(יחוח)Yahweh Yuav Pab Ixayees

1 Cov tebchaws uas nyob ntawm ntug hiavtxwv es, cia li nyob twjywm mloog kuv hais. Cia ib tsoom tebchaws cuab lawv lub zog dua tshiab, cia lawv txav los ze thiab cia lawv hais. Peb cia li ua ke txav los ze lub chaw txiav txim. 2 Leejtwg txhob ib tug tawm sab hnub tuaj tuaj uas kov yeej txhua kauj ruam? Nws muab ib tsoom tebchaws cob rau tus ntawd thiab tsuj tej vajntxwv rau hauv xib taws. Nws rab ntaj ua rau lawv zoo yam nkaus li tej hmoov av, thiab nws rab hneev ua rau lawv zoo li tej quav nyab uas cua ntsawj ya mus. 3 Nws raws lawv thiab hla dhau plaws tso siab plhuav, taug txojkev uas nws txhais kotaw tsis tau tsuj dua.

 4 Leejtwg tau ua tej no thiab ua kom tiav, yog hu txhua tiam tibneeg txij thaum chiv keeb los? Kuv uas yog (יחוח)Yahweh ua, kuv yeej nyob thawj tiam tibneeg thiab nyob tiam kawg. Kuv yog tus ntawd ntag. 5 Tej tebchaws ntawm ntug hiavtxwv twb pom lawm kuj ntshai, thiab thoob qab ntuj kawg kuj ntshai tshee hnyo. Lawv txav los ze thiab tuaj ua ke lawm. 6 Txhua tus pab nws kwvtij zej zog, thiab hais rau nws cov kwvtij tias, cia li ua siab tuab. 7 Tus Kws txawj txhua yam txhawb tus Kws ntaus kub lub zog, tus uas xuas rauj ntaus kom du kuj txhawb tus uas ntaus ntawm lub thaiv lub zog, thiab hais txog qhov uas ham tias, Zoo heev lawm. Lawv kuj muab ntsia hlau ntsia tus dab mlom ntawd kom tsis txhob ua zog. 8 Ixayees, koj uas yog kuv tus tub qhe, yog Yakhauj uas kuv tau xaiv cia, yog kuv tus kwvluag Anplaham caj ces, 9 koj yog tus uas kuv coj tawm tim qab ntuj kawg los, thiab hu tawm hauv qhov uas deb kawg hauv ntiajteb los. Kuv hais rau koj tias, Koj yog kuv tus tub qhe, kuv xaiv koj thiab kuv yuav tsis muab koj laim pov tseg. 10 Koj tsis txhob ntshai, vim kuv nrog nraim koj, tsis txhob poob siab vim kuv yog koj Tus Tswv. Kuv yuav pub zog rau koj, kuv yuav pab koj, kuv txhais tes uas kov yeejyuav tuav rawv koj.

11 Saib maj, txhua tus uas chim heev rau kojyuav raug txaj muag thiab poob ntsej muag, cov uas tawm tsam kojyuav ploj thiab puam tsuaj mus.

12 Koj yuav nrhiav cov uas tawm tsam koj los koj yuav tsis pom li lawm, cov uas ua rog rau koj yuav ploj yaj ntshis. 13 Rau qhov kuv uas yog koj Tus Tswv (יחוח)Yahweh tuav rawv koj txhais tes xis cia, kuv yog tus uas hais rau koj tias, Tsis txhob ntshai, kuv yuav pab koj. 14 (יחוח)Yahweh hais tias, Tus nyuag kas Yakhauj es, tus nyuag Ixayees es, tsis txhob ntshai, kuv yuav pab koj. Tus uas txhiv koj yog Ixayees Tus Tswv uas Dawbhuv.

15 Saib maj, kuv yuav muab koj ua lub thob faus tshiab ntaus qoob uas ntse thiab muaj hniav. Koj yuav ntaus thiab tsoo tej roob, thiab ua rau tej pov roobzoo li npluag qoob.

