1 Kuv yog Sha-ul, kuv thiab Timothy uas yog (יהושע)Yahshua Messiah tus tub qhe sau tsab ntawv no xa tuaj rau cov neeg dawb huv hauv (יהושע)Yahshua Messiah txhua tus uas nyob hauv lub moos Philippians, thiab rau cov saib xyuas cov ntseeg thiab cov uas pab ua haujlwm. 2 Thov txojkev hlub thiab txojkev ywjpheej ntawm Abba (יחוח)Yahweh uas yog peb Leej Txiv thiab ntawm tus Caw-mseej (יהושע)Yahshua Messiah nrog nraim nej nyob.

​

Sha-ul Thov Pab Pawg Ntseeg Philippians

3 Kuv ua Abba (יחוח)Yahweh tsaug rau txhua zaus uas kuv nco txog nej.  

4 Txhua zaus uas thov Abba (יחוח)Yahweh pab nej sawvdaws, kuv yeej zoo siab kawg li, 5 vim nej nrog kuv koom tes hauv txoj hmoo zoo txij thawj hnub los txog nimno.

6 Kuv tso siab li no tias, Abba (יחוח)Yahweh uas pib ua tes haujlwm zoo rau hauv nej lawd, yuav ua kom tiav rau (יהושע)Yahshua Messiah hnub. 7 Qhov uas kuv xav li no, kuj raug lawm, vim nej nyob rawv hauv kuv lub siab thiab nej txhua tus nrog kuv koom Abba (יחוח)Yahweh txojkev hlub, tsis hais thaum kuv raug kaw, thiab thaum kuv hwj xwm txoj hmoo zoo, thiab qhia kom pom tias txoj hmoo zoo muaj tseeb.  8 Vim tias Abba (יחוח)Yahweh ua tau timkhawv tias, kuv lub siab nco txog nej txhua tus ib yam li (יהושע)Yahshua Messiah lub siab khuvleej. 9 Kuv thov Abba (יחוח)Yahweh li no tias, thov kom nej txojkev sib hlub loj zuj zus tuaj, thiab muaj kev paub, muaj kev nkag siab txhua yam, 

10 xwv nej thiaj xam pom tias yam twg tsim txiaj kawg nkaus, thiab nej thiaj ua tau neeg dawb huv tsis muaj chaw thuam rau (יהושע)Yahshua Messiah hnub, 

11 thiab nej thiaj puv npo tej haujlwm uas los ntawm txojkev ncaj ncees uas tshwm hauv (יהושע)Yahshua Messiah los, kom thiaj pub koob meej rau Abba (יחוח)Yahweh thiab qhuas nws.

​

Sha-ul Txojsia Muaj Nyob Ua Num Rau (יהושע)Yahshua Messiah

12 Cov kwvtij, kuv xav kom nej paub tias tej uas tshwm xwm rau kuv no, twb rov ua rau txoj hmoo zoo yimhuab nthuav dav mus.

13 Yog li ntawd, cov tub rog uas zov Xixas tsev, thiab lwm tus thiaj paub thoob plaws tias qhov uas kuv raug txoj saw hlau khi no, twb yog vim kuv ua (יהושע)Yahshua Messiah tes haujlwm. 14 Thiab vim txoj saw hlau khi no, ua rau cov kwvtij feem coob tso siab rau hauv Abba (יחוח)Yahweh, thiab muaj lub siab tuab heev dua uas yuav qhia Abba (יחוח)Yahweh txojlus tsis ntshai kiag li.

15 Yeej muaj qee leej tshaj tawm txog (יהושע)Yahshua Messiah, vim yog lawv khib thiab nyiam sib cav, tiamsis kuj muaj qee leej tshaj tawm vim yog xav ua zoo. 16 Ib co tshaj tawm ntawm txojkev hlub vim yog lawv paub tias kuv raug tsa cia kom hwj xwm txoj hmoo zoo no. 17 Tiamsis ib co qhia txog (יהושע)Yahshua Messiah, vim lawv sib txeeb, tsis yog muaj lub siab dawb paug ua, tiamsis yog xav tsim txom kuv rau thaum kuv raug kaw. 18 Tiamsis tsis ua li cas. Tsis hais yuav lam qhia lossis muaj siab dawb paug qhia, (יהושע)Yahshua Messiah kuj raug muab tshaj tawm. Qhov no ua rau kuv zoo siab. Thiab kuv yeej yuav zoo siab ntxiv mus, 19 vim kuv paub tias qhov uas nej thov thiab qhov uas (יהושע)Yahshua Messiah tus Ntsuj Plig pab, yuav ua rau kuv dim qhov uas raug kaw. 20 Vim tias kuv lub siab xav thiab vam tias kuv yuav tsis raug txaj muag kiag li, tiamsis yuav muaj lub siab tuab kawg nkaus, xwv (יהושע)Yahshua Messiah thiaj yuav tau koob meej ntawm kuv lub cev nimno ib yam li ib txwm tau, tsis hais kuv tseem ciaj lossis tuag. 21 Rau qhov kuv muaj txojsia nyob los nyob rau (יהושע)Yahshua Messiah, kuv tuag los kuj tau tshaj thawj. 22 Yog kuv tseem yuav muaj txojsia nyob hauv lub cev no los, kuv yuav ua haujlwm kom tawg paj txi txiv. Tiam-sis kuv tsis paub yuav xaiv qhov twg.

23 Kuv nyuaj siab rau ob qhov no. Kuv xav ncaim mus thiab nrog (יהושע)Yahshua Messiah nyob, yog qhov uas zoo heev dua.

24 Tiamsis qhov uas tseem nyob hauv lub cev no, kuj yog qhov cheem tsum heev dua rau nej. 25 Kuv ruaj siab txog qhov no, mas kuv paub tias kuv tseem yuav muaj txojsia nyob, thiab yuav nrog nej txhua tus nyob pab kom nej loj hlob thiab muaj lub siab xyiv fab hauv txojkev ntseeg, 26 kom nej thiaj li muaj lus qhuas txog kuv heev zuj zus rau hauv (יהושע)Yahshua Messiah, vim kuv yuav tuaj txog nej dua ib zaug thiab. 27 Thov kom nej ua lub neej phim (יהושע)Yahshua txoj hmoo zoo xwb. Txawm yog kuv yuav tuaj saib nej thiab tsis tuaj los, kuv yuav tau hnov xov tias nej koom ua ib lub siab nyob ruaj, thiab thooj xeeb haum hauv ua haujlwm pab txojkev ntseeg uas los ntawm txoj hmoo zoo, 28 thiab nej tsis ntshai cov uas tawm tsam nej kiag li. Tej no yog ua timkhawv uas qhia rau lawv paub tias, lawv yuav puam tsuaj, tiamsis qhia tias nej yuav tau txojkev dim uas los ntawm Abba (יחוח)Yahweh los. 29 Rau qhov vim yog saib rau (יהושע)Yahshua Messiah, thiaj muab pub rau nej kom nej tsis yog ntseeg nws xwb, tiamsis tseem raug kev txom nyem vim yog saib rau nws, 30 vim nej kuj muaj tib txojkev tawm tsam ib yam li nej txeev pom kuv muaj thiab hnov tias nimno kuv tseem tabtom muaj.