Kev Ntseeg

1 Kev ntseeg yog qhov uas peb paub tseeb hais tias, peb yuav tau tej uas peb cia siab rau thiab yog qhov uas peb cia siab ntsoov rau tej uas peb qhov muag tsis pom. 2 Twb yog vim cov tibneeg txheej thaum ub ntseeg, lawv thiaj ua tau haum Abba  (יחוח)Yahweh  siab.

3 Twb yog vim peb ntseeg peb thiaj totaub hais tias thaum Abba (יחוח)Yahweh  tsim ntuj tsim teb, Abba (יחוח)Yahweh  hais kom muaj, txawm cia li muaj tiag. Yog li ntawd, tej uas peb qhov muag pom, yeej los ntawm tej uas peb qhov muag tsis pom los.

4 Twb yog vim Anpees ntseeg, nws thiaj muab tej uas zoo dua Kay-ees li xyeem rau Abba  (יחוח)Yahweh .

Vim Anpees ntseeg, Abba (יחוח)Yahweh  thiaj suav hais tias Anpees yog tus ncaj ncees, rau qhov tej uas Anpees muab xyeem rau Abba (יחוח)Yahweh  ntawd, haum Abba (יחוח)Yahweh  siab. Txawm yog Anpees twb tuag lawm los, nimno nws kev ntseeg tseem niaj hnub qhia peb.

5 Twb yog vim Enauj ntseeg, Enauj thiaj tsis tuag. Abba (יחוח)Yahweh  coj nws mus thiaj tsis muaj leejtwg nrhiav tau nws, rau qhov Abba (יחוח)Yahweh  twb coj nws mus lawm. Abba (יחוח)Yahweh  txojlus hais tias, thaum Abba (יחוח)Yahweh  tseem tsis tau coj Enauj mus, Enauj yeej ua haum Abba (יחוח)Yahweh  siab.

6 Tus uas tsis ntseeg, yeej ua tsis tau haum Abba (יחוח)Yahweh  siab, rau qhov tus uas xav los cuag Abba (יחוח)Yahweh , tus ntawd, yuav tsum ntseeg hais tias yeej muaj Abba (יחוח)Yahweh  tiag, thiab Abba (יחוח)Yahweh  yuav muab nqi zog rau tus uas los cuag Abba (יחוח)Yahweh . 7 Twb yog vim Nau-es ntseeg, Nau-es thiaj mloog Abba  (יחוח)Yahweh  lus. Abba (יחוח)Yahweh  qhia rau

Nau-es txog tej xwm txheej uas yav tom ntej yuav muaj los uas Nau-es qhov muag tsis pom. Nau-es thiaj txua ib lub nkoj txwg, Nau-es thiab nws tsev neeg thiaj dim kev ploj kev tuag.

Abba (יחוח)Yahweh  ua li ntawd, twb yog nws rau txim rau lub ntiajteb qhov uas tsis ntseeg Vim Nau-es ntseeg, Abba (יחוח)Yahweh  thiaj suav hais tias Nau-es yog tus uas ncaj ncees.

8 Vim Abraham ntseeg, thaum nws raug hu kom tawm mus rau lub chaw uas yuav tau ua nws qub txeeg qub teg, nws kuj mloog lus thiab taug kev mus tsis paub tias yuav mus rau qhov twg li. 9 Vim nws ntseeg, nws thiaj ua qhua nyob hauv lub tebchaws uas Abba (יחוח)Yahweh  cog lus. Nws nyob hauv lub tsev ntaub ib yam li Isaac thiab Yaaqob uas nrog nws saws qub txeeg qub teg raws li tib lo lus cog tseg ntawd.

10 Nws tos rawv lub nroog uas tsim tsa rau saum tej taw tiag uas Abba (יחוח)Yahweh  tsim thiab Abba (יחוח)Yahweh  ua. 11 Vim Abraham ntseeg, txawm yog nws laus heev lawm thiab Xalas kuj xeeb tsis taus menyuam, los nws tau hwjchim uas yuav muaj tub, vim nws suav tias Abba (יחוח)Yahweh  uas cog lus tseg lawm, yog tus uas tso siab tau. 12 Yog li no, tus txivneej uas zoo li twb tuag lawm, kuj muaj caj ces yug los coob yam li tej hnub qub saum nruab ntug, thiab yam li tej xuab zeb uas suav tsis txheeb ntawm ntug hiavtxwv. 13 Cov tibneeg no huvsi tuag tag rau thaum tseem muaj txojkev ntseeg, thiab tsis tau txais tej uas cog lus cia, tiamsis lawv kuj pom tej ntawd deb deb, thiab zoo siab tos txais. Lawv lees hais tias, lawv tsis muaj teb, tsis muaj chaw, nyob hauv ntiajteb no, lawv tuaj ua qhua xwb. 14 Vim tias cov tibneeg uas hais li no, kuj ua kom pom tias lawv tabtom nrhiav lub tebchaws uas yog lawv teej lawv tug.

15 Yog lawv xav txog lub tebchaws uas lawv tawm tuaj lawd, lawv kuj yuav muaj sijhawm rov qab mus tau. 16 Tiamsis lawv yeej xav tau lub tebchaws uas zoo dua ntawd, yog lub tebchaws uas nyob hauv Lub Nroog Yeluxalees. Vim li no, Abba (יחוח)Yahweh  thiaj tsis txaj muag uas raug hu tias yog lawv Tus Tswv rau qhov nws twb npaj ib lub nroog cia rau lawv lawm. 17 Vim Abraham ntseeg, thaum nws raug sim siab, nws kuj muab Isaac xyeem thiab nws yog tus uas tau txais tej lus cog tseg, los nws kuj npaj txhij yuav muab nws tib tug tub xyeem.