16 Koj yuav ntxuaj thiab cua yuav ntsawj ya tag mus, cua daj cua dub yuav ua kom ri sua. Koj yuav zoo siab xyiv fab rau hauv (יחוח)Yahweh, koj yuav khav txog tus Dawbhuv hauv cov Ixayees. 17 Thaum cov tibneeg pluag thiab cov uas txom nyem nrhiav dej tiamsis tsis muaj, lawv tus nplaig qhuav qhawv vim yog nqhis heev, kuv uas yog (יחוח)Yahweh yuav teb lawv, kuv uas yog Ixayees Tus Tswvyuav tsis tso lawv tseg.

18 Kuv yuav ua dej ntws saum tej roob do hau los thiab ua dej txhawv hauv tej hav. Kuv yuav muab tebchaws moj sab qhua ua pas dej, thiab muab tej teb qhua ua qhov dej txhawv. 19 Kuv yuav ua kom tebchaws moj sab qhua tuaj ntoo ciab thiab ntoo kuv twm thiab txiv ntoo roj thiab ntoo aulib, kuv yuav ua rau ntuj nrag teb dotuaj ntoo ciab nplooj suab thiab ntoo seb thiab ntoo thuv tuaj ua ke,

20 neeg thiaj yuav pom thiab paub, lawv yuav xav txog thiab nkag siab tias (יחוח)Yahweh txhais tes ua tej no, tus Dawbhuv hauv cov Ixayees tsim tej no.

​

(יחוח)Yahweh Thuam Tej Dab

21 (יחוח)Yahweh hais tias, nej cia li teev nej tej lus kom. Yakhauj tus vajntxwv hais tias, cia li coj nej tej keeb puam tuaj. 22 Cia lawv coj tej dab ntawd tuaj qhia rau pebpaub tias yuav muaj abtsi tshwm los. Thiab qhia peb paub tias tej uas muaj yav thaum ub los lawd yog abtsi, peb thiaj tshuaj saib thiab paub tias tej ntawd yuav zoo li cas rau thaum kawg. Lossis qhia rau peb mloog txog tej uas yuav muaj tshwm los. 23 Cia li qhia rau peb paub tias yav tom ntej yuav muaj abtsi tshwm los, peb thiaj paub tias nej yog timtswv tiag. Cia li ua zoo lossis ua phem, xwv peb thiaj li poob siab thiab ntshai. 24 Saib maj, nej twb peem tsis tsheej abtsi li, thiab tej uas nej ua tsis muaj qabhau li, cov uas xaiv yuav nej kuj qias vuab tsuab. 25 Kuv twb txhob ib tug tuaj sab ped tuaj mas nws tuaj lawm, nws tawm sab hnub tuaj tuaj thiab tuav kuv lub npe. Nws yuav tsuj pes ntiag cov thawj ib yam li tsuj hmoov zeb sib, ib yam li tus Kws puab laujkaub tsuj cov av nplaum. 26 Leejtwg qhia txij thaum chiv keeb los rau peb paub, thiab qhia ua ntej lawm peb thiaj hais tau tias, nws hais tseeb tiag? Tsis muaj leejtwg qhia, tsis muaj leejtwg tshaj tawm, tsis muaj leejtwg hnov nej tej lus. 27 Kuv yog thawj tug uas qhia rau Xi‑oo tias, lawv tuaj lawm, thiab tso tus uas xa xov zoo tuaj rau hauv Yeluxalees. 28 Tiamsis thaum kuv tsa muag saib tej dab ntawd, tsis muaj ib tug li, tej dab ntawd tsis muaj ib tug ua tau lub chaw sablaj uas yuav teb kuv rau thaum kuv nug. 29 Saib maj, tej dab ntawd puavleej yog cuav xwb, tej uas lawv ua tsis muaj qabhau li, tej dab mlom uas nchuav ntawd kuj yog ib nthwv cua ntsawj do xwb.