Nyob Hauv Qhov Kaj

1 Vim li no nej cia li yoog li Abba (יחוח)Yahweh, vim nej yog cov menyuam uas nws hlub. 2 Cia li ua lub neej sib hlub ib yam li (יהושע)Yahshua Messiah hlub peb thiab pub nws tus kheej, this peb ua yam uas muab pub thiab muab xyeem tsw qab rau Abba (יחוח)Yahweh.

3 Kev ua nkauj ua nraug, ua kev phem kev qias, thiab qhov uas xav yuav luag tug, nej tsis txhob hais txog tej no rau hauv nej cov li, thiaj li tsim nyog yog Abba (יחוח)Yahweh cov neeg dawb huv. 4 Tsis txhob hais lus dev thiab hais lus ua dog ua dig, thiab hais lus tsis muaj qabhau, yog tej uas tsis tsim nyog hais, cia li ua Abba (יחוח)Yahweh tsaug zoo dua.

5 Cia li paub tseeb tias, txhua tus uas ua nkauj ua nraug, lossis ua kev phem kev qias, lossis xav yuav luag tug uas zoo li pe dab pe mlom, yuav tsis muaj qub txeeg qub teg rau hauv (יהושע)Yahshua Messiah thiab Abba (יחוח)Yahweh lub tebchaws kiag li.

6 Tsis txhob cia leejtwg hais tej lus tsis muaj qabhau dag ntxias nej, rau qhov twb yog vim tej uas hais tag no, Abba (יחוח)Yahweh txojkev npau taws thiaj tshwm los raug cov uas tsis mloog lus. 7 Vim li no, tsis txhob koom nrog lawv kiag li, 

8 vim yav tag los nej yog txojkev tsaus ntuj, tiamsis nimno nej yog qhov kaj hauv Abba (יחוח)Yahweh. Cia li ua lub neej uas yog qhov kaj cov menyuam, 

9 rau qhov txhua yam kev ua zoo, thiab kev ncaj ncees, thiab kev tseeb, yog tshwm ntawm qhov kaj los. 10 Thiab cia li tshawb nrhiav saib yam twg haum Abba (יחוח)Yahweh lub siab.

11 Tsis txhob muaj feem ua txojkev tsaus ntuj tes haujlwm uas tsis muaj qabhau, tiamsis cia li nthuav tej haujlwm ntawd tshwm los zoo dua. 12 Vim tias txawm yog yuav hais txog tej uas lawv ua nkaum nkoos ntawd, los kuj txaj muag.

13 Tiamsis txhua yam uas raug qhov kaj muab nthuav tshwm los, kuj pom tseeb lawm 14 rau qhov txhua yam uas nthuav tshwm los pom, kuj yog qhov kaj. Vim li no, thiaj muaj lus hais tias, cov uas tsaug zog, cia li tsim dheev, thiab cia li sawv tsees hauv qhov tuag los, mas (יהושע)Yahshua Messiah yuav ci rau nej.

15 Vim li no, nej ceev faj tib zoo ua nej lub neej, tsis txhob ua zoo li cov uas tsis muaj tswvyim, yuav tsum ua zoo li cov uas muaj tswvyim. 16 Yuav tsum siv lub sijhawm kom muaj nuj nqes, rau qhov tiam no phem kawg.

17 Vim li no, tsis txhob ua neeg ruam, yuav tsum nkag siab tias abtsi yog Abba (יחוח)Yahweh lub siab nyiam.

18 Tsis txhob haus cawv txiv hmab kom qaug uas yuav ua rau nej puas. Tiamsis cia li puv npo Tus Ntsuj Plig Dawbhuv, 19 muab Daviv tej nkauj, thiab tej nkauj qhuas, thiab tej nkauj sab ntsuj plig, los qhia ib leeg rau ib leeg. Cia li hu nkauj thiab xyiv fab hauv lub siab qhuas Abba (יחוח)Yahweh. 20 Cia li tuav peb tus Cawmseej (יהושע)Yahshua Messiah lub npe, ua Abba (יחוח)Yahweh tsaug rau txhua yam tsis tu ncua.

​

Pojniam Thiab Tus Txiv

21 Nej ib leeg yuav tsum txo hwjchim rau ib leeg, vim yog hwm (יהושע)Yahshua Messiah. 22 Cov pojniam, cia li nyob hauv nej tus txiv qab kev tswjhwm ib yam li nyob hauv qab tus Cawmseej (יהושע)Yahshua.

23 Rau qhov tus txiv yog tus pojniam lub tau-bhau, ib yam li (יהושע)Yahshua Messiah yog pawg ntseeg lub taubhau, pawg ntseeg yog (יהושע)Yahshua Messiah lub cev thiab (יהושע)Yahshua Messiah yog pawg ntseeg tus Cawmseej.

24 Pawg ntseeg nyob hauv (יהושע)Yahshua Messiah qab kev tswjhwm li cas, cov pojniam yuav tsum nyob hauv tus txiv qab kev tswjhwm txhua yam li ntawd.

25 Cov txiv, cia li hlub nej cov pojniam ib yam li (יהושע)Yahshua Messiah hlub pawg ntseeg thiab muab nws tus kheej this pawg ntseeg, 26 kom thiaj cais tau pawg ntseeg dawb huv, vim muab dej thiab nws txojlus ntxuav,

27 (יהושע)Yahshua Messiah thiaj tau pawg ntseeg uas muaj koob meej ci ntsa iab, tsis ceb, tsis txoom, tsis dub, tsis phem ib qho, tiamsis dawb huv tsis muaj chaw thuam li.

28 Ib yam li ntawd, cov txiv yuav tsum hlub tus pojniam ib yam li nws hlub nws lub cev. Tus uas hlub nws tus pojniam, kuj yog nws hlub nws tus kheej.

29 Rau qhov tsis muaj leejtwg yuav ntxub nws lub cev, tsuas muaj uas yug thiab tu kom zoo xwb, ib yam li (יהושע)Yahshua Messiah tu pawg ntseeg, 30 rau qhov peb puavleej koom (יהושע)Yahshua lub cev. 31 Vim li no, tus txivneej thiaj ncaim ntawm nws niam nws txiv thiab nrog nws tus pojniam tsheej xeeb ua ke, mas ob tug yuav koom ua ib lub cev. (Chivkeeb 2:24)

32 Qhov no lub ntsiab muab npog cia tob tob. Kuv nkag siab tias, yog hais txog (יהושע)Yahshua Messiah thiab pawg ntseeg.

33 Txawm li cas kuj xij, nej cov nyias yuav tsum hlub nyias tus pojniam ib yam li nej hlub nej lub cev, thiab cov pojniam los yuav tsum hwm nws tus txiv.

​