Cov Ntseeg Koom Ib Lub Cev

1 Vim li no, kuv uas raug kaw vim saib rau Abba (יחוח)Yahweh, thov nej ua lub neej kom phim qhov uas Abba (יחוח)Yahweh hu nej los xyaum. 2 Nej yuav tsum txo kiag lub siab, thiab ua lub siab mos siab muag, ua lub siab ntev, thiab ua siab thev ib leeg rau ib leeg ntawm txojkev hlub, 3 thiab kub siab tuav rawv qhov uas koom ua ib lub siab uas Tus Ntsuj Plig Dawbhuv pub, muab txojkev sib haum xeeb los khi nej. 4 Muaj tib lub cev thiab tib tug Ntsuj Plig, ib yam li nej raug hu los txais tib txojkev vam rau thaum Abba (יחוח)Yahweh hu nej los, 5 muaj tib tug Tswv, muaj tib txojkev ntseeg, muaj tib txoj kevcai raus dej, 6 muaj tib tug (יחוח)Yahweh uas yog peb txhua tus Leej Txiv, nws kav txhua tus, txhua tus tshwm ntawm nws los, thiab nws nyob hauv txhua tus.

7 Txojkev hlub muab pub rau peb txhua tus npaum li uas (יהושע)Yahshua Messiah pub.

8 Vim li ntawd thiaj muaj lus sau cia hais tias, thaum nws nce mus rau saum lub chaw siab, nws coj ib pab uas nws ntes tau nrog nws mus, thiab nws pub qhov txhia chaw rau tibneeg. (Ntawv Nkauj 68:19)

9 Qhov uas hais tias, nws nce mus saud, muaj lub ntsiab li cas? Kuj yog hais tias nws nqes mus rau hauv nruab yeeb lawm thiab. 10 Tus uas nqes mus rau hauv nruab yeeb, kuj yog tus uas nce mus siab dhau saum ntuj huvsi, kom thiaj nyob tau thoob plaws txhua qhov.

11 Tej uas nws pub ntawd, kuj yog pub kom qee leej ua tubtxib, qee leej ua xibhwb cev Abba (יחוח)Yahweh lus, qee leej qhia txoj hmoo zoo, qee leej ua tus yug pawg ntseeg thiab ua xibhwb qhia. 12 Thiaj npaj tau cov neeg dawb huv, ua Abba (יחוח)Yahweh tes haujlwm tsim tsa (יהושע)Yahshua Messiah lub cev kom kheev hlob, 13 mus txog thaum peb sawvdaws txawj koom ua ib lub siab hauv txojkev ntseeg thiab hauv txojkev paub txog Abba (יחוח)Yahweh Leej Tub, thiab peb hlob tiav txiv lawm, yog hlob puv npo ib yam li (יהושע)Yahshua Messiah rau txhua fab. 14 Peb thiaj tsis ua menyuam yaus ntxiv mus, tsis ua lub siab ywj fab ywj fwj raug ntas mus ntas los qaug raws cua rau neeg txhua yam lus qhia, thiab tsis raug neeg tej kev txawj ntse li tswvyim phem dag ntxias. 15 Tiamsis peb yuav hais qhov tseeb ntawm txojkev sib hlub kom thiaj loj hlob txhua fab koom rau tus uas yog lub taubhau, yog (יהושע)Yahshua Messiah ntag. 16 Vim muaj (יהושע)Yahshua Messiah, tag nrho lub cev huvsi thiaj tau sib txuas, thiab koom ua ke ntawm txhua lub pob qej txha uas pub rau lub cev ntawd, thiab thaum txhua yam nyias ua nyias tes haujlwm, kuj ua rau lub cev loj hlob thiab tsim tsa tus kheej ntawm txojkev sib hlub.

​

Lub Neej Qub Thiab Lub Neej Tshiab

17 Yog li ntawd, kuv hais li no thiab kuv hais tawv qhawv hauv Abba (יחוח)Yahweh, kom nej tsis txhob ua nej lub neej ib yam li lwm haiv neeg ntxiv lawm. Lawv ua raws li lawv tej kev xav uas tsis muaj qabhau. 18 Lawv tej kev xav tsaus ntuj nti lawm, lawv tsis muaj cai koom txojsia uas Abba (יחוח)Yahweh pub, vim yog lawv tsis paub abtsi li vim lawv lub siab tawv heev. 19 Lawv yeej tsis paub txaj muag, lawv tso plhuav lawv lub cev mus ua kev phem kev qias thiab ua txhua yam kev vuab tsuab tsis tswj lub siab kiag li. 20 Tiamsis zaj uas nej kawm txog (יהושע)Yahshua Messiah, tsis tau qhia li ntawd. 21 Nej twb hnov txog (יהושע)Yahshua Messiah tiag tiag li lawm, thiab tau txais tej lus qhia uas yog txojkev tseeb hauv (יהושע)Yahshua, 22 yog qhia kom tso tus neeg qub hauv lub neej qub tseg, yog tus neeg qub uas raug txojkev ntshaw ntxias coj mus puam tsuaj, 23 thiab cia nej tus ntsuj plig thiab tej kev xav raug hloov dua tshiab, 

24 thiab muab tus neeg tshiab los hnav, yog tus neeg uas raug muab tsim kom ncaj ncees thiab dawb huv tseeb tiag ib yam li Abba (יחוח)Yahweh. 25 Vim li no, cia li muab txojkev dag tso tseg, txhua tus cia li hais lus tseeb rau kwvtij zej zog, rau qhov peb yeej koom tib lub cev. 26 Thaum nej chim tsis txhob ua txhaum, tsis txhob cia hnub poob tseem chim, 27 thiab tsis txhob pub sijhawm rau Ntxwg Nyoog. 28 Tus uas txeev ua tub sab kuj tsis txhob ua ntxiv lawm, cia nws siv nws txhais tes ua tej haujlwm zoo, mas zoo dua, kom thiaj li muaj faib rau cov uas cheem tsum. 29 Tsis txhob cia tej lus phem tawm hauv nej lub qhov ncauj los, tsuas yog hais lo lus zoo uas tsim tsa lub neej raws li uas cheem tsum xwv thiaj li muaj nuj nqes rau cov uas tau hnov.

30 Thiab tsis txhob ua rau Abba (יחוח)Yahweh tus Ntsuj Plig Dawbhuv tu siab, vim Tus Ntsuj Plig Dawbhuv yog lub cim nias cia rau nej rau hnub uas txhiv nej dim.

31 Cia li muab txhua yam kev cib nyeej, kev chim, kev npau taws, kev sib cav sib ceg, kev xyav luag moo thiab txhua yam kev phem tso tseg. 32 Cia li muaj lub siab khuvleej, siab tab ncuab, siab zam txim ib leeg rau ib leeg ib yam li Abba (יחוח)Yahweh zam txim rau nej hauv (יהושע)Yahshua Messiah.

​