Rau Txim Rau Cov Ixayees

1 Ixayees es, tsis txhob xyiv fab, tsis txhob zoo siab xyiv fab li ib tsoom tibneeg, rau qhov koj mus deev luag es tso ((יחוח)Yahweh, uas yog koj Tus Tswv tseg. Nej sawvdaws nyiam cov niam ntiav tej nqe ntiav tom tej tshav ntaus nplej.

2 Tej tshav ntaus qoob thiab tej qhov tsuam kua txiv hmab yuav tsis txaus yug lawv, thiab tej cawv txiv hmab tshiab yuav tu ncua.

3 Lawv yuav tsis tau nyob hauv (יחוח)Yahweh lub tebchaws mus li. Efa-is yuav rov mus rau Iziv tebchaws, thiab lawv yuav noj tej uas qias tsis huv rau hauv Axilias tebchaws.

4 Lawv yuav tsis hliv cawv txiv hmab xyeem rau (יחוח)Yahweh, Lawv yuav tsis tua tsiaj xyeem ua rau (יחוח)Yahweh txaus siab. Lawv tej mov noj yuav zoo li tej mov pam tuag, leejtwg noj lawm yuav qias tsis huv. Lawv tej mov noj tsuas yog daws lawv kev tshaib xwb, yuav coj mus tsis txog (יחוח)Yahweh lub tuam tsev.

5 Nej yuav ua li cas thaum txog hnub uas ua tej kevcai uas teem cia, thiab hnub uas ua kevcai noj haus rau (יחוח)Yahweh? 6 Txawm yog lawv khiav dim kev puam tsuaj, los Iziv yuav sau zog lawv cia, lub moos Meefis yuav muab lawv log. Zaub kig yuav tuaj laum lawv tej qhov txhia chaw tsim txiaj uas xuas nyiaj ua, thiab pos yuav tuaj laum nkaus lawv tej tsev ntaub.

7 Hnub uas teem txim los txog lawm, hnub uas ua pauj los txog lawm. Ixayees yeej yuav paub. Tus xibhwb cev lus mas ruam kawg thiab tus uas muaj Tus Ntsuj Plig Dawbhuv kuj vwm lawm, vim yog tim nej lub txim loj kawg thiab vim nej ntxub kuv heev.

8 Tus xibhwb cev lus ua tus faj xwm nrog (יחוח)Yahweh saib ntsoov Efa-is. Tiam-sis rooj hlua cuab noog nyob hauv xibhwb txhua txojkev, thiab txojkev ntxub tos rawv nws rau hauv (יחוח)Yahweh lub tuam tsev.

9 Lawv ua phem ua qias kawg yam li thaum uas ua rau hauv lub moos Kinpe‑as. (יחוח)Yahweh yuav nco ntsoov lawv tej kev txhaum, nws yuav rau txim rau lawv.

10 Thaum kuv ntsib Ixayees mas zoo yam li ntsib txiv hmab hauv tebchaws moj sab qhua. Thaum kuv pom nej tej poj koob yawm txwv mas zoo yam li pom thawj phaum txiv cev saum tsob ntoo txiv cev. Tiamsis lawv tuaj cuag Npa‑as ntawm Pe‑aus, thiab muab lawv tus kheej pub kiag rau yam uas txaj muag ntawd, lawv thiaj ntxim ntxub kawg ib yam li tus uas lawv nyiam ntawd.

11 Efa-is lub koob meej yuav ya plaws yam li noog ya, yuav tsis yug menyuam, tsis suab menyuam, tsis xeeb menyuam. 12 Txawm yog lawv tu menyuam hlob lawm los kuv yuav ua kom ncaim lawv tsis tshuav ib tug li. Lawv yuav raug txom nyem rau thaum kuv ncaim lawv lawm.

13 Raws li kuv pom, Efa-is tej tub ki twb raug muab ua luag li nqaij qhauv lawm, Efa-is yuav coj nws tej tub ki mus cob rau tus uas tua pov tseg.

14 Au (יחוח)Yahweh thov pub rau lawv. Koj yuav pub abtsi rau lawv? Thov pub lub plab nchuav menyuam thiab pub lub txiv mis uas qhuav rau lawv.

15 Lawv txhua yam kev phem nyob hauv lub moos Kilakas. Kuv pib ntxub lawv qhov chaw ntawd. Kuv yuav ntiab lawv tawm hauv kuv lub tsev vim yog tim tej kev limhiam uas lawv ua. Kuv yuav tsis hlub lawv dua li lawm, lawv cov thawj puavleej fav xeeb.

16 Efa-is raug muab ua puam tsuaj lawm, lawv tej cag qhuav lawm, lawv yuav tsis txi txiv lawm. Txawm yog lawv yug tau tub ki, los kuv yuav muab tej tub ki uas lawv hlub ntawd tua pov tseg.

17 (יחוח)Yahweh yuav muab lawv laim pov tseg, rau qhov lawv tsis mloog nws lus. Lawv yuav ua tibneeg loj leeb rau hauv ib tsoom tebchaws.