Abba (יחוח)Yahweh  Nplawm Qhuab Qhia

1 Yog li ntawd, vim peb muaj timkh-awv coob nyob puag ncig peb, yam li tauv huab laum nkaus peb li no lawm, kuj cia peb muab txhua yam nra hnyav thiab lub txim uas yoojyim khi tau peb tso tseg, thiab peb cia li ua siab ntev thev sib tw khiav hauv txojkev uas nyob tom peb hauv ntej.  2 Peb cia li ntsia ntsoov (יהושע)Yahshua uas yog peb lub hauv paus kev ntseeg, thiab yog tus uas ua kom txojkev ntseeg tiav.  Nws tiv thev tus ntoo ntsia tes kom thiaj tau txojkev zoo siab uas nyob tom nws hauv ntej. Nws tsis quav ntsej qhov uas raug txaj muag, thiab nws twb zaum ntawm Abba (יחוח)Yahweh  lub zwm txwv sab xis lawm.  3 Nej cia li xav txog tus uas thev cov tibneeg muaj txim kev tawm tsam li no, xwv nej thiaj tsis ntog thiab tsis poob siab.  4 Qhov uas tawm tsam lub txim, nej tsis tau tawm tsam txog los ntshav.  5 Thiab nej tsis nco tej lus uas nws ntuas nej ib yam li nej yog nws cov tub, hais tias, kuv tub es, tsis txhob saib tsis taus Abba (יחוח)Yahweh  tej lus qhuab qhia, thiab tsis txhob poob siab rau thaum nws ntuas koj. (Pajlug 3:11-12)

6 Rau qhov Abba (יחוח)Yahweh  qhuab ntuas tus uas nws hlub, thiab nws nplawm txhua tus tub uas nws txais yuav.

7 Nej cia li thev tej uas nej raug vim yog kev qhuab qhia. Abba (יחוח)Yahweh  ua rau nej ib yam nej yog nws cov tub. Muaj tus tub twg uas Leej Txiv tsis qhuab qhia? 8 Yog nej tsis raug qhuab qhia yam li txhua tus raug, nej kuj yog menyuam tsaub tsis yog nws cov tub. 9 Tsis tag li ntawd, peb muaj Leej Txiv ntawm lub cev nqaij tawv uas qhuab qhia peb, thiab peb hwm lawv. Peb yimhuab tsim nyog nyob hauv Leej Txiv sab ntsuj plig qab kev tswjhwm, thiaj muaj txojsia nyob los tsis yog? 10 Peb Leej Txiv qhuab qhia peb ib nyuag ntu raws li lawv pom zoo, tiamsis Abba (יחוח)Yahweh  qhuab qhia kom muaj nuj nqis rau peb, kom peb thiaj koom tau nws txojkev dawb huv. 11 Txhua yam kev nplawm qhuab qhia saib mas tsis yog qhov zoo siab, tiamsis yog qhov nyuaj siab rau lub sijhawm ntawd. Tiamsis muaj txiaj ntsig rau yav tom qab, yog ua rau cov uas xyaum raws li tau nyob kaj siab lug thiab tau txojkev ncaj ncees. 12 Yog li no, cia li txhawb nej txhais tes uas tsis muaj zog thiab lub hauv caug uas tsaug leeg, 13 thiab kho txojkev kom ncaj rau nej txhais kotaw, kom tus uas ceg tawv thiaj tsis qes ceg tiamsis yuav zoo kiag.

​

Tsis Txhob Tso Abba (יחוח)Yahweh  Kev Hlub Tseg

14 Cia li siv zog nrog txhua tus nyob sib haum xeeb thiab nrhiav kev dawb huv. Yog tsis muaj kev dawb huv lawm, yuav tsis muaj leejtwg pom tau Abba (יחוח)Yahweh  li.

15 Cia li ceev faj zoo tsis txhob cia leejtwg plam Abba (יחוח)Yahweh  txojkev hlub, thiab tsis txhob muaj tus cag iab tawm tuaj tsim kev ceeblaj thiab ua rau ntau leej qias tsis huv.

