav kom lawv thiaj tau coj nej lub cev nqaij tawv mus qhuas.  14 Thov cia kuv tsis txhob qhuas txog abtsi li, tsuas yog qhuas txog peb tus Cawmseej (יהושע)Yahshua Messiah tus ntoo ntsia tes xwb. Vim tus ntoo ntsia tes ntawd, lub ntiajteb thiaj li tuag ntawm kuv thiab kuv tuag ntawm lub ntiajteb.

15 Vim tias qhov uas ua kevcai txiav thiab tsis ua, kuj tsis tseem ceeb abtsi, tiamsis qhov tseem ceeb, yog qhov uas muab tsim dua tshiab xwb.

16 Thov kom lub siab tus thiab Abba (יחוח)Yahweh txojkev khuvleej nrog nraim txhua tus uas xyaum raws li txoj kab ke no, uas yog Abba (יחוח)Yahweh cov tseem Ixayees.

17 Txij no mus, leejtwg tsis txhob ua rau kuv nyuaj siab lawm, rau qhov kuv muaj (יהושע)Yahshua lub cim nias rau kuv lub cev lawm.

18 Cov kwvtij, kuv thov kom peb tus Cawmseej (יהושע)Yahshua Messiah txojkev hlub nrog nraim nej tus ntsuj plig nyob. Haleluyah! Amen!

​