Yahchanan Uas Coj Ua Kevcai Raus Dej

(Mattithyah 3:1-12; Yahchanan Mark 1:1-8; Yahchanan 1:19-28 )

1 Xyoo kaum tsib uas Xixas Thinpeliaus ua vajntxwv, yog thaum Phauthi-aus Philaj ua tswv xeev kav Yahdah thiab Helauj ua thawj kav lub xeev Kalilais, thiab nws tus kwv Philip ua thawj kav Ithulias thiab Thakh-aunithis li kav xyuam thiab Lixanas ua thawj kav lub xeev Anpilees. 2 Lub sijhawm ntawd Anas thiab Khayafas ua tuam pov thawj hlob, mas Abba (יחוח)Yahweh tej lus tuaj txog Zecharyah tus tub Yahchanan hauv tebchaws moj sab qhua. 3 Yahchanan mus thoob plaws ntawm ntug dej Yaladees tshaj tawm kom ua kevcai raus dej qhia hais tias ntxeev dua siab tshiab thiaj tau txais kev zam txim. 4 Raws li tej lus sau cia hauv xibhwb Isayah uas cev Abba (יחוח)Yahweh lus phau ntawv hais tias, muaj ib lub suab qw hauv tebchaws moj sab qhua hais tias, cia li npaj Tus Tswv txojkev, cia li ua nws txoj kev kom ncaj. 5 Txhua lub hav yuav raug muab txhub kom puv, txhua lub roob thiab tej pov roob yuav muab txo kom qes, tej kev nkhaus yuav muab kho kom ncaj, tej kev uas ib qho siab ib qho qes yuav ua kom tiaj, 6 thiab ib tsoom tibneeg sawvdaws yuav pom Abba (יחוח)Yahweh txojkev cawm dim. 7 Yahchanan hais rau cov tibneeg coob coob uas tuaj ua kevcai raus dej ntawm nws hais tias, cov niag noob nab phem, leejtwg ntuas kom nej khiav ntawm Abba (יחוח)Yahweh txojkev npau taws uas yuav los?

8 Cia li ua lub neej kom phim qhov uas nej ntxeev dua siab tshiab, thiab tsis txhob pib xav hauv lub siab hais tias, peb muaj Abraham ua peb txiv, rau qhov kuv qhia rau nej hais tias, Abba (יחוח)Yahweh muab tau tej pob zeb no ua tau Abraham tej tub ki. 9 Nimno twb muab rab taus twb rau ntawm hauv paus ntoo lawm. Txhua tsob ntoo uas tsis txi txiv zoo yuav raug muab ntov pov rau hauv cub hluavtaws. 10 Cov tibneeg ntawd thiaj nug Yahchanan hais tias, yog li ntawd peb yuav ua li cas? 11 Nws teb lawv hais tias, tus uas muaj ob lub tsho ntev, cia li muab faib rau tus uas tsis muaj. Tus uas muaj zaub mov kuj cia nws muab faib ib yam nkaus. 12 Cov tibneeg sau se kuj tuaj ua kevcai raus dej thiab nug nws hais tias, Xibhwb, peb yuav ua li cas? 13 Nws hais rau lawv hais tias, tsis txhob sau tshaj tej uas teem cia. 14 Cov tub rog kuj nug nws hais tias, peb nev, peb yuav ua li cas? Nws hais rau lawv hais tias, tsis txhob txhav luag nyiaj, tsis txhob nrhiav lus nkaug luag, cia li txaus siab rau nej tej nqe zog. 15 Tej tibneeg tos ntsoov thiab sawvdaws xav hauv lub siab hais tias tej zaum Yahchanan yog tus Messiah.

16 Yahchanan teb lawv sawvdaws hais tias, kuv muab nej ua kevcai raus hauv dej, tiamsis muaj ib tug muaj hwjchim loj dua kuv yuav los, kuv twb tsis tsim nyog daws nws txoj hlua khau. Nws yuav muab nej ua kevcai raus hauv Tus Ntsuj Plig uas dawb huv thiab hauv hluavtaws.

