Lub Tebchaws Zoo Uas Yuav Tau Mus Nyob

1 Tej lus cob qhia uas hnub no kuv muab cob rau nej, nej yuav tau ceev faj ua raws nraim huvsi, xwv nej thiaj muaj txojsia thiab huaj vam coob thiab mus txeeb tau lub teb chaws uas (יחוח)Yahweh cog lus ruaj cia rau nej tej poj koob yawm txwv.

2 Nej yuav tau nco ntsoov txog tej kev uas (יחוח)Yahweh uas yog nej Tus Tswv coj nej taug hauv tebchaws moj sab qhua tau plaub caug xyoo, kom nws thiaj txo tau nej lub hwjchim thiab sim saib nej lub siab zoo li cas, saib nej yuav tuav rawv nws tej lus cob qhia los tsis tuav.

3 (יחוח)Yahweh txo nej lub hwjchim thiab cia nej tshaib thiab pub manas yug nej, yog tej mov uas nej thiab nej tej poj koob yawm txwv tsis tau paub dua li, nws thiaj ua rau nej paub tias tsis yog tib cov mov xwb thiaj yuav yug tau tibneeg txojsia, yog txhua lo lus uas tawm ntawm (יחוח)Yahweh qhov ncauj los thiaj yug tau. 4 Lub sijhawm plaub caug xyoo ntawd nej tej tsoos tsho yeej tsis ntuag li, thiab nej tej kotaw kuj tsis o.

5 Nej cia li paub hauv lub siab tias leej txiv nplawm qhuab qhia nws tus tub li cas, (יחוח)Yahweh uas yog nej Tus Tswv yuav nplawm qhuab qhia nej ib yam li ntawd.

6 Vim li no nej yuav tau tuav rawv (יחוח)Yahweh uas yog nej Tus Tswv tej lus cob qhia, yog qhov uas ua lub neej raws nraim nws txojkev thiab hwm thiab paub ntshai nws.

7 Rau qhov (יחוח)Yahweh uas yog nej Tus Tswv tab tom coj nej los rau hauv lub teb chaws uas zoo, yog lub tebchaws uas muaj hav dej, muaj qhov dej thiab muaj dej txhawv ntws hauv tej hav thiab pem tej roob,

8 muaj mog muaj qeb, muaj txiv hmab, txiv cev, txiv ntsiav kws, thiab yog lub tebchaws uas muaj ntoo aulib thiab zib ntab,

9 thiab yog lub teb chaws uas nej yuav tau noj tsis tshaib tsis nqhis, thiab nej yuav tsis tu ncua ib yam abtsi li, thiab yog lub tebchaws uas tej pob zeb yog hlau thiab nej yuav khaws tau tooj liab ntawm tej roob.

10 Nej yuav tau noj tsau npo, thiab nej yuav qhuas (יחוח)Yahweh uas yog nej Tus Tswv txog lub tebchaws zoo uas nws muab pub rau nej ntawd.

​

Nco Ntsoov ()Yahweh

11 Koj yuav tau ceev faj zoo tsis txhob hnov qab (יחוח)Yahweh uas yog koj Tus Tswv es tsis tuav nws tej lus cob qhia thiab nws tej kevcai thiab nws tej kab ke uas hnub no kuv hais rau koj.

12 Ntshai tsam thaum koj noj tsau npo thiab ua zoo vaj zoo tsev thiab tau nyob hauv lawm,

13 thiab koj tej nyuj, tej yaj, tej tshis huaj vam coob thiab muaj nyiaj muaj kub ntau zuj zus thiab ib puas tsav yam uas koj muaj huam coob,

14 mas thaum ntawd koj lub siab yuav khav theeb thiab koj yuav tsis nco qab txog (יחוח)Yahweh uas yog koj Tus Tswv uas coj koj tawm hauv Iziv tebchaws hauv txojkev ua qhev los.  

15 Nws coj koj mus thoob plaws hauv lub tebchaws moj sab qhua uas loj thiab txaus ntshai kawg, uas muaj nab raj kub sai thiab raub ris teb, thiab yog lub tebchaws qhuav nkig nkuav tsis muaj dej. Nws pub dej tawm hauv phab zeb tawv tawv los rau koj haus,

16 thiab pub cov manas uas koj tej poj koob yawm txwv tsis paub dua yug koj rau hauv tebchaws moj sab qhua, kom nws thiaj txo tau koj lub hwjchim thiab sim koj lub siab, mas thaum kawg koj thiaj tau noj qab nyob zoo.  

17 Koj yuav tau ceev faj tsam ces koj hais tuj taws tias, yog kuv lub hwjchim thiab kuv txhais tes lub zog tau ua rau kuv tau tej cuab txhiaj cuab tam no.  

18 Koj yuav tau nco ntsoov (יחוח)Yahweh uas yog koj Tus Tswv, rau qhov nws yog tus uas pub zog rau koj kom tau tej cuab txhiaj cuab tam no, xwv nws thiaj tuav rawv nws tej lus cog tseg uas nws cog ruaj khov rau koj tej poj koob yawm txwv, ib yam li niaj hnub nimno.

19 Yog koj tsis nco qab (יחוח)Yahweh uas yog koj Tus Tswv es mus raws ncuj nciav luag tej dab thiab ua koom tu thiab pe tej dab ntawd, hnub no kuv hais tseeb kiag rau nej tias, nej yeej yuav puam tsuaj tiag tiag li.

20 Ib yam li tej haiv neeg uas (יחוח)Yahweh muab ua puam tsuaj tag rau ntawm nej xub ntiag, nej yuav puam tsuaj tag ib yam nkaus li ntawd ntag, rau qhov nej tsis mloog ()Yahweh uas yog nej Tus Tswv tej lus.