Cov Pejxeem Lub Txim

1 Saib maj, (יחוח)Yahweh txhais tes tsis luv uas yuav cawm tsis tau kom dim, lossis nws lag ntseg tsis hnov lus.

2 Tiamsis tim nej tej kev txhaum quas nej thiab nej Tus Tswv, thiab nej lub txim roos nws lub ntsej muag lawm, nws thiaj tsis hnov,

3 rau qhov nej txhais tes qias puas tsuas vim lo ntshav thiab nej tej ntiv tes qias vim nej tej kev txhaum. Nej lub qhov ncauj hais lus dag, nej tus nplaig yws tej lus phem.

4 Tsis muaj leejtwg kom ncaj ncees, tsis muaj leejtwg ua plaub ncaj lawv vam khom tej lus uas tsis muaj qabhau, lawv hais lus dag xwb, lawv xeeb kev phem hauv plabthiab yug kev txhaum txim.

5 Lawv puag qe nab raj kub sai, lawv ntos sab kab laug tsov. Tus uas noj tej qe ntawd kuj tuag, muab lub qe twg tsoo nab muaj taug kuj tawm los.

6 Lawv tej sab kab laug tsov ua tsis tau ris tsho, tibneeg yuav muab tej uas lawv ualos hnav tsis tau. Lawv tej haujlwm yog ua txhaum xwb thiab lawv txhais tes ua nruj ua tsiv.

7 Lawv txhais kotaw dhia mus ua phem, lawv maj nroos ua rau tus uas tsis txhaum nqaij ntuag ntshav nrog. Lawv tsuas yog xav qhov uas txhaum xwb, lawv txojkev yog muab ua puam tsuaj tag du lug.

8 Lawv tsis paub txojkev haum‎ xeeb, tej uas lawv ua tsis muaj ib qho ncaj kiag li. Lawv rhawv lawv tej kev nkhaus. Leejtwg taug tej kev ntawd kuj tsis paub kev haum‎ xeeb.

9 Vim li no qhov uas txiav txim ncaj nyob deb ntawm peb, thiab txojkev ncaj ncees raws tsis cuag peb. Peb nrhiav qhov kaj, kuj tsuas yog pom qhov tsaus ntuj nti xwb, peb nrhiav txojkev kaj ci, tiamsis peb taug kev tsaus dub nciab xwb.

10 Peb xuas nrhiav ntsa loogib yam li tus uas dig muag, peb xuas nrhiav yam nkaus licov uas tsis muaj ntsiab muag. Peb dawm thaum tav su yam nkaus li thaum tsaus ntuj zuag. Nyob hauv cov tibneeg uas muaj zog peb zoo li cov uas tuag xwb.

11 Peb txhua tus nyooj yam nkaus li dais, peb quaj qas ntsuav yam li nquab taug, peb nrhiav qhov uas txiav txim ncaj tiamsis tsis muaj kiag li, peb nrhiav txojkev cawm dim, los nyob deb peb heev.

12 Peb tej kev fav xeeb ntau zuj zus rau ntawm koj xubntiag, thiab peb lub txim kuj ua timkhawv kom peb. Peb tej kev fav xeeb yeej nrog nraim peb thiab peb paub peb tej kev txhaum txim,

13 yog qhov uas peb fav xeeb thiab tsis lees yuav (יחוח)Yahweh, thiab qhov uas thim tsis ua raws li peb Tus Tswv, yog qhov uas hais tej lus quab yuam thiab fav xeeb, thiab hais tej lus dag uas npaj rau hauv lub siab.

14 Qhov uas txiav txim ncaj raug muab ntiab rov qab lawm, thiab txojkev ncaj ncees nyob deb deb li, txojkev tseeb twb vau tag rau lub tshav puam hauv moos, thiab qhov uas ua siab ncaj mus tsis tau rau hauv lawm.

15 Tsis muaj kev tseeb kiag li, tus uas tso kev phem tseg kuj raug luag tsim txom. (יחוח)Yahweh pom thiab tsis txaus siab rau qhov uas txiav txim tsis ncaj kiag li. 16 Nws pom tias tsis muaj leejtwg kiag li, nws phimhwj qhov uas tsis muaj leejtwg cheem. Mas nws txhais test hiaj coj txojkev cawm dim los, thiab nws txojkev ncaj ncees hwj nws cia.

17 Nws muab txojkev ncaj ncees los ua lub tsho hlau hnav, thiab muab txojkev cawm dim los ua lub mom hlau ntoo. Nws muab txojkev ua pauj los ua ris tsho hnav, thiab muab qhov uas kub siab lug ua lub tsho kauv nws.

18 Nws yuav ua pauj raws li lawv twb ua los lawd, nws yuav npau taws rau cov uas tawm tsam nws, thiab ua pauj rau nws cov yeeb ncuab. Nws yuav ua pauj raucov uas nyob raws ntug hiavtxwv.

19 Lawv thiaj yuav ntshai (יחוח)Yahweh lub npe rau sab hnub poob, thiab yuav hwm nws lub hwjchim ci ntsa iab rau sab hnub tuaj. Nws yuav tuaj yam li tus niag dej ntsawj uas (יחוח)Yahweh tej cua nplawm.

20 Nws yuav tuaj rau hauv Xi‑oo ua tus uas txhiv lawv, yog tuaj cuag Yakhauj cov tibneeg uas tso kev fav xeeb tseg. (יחוח)Yahweh hais li no ntag.               

21 (יחוח)Yahweh hais tias, kuv mas kuv tej lus cog tseg rau lawv yog li no. Kuv Tus Ntsuj Plig Dawbhuv uas nyob ntawm nej thiab kuv tej lus uas kuv muab rau hauv nej lub qhov ncauj, yuav tsis ncaim ntawm nej lub qhov ncauj thiab tsis ncaim ntawm nej tej menyuam thiab nej tej xeeb ntxwv lub qhov ncauj txij nimno mus ib txhis. (יחוח)Yahweh hais li no ntag.