Yexis Tus Ceg Uas Kav Ncaj

1 Yuav muaj ib tug ntsuag hlav ntawm Yexis lub hauv paus tuaj, yuav muaj ib tug ceg hlav ntawm nws tej cag tuaj.

2 (יחוח)Yahweh Tus Ntsuj Plig Dawbhuv yuav nyob hauv tus ntawd, yog tus plig uas pub tswvyim thiab kev nkag siab, yog tus plig uas txawj taw qhia thiab pub hwjchim, yog tus plig uas pub kev txawj ntse thiab paub ntshai (יחוח)Yahweh.

3 Tus ntawd yuav zoo siab hlo hwm thiab paub ntshai (יחוח)Yahweh. Nws yuav tsis tu plaub raws li nws lub qhov muag pom, lossis tu raws li lub qhov ntsej tau hnov.

4 Nws yuav tu plaub ncaj ncees rau cov pluag, thiab tu rau cov uas tsis muab hlob hauv lub ntiajteb raws li raug cai. Nws yuav siv nws lub qhov ncauj ua rab qws ntaus lub ntiajteb, thiab siv cua ntawm nws daim tawv ncauj tua cov tibneeg limhiam. 5 Txojkev ncaj ncees yuav ua nws txoj siv sia, thiab txojkev ncaj uas tso siab tau yuav sia rawv ntawm nws duav.

6 Hma yuav nrog menyuam yaj nyob ua ke, tsov pom txwv yuav nrog menyuam tshis pw ua ke, menyuam nyuj thiab tsov ntxhuav yuav nrhiav noj ua ke, ib tug menyuam yaus yuav coj kev mus. 7 Maum nyuj thiab dais yuav noj ua ke, ob tug ntawd li menyuam yuav pw ua ke, tsov ntxhuav yuav noj quav nyab ib yam li nyuj. 8 Menyuam mos noj mis yuav ua si ntawm nab raj kub sai lub rooj qho, thiab menyuam tseg mis yuav tso tes rau saum nab quav twm lub zes.

9 Tej tsiaj ntawd yuav tsis ua kom mob thiab tsis ua kom puam tsuaj thoob plaws hauv kuv lub roob uas Dawbhuv, vim lub ntiajteb yuav paub txog (יחוח)Yahweh thoob plaws, ib yam li dej puv nkaus nruab hiavtxwv.

​

Cov Uas Poob Tebchaws Yuav Rov Los

10 Hnub ntawd Yexis tus cag yuav muab tsa ua tus chij rau ib tsoom tibneeg. Ib tsoom tebchaws yuav nrhiav nws, thiab nws lub chaw nyob yuav muaj meej ci ntsa iab. 11 Hnub ntawd (יחוח)Yahweh yuav cev nws txhais tes mus ua zaum uas ob kom thiaj coj tau nws cov tibneeg uas tseem tshuav nyob hauv Axilias, Iziv, Palaus, Khuj, Elas, Sinas, Hamas thiab nyob raws ntug hiavtxwv rov qab los.

12 Nws yuav tsa ib tug chij rau ib tsoom tebchaws, thiab yuav sau cov Ixayees uas raug ntiab tawm hauv tebchaws lawd, thiab qaws cov Yahdah uas khiav ua sab ua sua los ntawm plaub ceg kaum ntuj los. 13 Qhov uas Efa‑is khib yuav ploj mus, thiab cov uas tsim txom Yahdah yuav raug muab txiav pov tseg, Efa‑is yuav tsis khib Yahdah, Yahdah yuav tsis tsim txom Efa‑is lawm. 14 Lawv ob pab ntawd yuav qhwv nkaus los rau saum cov Filixatee‎s uas nyob sab hnub poob lub nrob qaum, thiab yuav koom tes mus lws cov tibneeg uas nyob sab hnub tuaj. Lawv yuav tsa tes t awm tsam cov Edoos thiab cov Mau-as, thiab cov Asmoos yuav mloog lawv lus. 15 Thiab (יחוח)Yahweh yuav ua rau lub kaum hiavtxwv Iziv puam tsuaj tag, thiab yuav tso nws tej cua ntsawj kub lug yoj tes rau saum tus dej Yufetis, thiab nplawm kom ua kiag xya tus kwj deg, tibneeg thiaj hla mus tau saum cov av qhuav. 16 Yuav muaj ib txoj niag kev tawm hauv Axilias tuaj rau nws haiv neeg uas tseem tshuav tau taug, ib yam li muaj rau cov Ixayees rau thaum lawv tawm hauv Iziv tebchaws los.