18 Yog tus tub uas muaj lus hais tias, koj caj ces yuav yog tshwm ntawm Isaac mus. 19 Abraham ntseeg tias Abba (יחוח)Yahweh  tsa tau cov tibneeg tuag ciaj sawv rov los. Piv ib yam li, Abraham kuj tau nws tus tub rov qab los ntag.

20 Vim Isaac ntseeg, nws thiaj foom koob hmoov rau Yaaqob thiab Exaus txog tej xwm txheej uas yuav tshwm los. 21 Vim Yaaqob ntseeg, thaum nws yuav tuag nws thiaj foom koob hmoov rau Yahseph ob tug tub, thiab nws nyo hau rau saum nws tus hau pas nrig pe hawm Abba (יחוח)Yahweh . 22 Vim Yahseph ntseeg, thaum yuav tag nws sim neej, nws thiaj hais txog qhov uas cov Ixayees yuav khiav dim thiab hais tseg txog nws cov pob txha. 23 Vim Mauxes niam thiab txiv ntseeg, thaum yug nws los, nkawv thiaj muab nws zais tau peb lub hlis, vim pom tias nws zoo nraug heev thiab nkawv tsis ntshai vajntxwv tej lus kiag li. 24 Vim Mauxes ntseeg, thaum nws hlob lawd, nws thiaj tsis yeem kom hu hais tias nws yog Falaus tus ntxhais tus tub.

25 Tiamsis nws xaiv qhov uas nrog Abba (יחוח)Yahweh  cov tib neeg raug txom nyem zoo dua li qhov uas nyob ua lomzem ib vuag dua hauv txojkev txhaum.

26 Nws suav tias qhov uas raug thuam, vim saib rau (יהושע)Yahshua Messiah muaj nqes dua tej cuab txhiaj cuab tam hauv Iziv tebchaws, vim nws xam pom tej nqe zog uas nws tseem yuav tau. 27 Vim nws ntseeg, nws thiaj tawm hauv Iziv tebchaws tsis ntshai qhov uas vajntxwv npau taws. Nws ua siab ntev thev cuag li nws pom tus uas tibneeg qhov muag tsis pom. 28 Vim nws ntseeg, nws thiaj ua kevcai Hla Dhau thiab muab cov ntshav nchos, kom tus uas ua kom puam tsuaj thiaj tsis kov Ixayees tej tub hlob. 29 Vim cov Ixayees ntseeg, lawv thiaj hla tau Dej Hiav-txwv Liab ib yam li mus saum nruab nqhuab. Tiamsis thaum cov Iziv sim hla mus, lawv kuj raug dej nphau los nyab tuag tag. 30 Vim muaj txojkev ntseeg, tej ntsa loog Yelikhaus thiaj pob tag rau thaum cov Ixayees ncig mus puv xya hnub. 31 Vim tus poj muag cev Lahaj ntseeg, nws thiaj tsis nrog cov uas tsis mloog lus raug puam tsuaj, vim nws tos txais ob tug uas tshuaj tebchaws zoo heev. 32 Kuv yuav hais abtsi ntxiv mus?

Rau qhov tsis muaj sijhawm txaus uas yuav hais txog Khede‑oos, Npalaj, Xaxoos, Yethas, Daviv thiab Xamuyees thiab cov xibhwb cev Abba (יחוח)Yahweh  lus. 33 Vim lawv ntseeg, lawv thiaj kov yeej tebchaws, txiav txim ncaj ncees tau txais tej uas Abba (יחוח)Yahweh  cog lus tseg, kaw tsov ntxhuav qhov ncauj,  34 tua tau tej hluavtaws uas kub heev, dim hniav ntaj hniav riam, cov uas tsaug leeg rov ua cov uas muaj zog, muaj zog ua rog thiab ntaus lwm lub tebchaws tej tub rog thim rov qab. 35 Cov pojniam kuj tau lawv tej tibneeg uas tuag lawd sawv rov los. Qee leej raug kev tsim txom thiab tsis yeem cia tso kom dim, kom lawv thiaj tau ciaj sawv los tau txojsia uas zoo dua. 36 Qee leej raug thuam luag, thiab raug nplawm, thiab raug saw hlau khi kaw hauv tsev lojfaj.

37 Lawv raug xuas pob zeb ntaus, lawv raug muab kaw txiav ua ob ya, lawv raug tuag hniav ntaj, lawv hnav tawv yaj, tawv tshis mus rau tom ub tom no, lawv tsis muaj ib yam abtsi, raug txom nyem kawg, raug ua nruj ua tsiv. 38 Lub ntiajteb no tsis phim rau lawv nyob. Lawv mus mus los los hauv tebchaws moj sab qhua thiab saum tej roob, thiab nyob hauv tej qhov tsua thiab qhov av. 39 Txawm yog muaj timkhawv zoo rau cov tibneeg no txhua tus txojkev ntseeg, los lawv tseem tsis tau txais tej uas cog lus cia. 40 Vim Abba (יחוח)Yahweh  twb npaj tej uas zoo dua ntawd cia rau peb, kom lawv tsuas yog nrog peb ua ke xwb thiaj ua tau tibneeg zoo kawg nkaus.

​