Txhua Xeem Lub Chaw Nyob

1 (יחוח)Yahweh hais rau Mauxes thiab Aloos tias,

2 cov Ixayees yuav tau tsa tsev ntaub nyias nyob raws nyias tus chij loj thiab nyob raws nyias xeem tus chij. Txhua lub tsev ntaub yuav tau tig qhov rooj ncaj rau lub tsev ntaub sib ntsib. 

3 Cov uas yuav tsa tsev ntaub rau sab hnub tuaj yog cov uas raws Yahdah lub zos tus chij mas nyias nrog nyias pab nyob.  Aminadas tus tub Nasoos ua xeem Yahdah tus thawj.

4 Nws cov pejxeem uas suav cia no muaj 74,600 leej.

5 Xeem Ixakhas yuav tsa tsev ntaub nyob txuas mus, Xu‑as tus tub Nethanees ua xeem Ixakhas tus thawj.

6 Nws cov pejxeem uas suav cia no muaj 54,400 leej.

7 Xeem Xenpuloos yuav nyob txuas mus, Heloos tus tub Elias ua xeem Xenpuloos tus thawj.

8 Nws cov pejxeem uas suav cia no muaj 57,400 leej.

9 Yahdah lub zos mas suav txhua pab uas nyob hauv huvsi muaj 186,400 leej.  Thaum sawv kev mus mas lawv yuav ua ntej mus.

10 Lunpees lub zos tus chij yuav nyob rau sab nrad, mas nyias nrog nyias pab nyob.  Sede‑aws tus tub Elixus ua xeem Lunpees tus thawj.

11 Nws cov pejxeem uas suav cia no muaj 46,500 leej.

12 Xeem Xime‑oos yuav tsa tsev ntaub nyob txuas mus, Xulisadais tus tub Selumi‑ees ua xeem Xime‑oos tus thawj.

13 Nws cov pejxeem uas suav cia no muaj 59,300 leej.

14 Xeem Nkas yuav nyob txuas mus, Le‑u‑ees tus tub Eliyaxas ua xeem Nkas tus thawj.

15 Nws cov pej xeem uas suav cia no muaj 45,650 leej.

16 Lunpees lub zos mas suav txhua pab uas nyob hauv huvsi muaj 151,450 leej.  Thaum sawv kev mus mas lawv yuav ua pab uas ob.

17 Cov Levis yuav phaj lub tsev ntaub sib ntsib raws lawv qab mus rau nruab nrab. Lawv nyias mus raws li nyias nyob, nyias raws nyias tus chij mus.

18 Efa‑is lub zos tus chij yuav tau nyob rau sab hnub poob mas nyias nrog nyias pab nyob, Amihus tus tub Elisamas ua xeem Efas‑is tus thawj.

19 Nws cov pejxeem uas suav cia no muaj 40,500 leej.

20 Xeem Manaxes yuav nyob txuas mus, Pedaxus tus tub Kamali‑ees ua xeem Manaxes tus thawj.

21 Nws cov pejxeem uas suav cia no muaj 32,200 leej.

22 Xeem Npeeyamees yuav nyob txuas mus, Kide‑aunis tus tub Anpidas ua xeem Npeeyamees tus thawj.

23 Nws cov pejxeem uas suav cia no muaj 35,400 leej.

24 Efa‑is lub zos mas suav txhua pab uas nyob hauv huvsi muaj 108,100 leej. Thaum sawv kev mus mas lawv yuav ua pab uas peb. 

25 Daj lub zos tus chij yuav nyob rau sab ped, mas nyias nrog nyias pab nyob, Amisadais tus tub Ahiyexaws ua xeem Daj tus thawj.

26 Nws cov pejxeem uas suav cia no muaj 62,700 leej.

27 Xeem Asaws yuav tsa tsev ntaub nyob txuas mus, Aukhas tus tub Paki‑ees ua xeem Asaws tus thawj. 

28 Nws cov pejxeem uas suav cia no muaj 41,500 leej. 

29 Xeem Nathalis yuav nyob txuas mus, Enas tus tub Ahilas ua xeem Nathalis tus thawj.

30 Nws cov pejxeem uas suav cia no muaj 53,400 leej.

31 Daj lub zos mas suav huvsi muaj 157,600 leej. Thaum sawv kev mus lawv yuav ua pab uas mus tom qab kiag, nyias raws nyias tus chij mus. 

32 Cov tibneeg no yog cov Ixayees uas suav raws li tej xeem.  Cov zos huvsi uas suav raws li tej pab muaj 603,550 leej.

33 Tiamsis tsis suav cov Levis rau hauv cov Ixayees, raws li (יחוח)Yahweh hais rau Mauxes lawd.

34 Cov Ixayees ua raws li ntawd.   Lawv ua zos nyias nyob raws nyias tus chij thiab ho sawv kev mus nyias nrog nyias xeem, nyias nrog nyias cum ua ke mus, raws li txhua yam uas (יחוח)Yahweh hais rau Mauxes lawd.