Yug (יהושע)Yahshua

(Mattithyah 1:18-25)

1 Lub sijhawm ntawd, vajntxwv Xixas Aukhuxataus rhawv kevcai kom tibneeg thoob ntiajteb txheeb npe rau hauv ntawv.

2 No yog thawj zaug uas sau npe. Thaum ntawd Khilenias ua vajntxwv kav lub xeev Syria. 3 Txhua tus yuav tsum rov qab mus sau npe rau hauv lub moos uas yug yus. 4 Yahseph kuj taug kev tawm hauv lub moos Naxales xeev Kalilais mus rau lub moos Npelehees, xeev Yahdah uas yog lub moos yug vajntxwv Daviv, rau qhov nws yog vajntxwv Daviv caj ces. 5 Nws coj Miriam uas yog nws tus qhaib cia lawd nrog nws mus sau npe thiab Miriam kuj suab ib plab menyuam.

6 Thaum nkawv tseem nyob hauv lub moos Npelehees, Miriam txawm mob plab yuav los so. 7 Lub sij hawm ntawd, txhua lub tsev so, tibneeg nyob puv tag lawm. Nkawv thiaj mus nyob hauv ib lub nkuaj nyug, Miriam thiaj li yug tau nws tus metub hlob thiab muab khaub ncaws qhwv tso pw rau hauv ib lub tais zaub nyuj.

​

Cov Yug Yaj Thiab Cov Tubtxib Saum Ntuj

8 Thaj tsam ntawd muaj tibneeg yug yaj zov yaj hmo ntuj tom tshav zaub.

9 Abba  (יחוח)Yahweh ib tug tubtxib saum ntuj los tshwm rau lawv thiab muaj Abba (יחוח)Yahweh lub hwjchim ci ntsa iab vij nkaus lawv, mas lawv ntshai heev kawg li. 10 Tiamsis tus tubtxib ntawd hais rau lawv hais tias, nej tsis txhob ntshai, rau qhov kuv coj txoj hmoo zoo los qhia rau nej. Hnub no nej tus Cawmseej twb los yug rau hauv Daviv lub moos lawm. Nws yog tus Messiah uas yog Tus Tswv.

12 Nov yog tej txujci uas qhia rau nej paub. Nej yuav pom ib tug menyuam mos qhwv khaub ncaws pw hauv ib lub tais zaub nyuj. 13 Tamsim ntawd muaj ib pab tubtxib saum ntuj coob coob los nrog tus tubtxib ntawd hu nkauj qhuas Abba (יחוח)Yahweh hais tias, 14 cia Abba (יחוח)Yahweh tau koob meej ci ntsa iab rau saum ntuj uas siab kawg nkaus, thiab hauv ntiajteb cia li muaj kev kaj siab lug rau cov tibneeg uas Abba (יחוח)Yahweh txaus siab.

15 Thaum cov tubtxib saum ntuj ncaim lawv rov mus saum ntuj lawm, cov tibneeg yug yaj txawm sib yaum hais tias, cia peb mus rau hauv lub moos Npelehees saib tej xwm txheej uas tshwm los raws li Abba (יחוח)Yahweh qhia rau peb lawd. 16 Lawv txawm maj nroos mus mas pom Miriam thiab Yahseph thiab tus menyuam mos pw hauv lub tais zaub nyuj.

17 Thaum lawv pom lawd, lawv thiaj piav tej uas lawv tau hnov txog tus menyuam ntawd rau Miriam thiab Yahseph mloog. 18 Txhua tus uas hnov kuj xav tsis thoob txog zaj uas cov yug yaj piav rau lawv.

19 Tiamsis Miriam kuj cim ntsoov thiab khaws lawv tej lus ntawd huvsi cia rau hauv nws nruab siab. 20 Cov uas yug yaj rov qab mus ua rau Abba (יחוח)Yahweh tau koob meej thiab qhuas Abba (יחוח)Yahweh rau txhua yam uas lawv tau hnov thiab pom raws li uas tau hais rau lawv lawd.

