ROMANS 2:28-29
Txhua yam kev txhaum thiab tej lus uas hais tuam mom yuav zam tau rau tibneeg. Tiamsis tus uas hais lus tuam mom Tus Ntsuj Plig Dawbhuv, mas yuav tsis muaj ib hnub uas zam tau tus ntawd li, nws yuav muaj txim mus ib txhis.
YAHCHANAN 3:28-29
Qhov uas ua kevcai txiav tiag tiag tsis yog ua sab nraum daim tawv xwb. Tiamsis yog ua hauv lub siab, raws li Tus Ntsuj Plig Dawbhuv, tsis yog raws li txoj kevcai uas sau cia.
YAHCHANAN 12:30-31
1. Koj yuav tau hlub Abba Yahweh uas yog koj Txiv kawg siab kawg ntsws, kawg plab kawg plaws, thiab kawg dag kawg zog.
2. Koj yuav tau hlub kwvtij zej zog ib yam li koj hlub koj tus kheej.
YEREMYAH 1
(יחוח)Yahweh Hu Yeremyah
1 No yog Yeremyah uas yog Hikhiyas tus tub tej lus. Nws yog ib tug pov thawj uas nyob hauv lub moos Anathaus hauv Npeeyamees tebchaws. 2 (יחוח)Yahweh hais lus tuaj rau Yeremyah rau xyoo kaum peb uas Asmoos tus tub Yauxiyas ua vajntxwv kav Yahdah tebchaws, 3 thiab rau thaum Yauxiyas tus tub Yehauyakhis ua vajntxwv kav Yahdah mus txog xyoo kaum ib uas Yauxiyas tus tub Xedekhiyas uas ua vajntxwv kav Yahdah, thiab mus txog thaum Yeluxalees raug ntes rau lub tsib hlis. 4 (יחוח)Yahweh hais lus tuaj rau kuv tias, 5 Kuv twb paub koj ua ntej uas kuv tsim koj rau hauv lub plab, thiab thaum koj tsis tau yug hauv plab los kuv twb muab koj cais cia rau kuv lawm, kuv twb tsa koj ua tus cev kuv lus rau ib tsoom tebchaws. 6 Ces kuv hais tias, Au (יחוח)Yahweh, saib maj, kuv tsis paub hais li cas thiaj zoo rau qhov kuv tseem hluas. 7 (יחוח)Yahweh thiaj hais rau kuv tias, tsis txhob hais tias koj tseem hluas, rau qhov koj yuav tsum mus txog txhua tus uas kuv txib koj mus, kuv hais li cas rau koj, koj yuav tsum mus hais li ntawd. 8 Tsis txhob ntshai lawv, vim kuv nrog nraim koj thiab yuav cawm koj. (יחוח)Yahweh hais li no ntag.
9 Ces (יחוח)Yahweh txawm cev tes kov kuv lub qhov ncauj thiab hais rau kuv tias, saib maj, kuv muab kuv tej lus rau hauv koj lub qhov ncauj. 10 Hnub no kuv tsa koj nyob saum ib tsoom tibneeg thiab ib tsoom tebchaws, koj yuav muab dob thiab muab ua kom pob tag, muab ua puam tsuaj thiab muab rhuav tshem pov tseg, thiab muab tsim thiab muab cog.
11(יחוח)Yahweh hais lus tuaj rau kuv tias, Yeremyah es, koj pom abtsi? Kuv teb tias, kuv pom ib ceg txiv duaj deg. 12 Mas (יחוח)Yahweh hais rau kuv tias, koj pom tseeb lawm, rau qhov kuv zov rawv kuv tej lus thiaj ua tau kom tiav. 13 (יחוח)Yahweh hais lus tuaj rau kuv zaum ob tias, koj pom abtsi? Kuv teb tias, kuv pom ib lub laujkaub tabtom npau qaij sab ped tuaj. 14 Mas (יחוח)Yahweh hais rau kuv tias, xwm txheej phem yuav tawm plaws sab ped tuaj rau saum cov tibneeg sawvdaws uas nyob hauv lub tebchaws no. 15 Saib maj, kuv tabtom hu txhua haiv neeg hauv tej tebchaws sab ped sawvdaws tuaj. (יחוח)Yahweh hais li no ntag. Lawv yuav tuaj txog thiab yuav txawb lawv tej zwm txwv rau ntawm txojkev uas nkag rau hauv Yeluxalees lub rooj loog thiab vij puag ncig Yeluxalees tej ntsa loog thiab Yahdah tej moos huvsi. 16 Kuv yuav hais kuv tej lus teem txim rau kuv haiv neeg vim lawv tej kev limhiam huvsi uas tso kuv tseg. Lawv hlawv xyab xyeem rau luag tej dab thiab pe hawm tej uas lawv txhais tes ua cia. 17 Koj cia li sia siv khov kho rau ntawm duav, cia li sawv tsees thiab hais txhua yam uas kuv hais rau koj lawm rau lawv mloog. Tsis txhob ntshai lawv, kuv thiaj tsis ua rau koj ntshai tab meeg lawv. 18 Saib maj, hnub no kuv muab koj ua lub nroog ruaj khov thiab ua ncej hlau thiab ua ntsa loog tooj liab tawm tsam lub tebchaws huvsi thiab tawm tsam Yahdah tej vajntxwv thiab cov thawj thiab cov pov thawj thiab cov pejxeem hauv lub tebchaws no. 19 Lawv yuav tawm tsam koj tiamsis kov tsis yeej koj, vim kuv nrog nraim koj thiab yuav cawm koj dim. (יחוח)Yahweh hais li no ntag.