17 Rab ntxuam nyob hauv nws txhais tes lawm, nws yuav ntxuaj nws lub tshav ntaus qoob, thiab yuav sau nws tej mog los cia rau hauv txhab, tiamsis nws yuav muab hluavtaws hlawv cov npluag kub hnyiab tsis txawj tuag li. 18 Yahchanan qhuab qhia ntau zaj ntxiv thiab tshaj tawm txoj hmoo zoo rau lawv. 19 Tus Tswv xeev uas yog Helauj twb raug Yahchanan yws vim yog tim Helaudias uas yog Helauj tus kwv Philip tus pojniam thiab tim tej kev phem huvsi uas Helauj ua,

20 los Helauj tseem ua ib yam phem ntxiv rau tej uas nws ua tag lawd, yog qhov uas nws muab Yahchanan kaw rau hauv tsev lojfaj.

​

(יהושע)Yahshua Ua Kevcai Raus Dej

Mattithyah 3:13-17;Yahchanan Mark 1:9-11)

21 Thaum sawvdaws ua kevcai raus dej, (יהושע)Yahshua kuj ua kevcai raus dej thiab Thaum nws tabtom thov Abba (יחוח)Yahweh ces rooj ntug txawm qheb kiag, 22 mas Abba (יחוח)Yahweh tus Ntsuj Plig Dawbhuv zoo li ib tug nquab, nqes los rau saum nws, thiab muaj ib lub suab hais saum ntuj tuaj hais tias, koj yog kuv tus tub uas kuv hlub, kuv txaus siab rau koj heev.

​

(יהושע)Yahshua Cov Yawg Koob

(Mattithyah 1:1-17)

23 Thaum (יהושע)Yahshua pib qhia Abba (יחוח)Yahweh txoj lus, nws hnub nyoog muaj kwvlam peb caug xyoo. Raws li tibneeg suav mas (יהושע)Yahshua yog Yahseph tus tub, Yahseph yog Helis tub, 24 Helis yog Matas tub, Matas yog Levis tub, Levis yog Melakis tub, Melakis yog Yanas tub, Yanas yog Yahseph tub, 25 Yahseph yog Mathathias tub, Mathathias yog Amosyah tub, Amosyah yog Nahus tub, Nahus yog Exalis tub, Exalis yog Nakais tub, 26 Nakais yog Maas tub, Ma-as yog Mathathias tub, Mathathias yog Xemeis tub, Xeme is yog Yauxes tub, Yauxes yog Yaudas tub, 27 Yaudas yog Yauanas tub, Yauanas yog Lexas tub, Lexas yog Xelunpanpees tub, Xelunpanpees yog Seathiees tub, Seathiees yog Nelis tub, 28 Nelis yog Melakis tub, Melakis yog Adis tub, Adis yog Khauxas tub, Khauxas yog Eladas tub, Eladas yog Ws tub, 29 Ws yog Yausua tub, Yausua yog Eliyexaws tub, Eliyexaws yog Yaulis tub, Yaulis yog Matas tub, Matas yog Levis tub, 30 Levis yog Xime-oos tub, Xime-oos yog Yahdah tub, Yahdah yog Yahseph tub, Yahseph yog Yahnah tub, Yahnah yog Eliyakhis tub, 31 Eliyakhis yog Melias tub, Melias yog Menas tub, Menas yog Mathathas tub, Mathathas yog Nathas tub, Nathas yog Daviv tub, 32 Daviv yog Yexis tub, Yexis yog Aunpes tub, Aunpes yog Npau-as tub, Npau-as yog Xamoos tub, Xamoos yog Nasoos tub, 33 Nasoos yog Aminadas tub, Aminadas yog Amis tub, Amis yog Alanis tub, Alanis yog Hexaloos tub, Hexaloos yog Peles tub, Peles yog Yahdah tub, 34 Yahdah yog Yaaqob tub, Yaaqob yog Isaac tub, Isaac yog Abraham tub, Abraham yog Thelas tub, Thelas yog Nahaus tub, 35 Nahaus yog Xelus tub, Xelus yog Le-us tub, Le-us yog Peles tub, Peles yog Enpaws tub, Enpaws yog Selas tub, 36 Selas yog Khainas tub, Khainas yog Afaxas tub, Afaxas yog Xeeb tub, Xeeb yog Nau-as tub, Nau-as yog Lames tub, 37 Lames yog Methuxelas tub, Methuxelas yog Enauj tub, Enauj yog Yales tub, Yales yog Mahalalees tub, Mahalalees yog Khainas tub, 38 Khainas yog Enaus tub, Enaus yog Xej tub, Xej yog Adas tub, Adas yog Abba (יחוח)Yahweh tus tub.