​

Tis (יהושע)Yahshua Lub Npe

21 Thaum tus menyuam ntawd muaj yim hnub, lawv muab nws ua kevcai txiav thiab tis nws lub npe hu ua (יהושע)Yahshua, raws li tus tubtxib saum ntuj tau hais rau Miriam puag thaum tsis tau xeeb rau hauv plab.

​

Muab (יהושע)Yahshua Xyeem Hauv Lub Tuam Tsev

22 Thaum txog lub sijhawm Yahseph thiab Miriam yuav mus ua kevcai ntxuav raws li Mauxes txoj kevcai, nkawv txawm coj (יהושע)Yahshua mus rau hauv lub nroog Yeluxalees, yuav muab xyeem rau Abba  (יחוח)Yahweh, 23 raws li Abba (יחוח)Yahweh txoj kevcai uas sau tseg hais tias, yuav tsum muab txhua tus tub hlob pub rau Abba (יחוח)Yahweh, 24 thiab nkawv yuav muab qhov txhia chaw xyeem raws li uas hais hauv Abba (יחוח)Yahweh txoj kevcai hais tias, ib nkawg nquab taug lossis ob tug rhaws nquab nyeg.

(Levis Tej Kevcai 12:6-8)

25 Muaj ib tug yawg nyob hauv Yeluxalees npe hu ua Xime-oos, nws yog ib tug ncaj ncees thiab hwm Abba (יחוח)Yahweh. Nws tos rawv lub sijhawm uas cov Ixayees yuav tau txojkev nplij siab, thiab Tus Ntsuj Plig dawb huv nyob hauv nws. 26 Tus Ntsuj Plig dawb huv twb qhia rau nws paub hais tias thaum tseem tsis tau dua Xime-oos, nws yuav pom tus Messiah uas Abba (יחוח)Yahweh twb cog lus tseg lawm hais tias Abba (יחוח)Yahweh yuav txib nws los.

27 Tus Ntsuj Plig Dawbhuv txawm coj Xim-eoos nkag mus rau hauv lub Tuam Tsev.

Thaum Yahseph thiab Miriam nkawv coj tus metub (יהושע)Yahshua tuaj hauv lub Tuam Tsev, nkawv yuav ua kevcai raws li sawvdaws ib txwm ua.

28 Xime-oos txawm muab (יהושע)Yahshua puag thiab qhuas Abb ((יחוח)Yahweh hais tias, 29 Tus Tswv es, nimno thov cia koj tus tub qhe mus ua kaj siab lug, raws li koj tej lus, 30 rau qhov kuv lub qhov muag twb pom koj txojkev cawm dim, 31 uas koj twb npaj tab meeg ib tsoom tibneeg sawvdaws, 32 yog txojkev kaj uas yuav ci rau lwm haiv neeg pom kev, thiab ua rau koj haiv neeg Ixayees tau koob meej.

33 Thaum (יהושע)Yahshua niam thiab (יהושע)Yahshua txiv nkawv hnov Xime-oos hais li ntawv, nkawv xav tsis thoob txog tej lus uas hais txog tus menyuam ntawd.

34 Xime-oos kuj thov Abba ((יחוח)Yahweh foom koob hmoov rau lawv thiab nws hais rau Miriam uas yog (יהושע)Yahshua niam hais tias, saib maj, tus menyuam no raug tsa ua rau cov Ixayees ntau leej ntog thiab ntau leej sawv, thiab ua txujci tseem ceeb uas tibneeg yuav tawm tsam, 35 kom thiaj thws tej uas nyob hauv ntau leej lub siab tshwm los, thiab txawm yog koj lub siab los yuav raug rab ntaj nkaug. 36 Muaj ib tug pojniam ua xibhwb cev Abba (יחוח)Yahweh lus npe hu ua Anas, yog Fanu-ees tus ntxhais yog xeem Asaw. Nws laus heev lawm, nws yuav txiv tau xya xyoo xwb, 37 ces nws txawm ua poj ntsuam los txog thaum nws hnub nyoog muaj yim caum plaub xyoos. Nws tsis tawm hauv lub tuam tsev mus li, nws pe hawm Abba (יחוח)Yahweh thiab yoo mov thiab thov Abb (יחוח)Yahweh nruab hnub hmo ntuj.

