XWM TXHEEJ TAUG KEV 1

Suav Cov Ixayees Ntawm Lub Roob Xinais

1 Txij thaum lawv tawm hauv Iziv teb chaws los mas xyoo uas ob, lub ob hlis, hnub xiab ib, (יחוח)Yahweh hais rau Mauxes hauv lub tsev ntaub sib ntsib ntawm tebchaws moj sab qhua Xinais hais tias,

2 koj cia li muab ib tsoom pejxeem Ixayees sawvdaws nce npe raws li lawv tej cum thiab raws li lawv tej tsev neeg, suav cov txivneej txhua tus tej npe ib tug zuj zus. 

3 Koj thiab Aloos cia li suav cov Ixayees txhua tus uas hnub nyoog muaj nees nkaum xyoo rov saud uas ua tau tub rog, suav ib pab ib pab zuj zus.

4 Yuav tau muaj txivneej hauv txhua xeem los pab koj ib xeem ib tug, yog tus uas nyias ua thawj hauv nyias cum.

5 Cov uas yuav pab koj tej npe yog li no, hauv xeem Lunpees yog Sede‑aws tus tub Elixus,

6 hauv xeem Xime‑oos yog Xulisadais tus tub Selumi‑ees,

7 hauv xeem Yahdah yog Amina-das tus tub Nasoos,

8 hauv xeem Ixakhas yog Xu‑as tus tub Nethanees,

9 hauv xeem Xenpuloos yog Heloos tus tub Elias,

10 hauv Yahxej cov tub mas yog hauv xeem Efas‑is yog Amihus tus tub Elisamas thiab hauv xeem Manaxes yog Pedaxus tus tub Kamali‑ees,

11 hauv xeem Npeeyamees yog Kide‑aunis tus tub Anpidas,

12 hauv xeem Daj yog Amisadais tus tub Ahiyexaws,

13 hauv xeem Asaws yog Aukhas tus tub Paki‑ees,

14 hauv xeem Nkas yog De‑u‑ees tus tub Eliyaxas,

15 hauv xeem Nathalis yog Enas tus tub Ahilas.

16 Cov no yog xaiv hauv cov pejxeem los, yog cov uas nyias ua hlob hauv nyias xeem thiab nyias ua thawj hauv nyias cum hauv cov Ixayees.

17 Mauxes thiab Aloos coj cov tibneeg uas hais npe no los,

18 mas lub ob hlis, hnub xiab ib, lawv hu cov pejxeem sawvdaws tuaj txoos ua ke, ces lawv nce npe raws li lawv tej cum, raws li lawv tej tsev neeg, yog sau txhua tus uas hnub nyoog muaj nees nkaum xyoo rov

saud tej npe ib leeg zuj zus,

19 raws li (יחוח)Yahweh hais kom Mauxes ua lawd.  Mauxes thiaj li suav lawv ntawm tebchaws moj sab qhua Xinais. 

20 Lunpees uas yog Ixayees tus tub hlob caj ces raws li lawv tej cum, raws li lawv tej tsev neeg, raws li cov txivneej tej npe uas suav tau ib leeg zuj zus txhua tus uas hnub nyoog muaj nees nkaum xyoo rov saud, uas ua tau tub rog,

21 mas huvsi xeem Lunpees muaj 46,500 leej. 

22 Xime‑oos caj ces raws li lawv tej cum, raws li lawv tej tsev neeg, txhua tus uas lawv suav raws li cov txivneej tej npe uas suav tau ib leeg zuj zus, txhua tus uas hnub nyoog muaj nees nkaum xyoo rov saud uas ua tau tub rog,

23 mas huvsi xeem Xime‑oos muaj 59,300 leej.

24 Nkas caj ces raws li lawv tej cum, raws li lawv tej tsev neeg, raws li tej npe uas suav tau txhua tus uas hnub nyoog muaj nees nkaum xyoo rov saud uas ua tau tub rog,

25 mas huvsi xeem Nkas muaj 45,650 leej. 

26 Yahdah caj ces raws li lawv tej cum raws li lawv tej tsev neeg, raws li tej npe uas suav tau txhua tus uas hnub nyoog muaj nees nkaum xyoo rov saud uas ua tau tub rog,

27 mas huvsi xeem Yahdah muaj 74,600 leej.

28 Ixakhas caj ces raws li lawv tej cum, raws li lawv tej tsev neeg, raws li tej npe uas suav tau txhua tus uas hnub nyoog muaj nees nkaum xyoo rov saud uas ua tau tub rog,

29 mas huvsi xeem Ixakhas muaj 54,400 leej.

