(יחוח)Yahweh Tseem Hlub Cov Ixayees

1 Thaum Ixayees tseem yau kuv hlub nws, kuv hu kuv tus tub tawm hauv Iziv tebchaws los.

2 Kuv yimhuab hu lawv los lawv yimhuab khiav deb ntawm kuv. Lawv tseem muab tsiaj xyeem rau tej dab Npa‑as, thiab hlawv xyab xyeem rau tej dab mlom tsis tu li.

3 Kuv yog tus qhia Efa-is mus kev, thiab kuv muab lawv puag, los lawv tsis paub tias yog kuv kho lawv zoo.

4 Kuv muab txoj hlua khuvleej cab lawv, thiab muab txojkev hlub khi lawv. Kuv ua rau tus quab ntawm lawv caj qwb sib zog, thiab kuv khoov mus pub rau lawv noj.

5 Lawv yuav rov mus rau Iziv tebchaws thiab Axilia yuav ua vajntxwv kav lawv, vim lawv tsis yeem rov los cuag kuv.

6 Hniav ntaj yuav laim pes lias rau hauv lawv tej moos, ua rau lawv tej las rooj lov tag, thiab muab lawv rhuav tshem pov tseg vim yog lawv tej tswvyim phem.

7 Kuv haiv neeg yeej txiav txim siab yuav khiav ntawm kuv mus, lawv thiaj raug muab nruab rau tus quab, tsis muaj leejtwg yuav daws tus quab ntawm lawv.

8 Efa-is es, kuv yuav muab koj tso tseg tau li cas? Ixayees es, kuv yuav muab koj cob rau lwm tus tau li cas? Kuv yuav muab koj ua zoo li lub moos Amas tau li cas?

Kuv yuav ua rau koj ib yam li ua rau lub moos Xenpau‑is tau li cas? Kuv lub siab yeej ceeb nkaus tsis xav ua li ntawd, kuv txojkev khuvleej kub lug tuaj.

9 Kuv yuav tsis rau txim raws li kuv npau taws ceev, kuv yuav tsis ua rau Efa-is puam tsuaj dua li lawm, rau qhov kuv yog (יחוח)Yahweh, kuv tsis yog tibneeg, kuv yog tus Dawb Huv nyob hauv nej, kuv yuav tsis ua npau taws vog tuaj.

10 Lawv yuav raws (יחוח)Yahweh qab, nws yuav nyooj laws li tsov ntxhuav. Thaum nws nyooj ntawd, nws cov tub yuav tawm sab hnub poob los ua tshee hnyo.

11 Lawv yuav tawm tshee hnyo hauv Iziv tebchaws los yam li tej nas noog, thiab tawm hauv Axilias tebchaws los yam li nquab taug. Kuv yuav kom lawv rov mus rau lawv lub tsev. (יחוח)Yahweh hais li no ntag. Cov Ixayees tej kev txhaum, 12 Efa-is hais lus dag thiab Ixayees caj ces dag ntxias puag ncig kuv, thiab Yahdah ywj fab ywj fwj ntawm (יחוח)Yahweh uas yog tus Dawb Huv thiab yeej ua raws li nws cog tseg.