Lub Neej Uas Haum Abba (יחוח)Yahweh  Siab

1 Cia li sib hlub yam li kwvtij mus li. 2 Tsis txhob tseg qhov uas txais tej qhua txawv ntsej muag, qhov uas ua li no, qee leej thiaj txais tubtxib saum ntuj los twb tsis paub. 3 Cia li nco ntsoov cov uas raug kaw ib yam li yog nej nrog lawv raug kaw thiab.

Thiab nco ntsoov cov uas raug ua nruj ua tsiv ib yam li yog nej lub cev raug thiab. 4 Nej txhua tus yuav tsum saib taus qhov uas sib yuav, thiab tsis txhob ua qias puas tsuas nej lub cev txij nkawm, rau qhov Abba (יחוח)Yahweh  yuav txiav txim rau cov uas ua nkauj ua nraug, thiab deev luag poj luag txiv. 5 Nej tsis txhob xam pom nyiaj txiag xwb, cia li txaus siab rau tej uas nej muaj, vim Abba (יחוח)Yahweh  hais tias, kuv yuav tsis ncaim koj thiab yuav tsis tso koj tseg kiag li. (Yahshua Noos 1:5) 6 Vim li no, peb thiaj tso siab hais tau tias, Abba (יחוח)Yahweh  yog tus pab kuv, kuv tsis ntshai li. Tibneeg yuav ua li cas tau rau kuv? (Ntawv Nkauj 118:6)  7 Cia li nco txog cov uas coj nej, yog cov uas hais Abba (יחוח)Yahweh  txojlus rau nej. Cia li tshuaj saib lawv lub neej thaum kawg thiab yoog raws li lawv txojkev ntseeg. 8(יהושע)Yahshua Messiah zoo ib yam li qub, nag hmo, thiab hnub no, thiab mus ib txhis. 9 Tsis txhob yuam kev raws txhua yam lus qhia txawv txawv. Qhov uas zoo, yuav tsum cia txojkev hlub txhawb yus lub siab, tsis yog qhov uas coj raws li tej kab ke, kev noj, kev haus, uas tsis muaj qabhau rau cov uas ua raws li ntawd. 10 Peb muaj ib lub thaj xyeem, mas cov uas ua haujlwm hauv lub tsev ntaub tsis muaj feem noj yam uas nyob saum lub thaj ntawd. 11 Tej tsiaj uas tus tuam pov thawj hlob coj cov ntshav mus xyeem daws txim rau hauv chav Dawb Huv Kawg Nkaus, tej tsiaj ntawd lub cev muab hlawv rau nraum ntug zos. 12 Vim li no, (יהושע)Yahshua thiaj li raug tsim txom sab nraum lub rooj loog ib yam nkaus, xwv nws cov ntshav thiaj cais tau tibneeg kom dawb huv. 13 Vim li no, peb cia li tawm mus cuag nws sab nraum ntug zos, thiab ris txojkev txaj muag uas nws raug. 14 Vim tias peb tsis muaj lub nroog uas ruaj khov nyob ntawm no, tiamsis peb nrhiav lub nroog uas yuav los.

15 Vim li no, cia peb muab tej lus qhuas ua yam uas xyeem rau Abba (יחוח)Yahweh  mus tsis tu ncua li rau hauv (יהושע)Yahshua, yog xyeem tej lus ntawm lub qhov ncauj uas lees yuav nws lub npe. 16 Tsis txhob tseg qhov uas ua zoo thiab qhov uas muab qhov txhia chaw faib rau luag, vim tej uas muab xyeem li no haum Abba (יחוח)Yahweh  lub siab.

17 Cia li mloog cov uas coj nej lus thiab nyob hauv lawv qab kev tswjhwm, vim lawv yog cov uas zov tu nej tus ntsuj plig, thiab lawv yuav tsum qhia lawv tes haujlwm rau Abba (יחוח)Yahweh. Cia ua rau lawv ua haujlwm xyiv fab hlo tsis yog ua nyuaj siab qas ntsuav uas yuav tsis muaj qabhau rau nej kiag li. 18 Cia li thov Abba (יחוח)Yahweh  pab peb, vim peb tso siab tias peb muaj lub siab dawb paug, xav xyaum zoo rau txhua fab. 19 Kuv thov kom nej siv zog, thov Abba (יחוח)Yahweh  li no, kom kuv thiaj tau rov los nrog nej nyob sai sai no.

​

Tej Lus Foom Koob Hmoov

20 Nimno kuv thov Abba (יחוח)Yahweh  uas pub txojkev ywjpheej thiab tsa peb tus Cawm-seej (יהושע)Yahshua, uas yog Tus Tswv yug yaj loj kawg, ciaj sawv hauv qhov tuag rov los, ntawm cov ntshav uas cog tseg mus ib txhis. 21 Pub kom nej muaj txhua yam zoo txhij zog kom nej thiaj ua raws li Abba (יחוח)Yahweh  lub siab nyiam, thiab thov nws ua tej uas nws pom zoo rau hauv peb, rau hauv (יהושע)Yahshua Messiah. Thov nws tau koob meej ci tsa iab mus ib txhis tsis kawg. Haleluyah! Amen!  22 Cov kwvtij, kuv thov nej ua siab ntev mloog tej lus ntuas no, rau qhov kuv sau tsis ntau pes tsawg rau nej xwb. 23 Kuv xav kom nej paub tias, peb tus kwv Timothy twb raug tso dim lawm. Yog nws tuaj txog sai, kuv yuav nrog nws tuaj saib nej. 24 Kuv thov hais lus nco txog rau nej cov thawj thiab Abba (יחוח)Yahweh  cov tibneeg dawb huv sawv daws. Cov kwvtij uas tuaj ntawm Ithalis teb chaws tuaj, kuj hais lus nco txog nej thiab. 25 Thov Abba (יחוח)Yahweh  txojkev hlub nrog nraim nej txhua tus.