30 Xenpuloos caj ces raws li lawv tej cum, raws li lawv tej tsev neeg, raws li tej npe uas suav tau txhua tus uas hnub nyoog muaj nees nkaum xyoo rov saud uas ua tau tub rog,

31 mas huvsi xeem Xenpuloos muaj 57,400 leej. 

32 Yahxej caj ces uas yog Efas‑is caj ces raws li lawv tej cum, raws li lawv tej tsev neeg, raws li tej npe uas suav tau txhua tus uas hnub nyoog muaj nees nkaum xyoo rov saud uas ua tau tub rog,

33 mas huvsi xeem Efas‑is muaj 40,500 leej. 

34 Manaxes caj ces raws li

lawv tej cum, raws li lawv tej tsev neeg, raws

li tej npe uas suav tau txhua tus uas hnub nyoog muaj nees nkaum xyoo rov saud uas ua tau tub rog,

35 mas huvsi xeem Manaxes muaj 32,200 leej.

36 Npeeyamees caj ces raws li lawv tej cum, raws li lawv tej tsev neeg, raws li tej npe uas suav tau txhua tus uas hnub nyoog muaj nees nkaum xyoo rov saud uas ua tau tub rog,

37 mas huvsi xeem Npeeyamees muaj 35,400 leej. 

38 Daj caj ces raws li lawv tej cum, raws li lawv tej tsev neeg, raws li tej npe uas suav tau txhua tus uas hnub nyoog muaj nees nkaum xyoo rov saud uas ua tau tub rog,

39 mas huvsi xeem Daj muaj 62,700 leej. 

40 Asaws caj ces raws li lawv tej cum, raws li lawv tej tsev neeg, raws li tej npe uas suav tau txhua tus uas hnub nyoog muaj nees nkaum xyoo rov saud uas ua tau tub rog,

41 mas huvsi xeem Asaws muaj 41,500 leej. 

42 Nathalis caj ces raws li lawv tej cum, raws li lawv tej tsev neeg, raws li tej npe uas suav tau txhua tus uas hnub nyoog muaj nees nkaum xyoo rov saud uas ua tau tub rog,

43 mas huvsi xeem Nathalis muaj 53,400 leej. 

44 Cov tibneeg no yog cov uas Mauxes thiab Aloos thiab kaum ob tug uas ua hlob sawv cev txhua xeem hauv cov Ixayees tau suav cia. 

45 Yog li no cov Ixayees sawvdaws uas suav tau raws li lawv tej tsev neeg uas hnub nyoog muaj nees nkaum xyoo rov saud, yog txhua tus txivneej hauv cov Ixayees uas ua tau tub rog,

46 mas huvsi muaj 603,550 leej. 

​

Tsa Cov Levis Saib Lub Tsev Ntaub

47 Tiamsis cov Levis tsis raug suav raws li lawv tej cum rau hauv. 

48 Rau qhov (יחוח)Yahweh hais rau Mauxes tias,

49 Xeem Levis mas koj tsis txhob suav thiab tsis txhob muab nce npe rau hauv cov Ixayees. 

50 Koj tsuas tsa cov Levis los saib (יחוח)Yahweh lub tsev ntaub uas muaj (יחוח)Yahweh tej lus, thiab saib txhua yam twj uas siv, thiab txhua yam uas nyob hauv lub tsev ntaub.  Lawv phaj nqa (יחוח)Yahweh lub tsev ntaub thiab tej twj uas siv, thiab tu, thiab saib lub tsev ntaub, thiab ua tsev ntaub nyob puag ncig (יחוח)Yahweh lub tsev ntaub.

51 Thaum yuav tshais (יחוח)Yahweh lub tsev ntaub mus, cov Levis yuav muab lauj thiab thaum yuav tsa (יחוח)Yahweh lub tsev ntaub, cov Levis yuav tsa. Yog lwm tus txav ze mas tus ntawd yuav raug muab tua.

52 Cov Ixayees nyias yuav tsa nyias tsev ntaub nrog nyias cum nyob, nyias nyob nyias ib zog thiab nyias nyob ntawm nyias tus chij. 

53 Tiamsis cov Levis yuav tsa lawv li tsev ntaub nyob puag ncig ()Yahweh lub tsev ntaub uas muaj (יחוח)Yahweh tej lus, xwv txojkev chim thiaj tsis poob rau ib tsoom pejxeem Ixayees. Cov Levis yuav tu thiab saib (יחוח)Yahweh lub tsev ntaub uas muaj (יחוח)Yahweh tej lus.

54 Cov Ixayees kuj ua raws li ntawd. Lawv ua raws li uas (יחוח)Yahweh hais rau Mauxes lawd txhua yam huvsi.