Sha-ul Tes Haujlwm Rau Lwm Haiv Neeg

1 Vim li no, kuv uas yog Sha-ul, raug kaw vim yog ua (יהושע)Yahshua Messiah tes haujlwm pab nej cov uas yog lwm haiv neeg. 2 Nej twb hnov txog tes haujlwm uas kuv qhia Abba (יחוח)Yahweh txojkev hlub, uas Abba (יחוח)Yahweh muab cob rau kuv pab nej. 3 Abba (יחוח)Yahweh muab tej uas muab npog cia tob tob lawd, coj los qhia tshwm rau kuv paub raws li kuv twb sau qho mentsis lawm. 4 Thaum nej nyeem tej lus ntawd, nej yuav nkag siab txog qhov uas kuv paub, tej uas muab npog cia hais txog (יהושע)Yahshua Messiah, 5 uas yav tag los, Abba (יחוח)Yahweh tsis muab qhia rau tibneeg ib yam li lub sijhawm no, uas nws muab qhia tshwm rau nws cov tubtxib dawb huv thiab rau cov xibhwb cev Abba (יחוח)Yahweh lus, ntawm Tus Ntsuj Plig Dawbhuv. 6 Yog qhov uas lwm haiv neeg tau koom saws qub txeeg qub teg, thiab koom tib lub cev, thiab muaj feem koom tej lus cog tseg hauv (יהושע)Yahshua Messiah, ntawm txoj hmoo zoo.

7 Kuv los ua ib tug tub qhe qhia txoj hmoo zoo no raws li Abba (יחוח)Yahweh txojkev hlub uas muab pub rau kuv, vim Abba (יחוח)Yahweh lub hwjchim loj ua haujlwm rau hauv kuv. 8 Txawm yog kuv yau dua Abba (יחוח)Yahweh cov neeg dawb huv tibsi los, nws kuj muab txojkev hlub pub rau kuv, kom mus qhia rau lwm haiv neeg paub txog tej uas (יהושע)Yahshua Messiah muaj nplua mias, uas tsis muaj leej twg yuav nrhiav tau li, 9 thiab qhia kom txhua tus pom tias abtsi yog tes haujlwm uas yuav qhia txog tej uas Abba (יחוח)Yahweh, tus uas tsim txhua yam tau muab npog cia tob tob ntau tiam thaum ub los lawd, 10 xwv thiaj siv cov pawg ntseeg qhia rau tej hwjchim thiab tej timtswv uas kav saum nruab ntug paub txog Abba (יחוח)Yahweh lub tswvyim uas muaj nplua mias rau lub sijhawm no. 11 Tej no yog raws li Abba (יחוח)Yahweh xav tseg ib txwm los uas nws ua kom tiav rau hauv (יהושע)Yahshua Messiah uas yog peb tus Cawmseej.

12 Hauv (יהושע)Yahshua Messiah peb thiaj muaj siab tuab thiab ruaj siab uas yuav mus cuag Abba (יחוח)Yahweh, vim qhov uas ntseeg (יהושע)Yahshua Messiah.

13 Vim li no, kuv thiaj thov nej kom tsis txhob poob siab rau qhov uas kuv raug txom nyem vim yog saib rau nej. Tej no yuav ua rau nej tau koob meej.

​

(יהושע)Yahshua Messiah Txojkev Hlub

14 Vim li no, kuv thiaj txhos caug rau ntawm Leej Txiv, 15 yog tus uas txhua haiv neeg saum ntuj thiab hauv ntiajteb hu ua Leej Txiv.

16 Kuv thov Abba (יחוח)Yahweh pub kom nej muaj zog rau hauv lub siab ntawm lub hwjchim uas tau ntawm nws tus Ntsuj Plig Dawbhuv los rau nej, raws li nws lub hwjchim ci ntsa iab uas muaj nplua mias, 17 thiab thov kom (יהושע)Yahshua Messiah nyob hauv nej lub siab ntawm txojkev ntseeg. Kuv thov kom nej cog cag ruaj rau hauv txojkev hlub, 18 nej thiaj muaj peevxwm nrog Abba (יחוח)Yahweh cov neeg dawb huv sawvdaws nkag siab tau txog txojkev hlub qhov dav, qhov ntev, qhov siab, thiab qhov tob, 19 thiab paub (יהושע)Yahshua Messiah txojkev hlub uas paub tsis tag, kom nej thiaj tau tej uas Abba (יחוח)Yahweh muaj nplua mias puv npo. 20 Thov cia tus uas ua tau txhua yam ntau dua li tej uas peb thov, thiab peb xav txog raws li nws lub hwjchim uas ua haujlwm rau hauv peb, tau koob meej. 21 Thov kom nws tau koob meej hauv pawg ntseeg thiab hauv (יהושע)Yahshua Messiah txhua txhia tiam mus ib txhis tsis kawg. Haleluyah! Amen!

​