Kevcai Xyeem Qoob Loo

1 Thaum leejtwg yuav coj qhov txhia  chaw tuaj ua kevcai xyeem qoob loo rau (יחוח)Yahweh mas nws yuav tau muab cov hmoov mog uas zoo zoo tuaj xyeem thiab hliv roj txiv aulib ywg cov hmoov mog thiab muab hmoov roj ntoos tsw qab tso rau saud, 

2 mas coj tuaj rau Aloos cov tub uas ua pov thawj.  Tus pov thawj yuav muab cov hmoov mog zoo zoo ntse roj ib taus tes thiab muab kiag cov roj ntoos tsw qab ntawd huvsi hlawv saum lub thaj ua chaw rau (יחוח)Yahweh nco ntsoov, yog yam uas muab hlawv kub nyhiab xyeem ua kom muaj pa ncho tsw qab haum

(יחוח)Yahweh lub siab.

3 Tej uas coj tuaj xyeem es tshuav seem ntawd puavleej yog Aloos thiab nws cov tub li feem, yog tej uas dawb huv kawg nkaus uas rho ntawm tej uas yuav muab hlawv kub nyhiab xyeem rau (יחוח)Yahweh los lawm.

4 Thaum koj coj ncuav cub tuaj ua kevcai xyeem qoob loo, mas yuav coj cov ncuav uas tsis xyaw keeb uas muab cov hmoov mog zoo zoo ntse roj ua lossis tej ncuav nyias nyias uas tsis xyaw keeb uas pleev roj.

5 Yog tias koj coj ncuav ci saum ntxaij hlau tuaj xyeem mas yuav muab cov hmoov mog zoo zoo ntse roj tsis xyaw keeb ua xwb.

6 Koj yuav muab lub ncuav ntais ua tej dwb daim thiab ywg roj rau.  No yog ua kevcai xyeem qoob loo.

7 Yog tias koj coj ncuav kib hauv yias tuaj ua kevcai xyeem qoob loo, mas yuav muab cov hmoov mog zoo zoo ntse roj ua xwb.

8 Yuav coj tej ncuav zoo li uas hais tag los no lawm tuaj ua kevcai xyeem qoob loo rau (יחוח)Yahweh. Thaum koj coj tuaj pub rau tus pov thawj lawd, tus pov thawj yuav coj mus rau ntawm lub thaj.

9 Mas tus pov thawj yuav rho ib qho uas ua lub chaw rau (יחוח)Yahweh nco ntsoov hauv tej uas coj tuaj ua kevcai xyeem qoob loo ntawd los coj mus hlawv rau saum lub thaj, yog yam uas muab hlawv kub nyhiab xyeem ua kom muaj pa ncho tsw qab haum (יחוח)Yahweh lub siab.

10 Mas tej uas coj tuaj ua kevcai xyeem qoob loo es tshuav seem ntawd puavleej yog Aloos thiab nws cov tub li feem, yog tej uas dawb huv kawg nkaus uas rho ntawm tej uas yuav muab hlawv kub nyhiab xyeem rau (יחוח)Yahweh los.

11 Tej ncuav uas nej coj tuaj ua kevcai xyeem qoob loo rau

(יחוח)Yahweh ntawd tsis txhob muab keeb los ua.  Tsis txhob muab keeb lossis zib ntab hlawv xyeem rau (יחוח)Yahweh kiag li.

12 Yog nej coj ob yam no tuaj ua thawj phaum qoob loo xyeem rau (יחוח)Yahweh kuj tau, tiamsis tsis txhob muab hlawv saum lub thaj ua kom muaj pa tsw qab haum (יחוח)Yahweh lub siab.

13 Koj yuav tau muab ntsev rau txhua lub ncuav uas koj coj tuaj ua kevcai xyeem qoob loo thiab. Koj tsis txhob tseg cov ntsev uas piv txog koj Tus Tswv lo lus cog tseg, tsis rau rau tej uas koj muab ua kevcai xyeem qoob loo. Koj yuav tau muab ntsev rau rau txhua yam uas koj muab xyeem huvsi.

14 Yog koj muab thawj phaum qoob ua kevcai xyeem qoob loo rau (יחוח)Yahweh, mas koj yuav muab cov thawj hnab los qha kom qhuav mas muab tuav mos mos.

15 Yuav muab roj ntse rau, thiab muab roj ntoos tsw qab tso rau saud, yog ua kevcai xyeem qoob loo.

16 Tus pov thawj yuav muab cov hmoov uas tuav mos mos thiab ntse roj ib qho thiab cov roj ntoos tsw qab huvsi hlawv ua chaw rau (יחוח)Yahweh nco ntsoov.  Tej no yog yam uas muab hlawv kub nyhiab xyeem rau (יחוח)Yahweh.