16 Tsis txhob cia leejtwg ua nkauj ua nraug lossis tsis hwm Abba (יחוח)Yahweh  li Exaus uas muab feem uas ua tij (tijlaug, tus hlob) muag pauv tib pluag mov noj xwb. 17 Nej yeej paub tias, los rau yav tom qab thaum Exaus xav tau nws txiv tej koob hmoov los ua qub txeeg qub teg, los tsis tau lawm. Rau qhov nws hloov tsis tau tej uas nws tau ua los lawm. Txawm yog nws nrhiav quaj ua kua muag ntws si laim los yeej tsis tau li lawm. 18 Rau qhov nej tsis tau mus txog lub roob Xinais uas ib tsoom tibneeg Ixayees mus txog. Lawv pom tsaus huab nti, muaj hluavtaws cig liabploog, thiab cua daj cua dub nrov nroo ntws. 19 Suab raj kub yaj nrov qog qees thiab muaj ib lub suab hais lus nrov ntxhe ntws. Thaum lawv hnov lub suab ntawd, lawv thov heev kom tsis txhob hais ntxiv rau lawv lawm.

20 Vim lawv thev tsis tau tej lus nkaw uas hais tias, txawm yog tsiaj txhu tuaj chwv lub roob no, kuj yuav raug xuas pob zeb ntaus kom tuag. (Khiavdim 19:13) 21 Tej uas pom ntawd mas txaus ntshai kawg, Mauxes thiaj hais tias, kuv ntshai ua ib ce tshee hnyo. (Kevcai 9:19)

22 Tiamsis nej kuj los txog lub roob Xi‑oos thiab los txog Abba (יחוח)Yahweh  uas muaj txojsia nyob lub nroog, uas yog Lub Nroog Yeluxalees nyob saum ntuj, uas muaj cov tubtxib saum ntuj txog txhiab leej tuaj txoos ua ke zoo siab xyiv fab nyob. 23 Nej kuv los txog cov ntseeg lawv cov tub hlob uas tuaj txoos ua ke uas yog cov muaj npe sau cia rau hauv Lub Nroog Yeluxalees lawm, thiab los txog Abba (יחוח)Yahweh  uas txiav txim rau txhua tus, thiab los txog cov tibneeg ncaj ncees tej ntsuj plig uas raug muab ua zoo kawg nkaus lawm. 24 Thiab los txog (יהושע)Yahshua, uas ua tus nyob nruab nrab hauv tej lus cog tseg tshiab, thiab los txog cov ntshav uas muab nchos, yog cov ntshav uas hais txog tej yam zoo dua Anpees cov ntshav hais. 25 Cia li ceev faj zoo tsis txhob tso tus uas hais ntawd tseg. Rau qhov yog lawv cov ntawd tsis dim vim lawv tsis lees yuav tus uas ntuas lawv hauv lub ntiajteb no, mas yog peb fee plhu ntawm tus uas ntuas saum ntuj tuaj, peb yimhuab yuav tsis dim. 26 Abba (יחוח)Yahweh  lub suab uas hais thaum ntawd, ua rau lub ntiajteb ntseeg nkaws, tiamsis nimno nws cog lus tseg tias, tshuav dua ib zaug kuv tsis yog yuav co lub ntiajteb xwb, tiamsis lub ntuj thiab.  

27 Lo lus uas hais tias tshuav dua ib zaug ntawd, kuj yog qhia hais tias yam uas ntseeg nkaws ntawd, yog tej uas tsim los lawd, yuav raug muab rho coj mus kom yam uas tsis txawj ntseeg nkaws, thiaj li nyob mus li.

28 Yog li ntawd, vim peb tau lub tebchaws uas tsis ua zog lawm, kuj cia peb ua Abba (יחוח)Yahweh  tsaug, thiab cia peb pe hawm Abba (יחוח)Yahweh  ua kom haum nws lub siab, thiab paub hwm thiab paub ntshai nws,  29 vim peb tus (יחוח)Yahweh  yog nplaim taws kub ceev.

​