Menyuam Thiab Niam Txiv

1 Cov menyuam, nej cia li mloog niam txiv lus rau hauv Abba (יחוח)Yahweh, vim qhov no raug cai lawm. 2 Koj yuav tsum hwm koj niam koj txiv. No yog thawj nqe kevcai uas muaj tej lus cog tseg hais tias, 3 koj thiaj li noj qab nyob zoo thiab muaj txojsia nyob ntev rau hauv lub ntiajteb. (Kevchai 5:16)

4 Nej cov uas ua txiv, tsis txhob zes ua rau nej tej menyuam npau taws, tiamsis yuav tsum tu lawv rau hauv Abba (יחוח)Yahweh tej lus qhuab qhia thiab nws tej lus ntuas.

Tub Qhe Thiab Lospav

5 Nej cov uas yog tub qhe, cia li muab siab rau mloog nej tus lospav hauv ntiajteb no lus ntshai ua tshee hnyo ib yam li mloog (יהושע)Yahshua Messiah lus, 6 tsis yog ua zoo rau thaum tus lospav pom xwb, yam li cov uas ua rau neeg txaus siab, tiamsis ua ib yam li nej yog (יהושע)Yahshua Messiah cov qhev, thiab ua tuaj nruab siab raws li Abba (יחוח)Yahweh lub siab nyiam. 7 Nej cia li zoo siab ua nej tes haujlwm zoo yam li nej ua koom tu Abba (יחוח)Yahweh, tsis yog tu tibneeg. 8 Vim nej yeej paub tias leejtwg ua qhov zoo li cas, cia lawm kuj yuav saws yam ntawd ntawm Abba  (יחוח)Yahweh, tsis hais tus uas ua qhev lossis tus tsis ua qhev. 9 Nej cov uas yog lospav, cia li ua ib yam li ntawd rau nej cov qhev. Tsis txhob hem lawv, rau qhov nej yeej paub tias Abba (יחוח)Yahweh, uas yog nej thiab yog lawv Leej Txiv, uas nyob hauv lub nroog Yeluxalees, nws tsis saib leejtwg ntsej muag li.

​

Abba (יחוח)Yahweh Tej Cuab Yeej

10 Thaum kawg no, cia li muaj zog rau hauv Abba (יחוח)Yahweh thiab rau hauv nws lub hwjchim uas muaj zog. 11 Cia li muab Abba (יחוח)Yahweh cev cuab yeej huvsi los hnav thiaj li tawm tsam yeej Ntxwg Nyoog tej tswvyim phem. 12 Rau qhov peb tsis yog tawm tsam nqaij thiab ntshav, tiamsis tawm tsam tej timtswv, thiab tej hwjchim, thiab tej uas kav lub qab ntuj tiam tsaus ntuj no, thiab tawm tsam tej dab phem saum nruab ntug huvsi.

13 Vim li no, cia li muab Abba (יחוח)Yahweh cev cuab yeej huvsi los hnav, kom nej thiaj tiv yeej rau hnub uas phem, mas thaum ua txhua yam tag lawd, nej tseem yuav nyob ruaj khov tau. 14 Vim li no, nej cia li nyob ruaj khov es muab txojkev tseeb los sia ntawm duav, thiab muab txojkev ncaj ncees los ua daim hlau hnav thaiv hauv siab, 15 thiab muab qhov uas npaj txhij qhia txoj hmoo zoo hais txog kev kaj siab lug, los ua khau rau. 16 Tsis tag li ntawd, cia li muab txojkev ntseeg ua daim hlau thaiv, uas nej siv tua tau tus uas Phem rab hmuv hluavtaws. 17 Cia li muab txojkev dim ua lub mom hlau los ntoo, thiab tuav rawv Tus Ntsuj Plig Dawbhuv rab ntaj uas yog Abba (יחוח)Yahweh txojlus. 18 Cia li thov Abba (יחוח)Yahweh rau hauv Tus Ntsuj Plig Dawbhuv txhua lub sijhawm, yuav tsum siv zog taij thov txhua yam. Vim li no, cia li ceev faj zov tos thiab taij thov pab cov neeg dawb huv txhua tus tsis tu ncua li, 19 thiab thov pab kuv xwv thaum kuv qheb qhov ncauj hais lus, Abba (יחוח)Yahweh thiaj li pub los rau kuv muaj siab tuab qhia txoj hmoo zoo uas Abba (יחוח)Yahweh muab npog cia tob tob lawd tshwm los.  20 Vim txoj hmoo zoo no, kuv raug saw hlau khi, los kuv tseem ua (יהושע)Yahshua Messiah tus tub sawv cev. Thiab cia li thov Abba (יחוח)Yahweh pab kom kuv muaj siab tuab hais raws li uas tsim nyog hais.

​

Xaus Lus Thaum Kawg

21 Thikhikas, uas yog tus kwv uas kuv hlub thiab muaj siab xib ua koom tu Abba (יחוח)Yahweh, nws yuav hais txhua yam rau nej paub, nej thiaj paub tias kuv nyob li cas thiab ua abtsi. 22 Qhov uas kuv txib nws tuaj cuag nej, twb yog xav kom nej paub tias peb nyob li cas thiab xwv nws thiaj txhawb tau nej lub siab.

23 Thov kom cov kwvtij tau txojkev ywjpheej, thiab kev hlub, thiab kev ntseeg ntawm Abba (יחוח)Yahweh, thiab ntawm tus Cawmseej (יהושע)Yahshua Messiah.

24 Thov Abba (יחוח)Yahweh txojkev hlub nrog nraim txhua tus uas hlub peb tus Cawmseej (יהושע)Yahshua Messiah, yog cov uas hlub nws tsis tu mus li.

​