Zaj Nkauj Ua Tsaug

1 Hnub ntawd koj yuav hais tias, Au (יחוח)Yahweh, kuv ua koj tsaug txawm yog koj chim rau kuv los koj kuj thim txojkev chim lawm thiab nplij kuv lub siab.

2 (יחוח)Yahweh yog txojkev cawm kuv dim, kuv yuav tso siab thiab tsis ntshai abtsi, vim (יחוח)Yahweh yog kuv lub zog thiab kuv zaj nkauj, thiab nws kuj yog txojkev cawm kuv dim.

3 Koj yuav zoo siab xyiv fab ntaus dej ntawm lub qhov dej uas cawm txojsia.

4 Hnub ntawd koj yuav hais tias, cia li ua (יחוח)Yahweh tsaug, cia li thov hu nws lub npe, cia li qhia nws tej haujlwm rau hauv ib tsoom tebchaws, qhia kom paub tias nws lub npe loj tshaj plaws.

5 Cia li hu nkauj qhuas (יחוח)Yahweh rau qhov nws tau ua tej haujlwm tseem ceeb kawg, qhia zaj no kom paub thoob plaws hauv ntiajteb.

6 Cov tibneeg Xi‑oo es, cia li qw hu nkauj zoo siab xyiv fab vim cov Ixayees Tus Tswv uas Dawbhuv loj tshaj plaws nyob hauv nej nruab nrab.