38 Tamsim ntawd Anas txawm tuaj txog, nws ua Abba (יחוח)Yahweh tsaug thiab hais txog tus metub ntawd rau txhua tus uas tos rawv qhov uas txhiv Yeluxalees dim.

​

Rov Mus Pem Nanales

39 Thaum Yahseph thiab Miriam nkawv ua txhua yam raws li Abba (יחוח)Yahweh txoj kevcai tiav tag lawm, nkawv txawm rov qab mus tsev rau pem lub moos Naxales hauv lub xeev Kalilais. 40 Tus metub (יהושע)Yahshua ntawd kuj loj hlob zoo thiab muaj zog, muaj tswvyim zoo, thiab Abba (יחוח)Yahweh foom koob hmoov nplua mias pub rau nws.

​

(יהושע)Yahshua Nyob Hauv Lub Tuam Tsev

41 (יהושע)Yahshua niam thiab (יהושע)Yahshua txiv niaj xyoo mus rau nram Lub Nroog Yeluxalees rau thaum ua kevcai Hla Dhau.

42 Thaum (יהושע)Yahshua hnub nyoog  muaj kaum ob xyoos, lawv kuj mus ua kevcai Hla Dhau raws li ib txwm ua los lawm.

43 Thaum dhau lub sijhawm ua kevcai Hla Dha lawm, nkawv rov qab mus tsev, tiamsis (יהושע)Yahshua tseem nyob hauv Yeluxalees. Nws niam thiab nws txiv tsis paub,

44 Nkawv xav hais tias (יהושע)Yahshua twb nrog pab tibneeg uas nrog lawv tuaj ua ke ua ntej rov qab mus lawm. Nkawv txawm mus tau ib hnub ke mam li nrhiav nws hauv cov txheeb ze thiab cov kwvtij kwvluag. 45 Thaum nkawv nrhiav tsis pom nws nkawv txawm rov qab mus nrhiav nram Lub Nroog Yeluxalees. 46 Nkawv nrhiav tau peb hnub nkawv mam li nrhiav tau nws nyob hauv lub tuam tsev nrog cov xibhwb zaum ua ke mloog lawv qhia thiab nug lawv. 47 Txhua tus uas hnov nws hais kuj phimhwj rau nws tej tswvyim thiab tej lus uas nws teb. 48 Thaum (יהושע)Yahshua niam thiab (יהושע)Yahshua txiv pom nws, nkawv kuj xav tsis thoob li. Nws niam hais rau nws hais tias, metub es, ua cas koj yuav ua li no rau wb? Saib maj, koj txiv wb nrhiav nrhiav koj thiab txhawj kawg li. 49 (יהושע)Yahshua teb nkawv hais tias, ua cas neb hos nrhiav kuv? Neb tsis paub hais tias kuv yeej yuav tsum nyob hauv kuv Leej Txiv lub tsev lov?

50 Nkawv tsis nkag siab tej lus uas (יהושע)Yahshua hais rau nkawv ntawd.

51 (יהושע)Yahshua txawm nrog nkawv rov mus rau Nanales, thiab nyob hauv nkawv qab kev tswjhwm. (יהושע)Yahshua niam khaws tej xwm txheej no huvsi cia rau hauv nruab siab. 52 (יהושע)Yahshua loj hlob zuj zus, nws muaj tswvyim zoo thiab nws coj haum Abba (יחוח)Yahweh siab thiab coj haum sawvdaws siab.