(יהושע)Yahshua Raug Dab Dxwg Nyoog Sim

(Mattithyah 4:1-11;Yahchanan Mark 1:12-13)

1 (יהושע)Yahshua rov ntawm tus dej Yaladees los puv npo Tus Ntsuj Plig uas dawb huv, thiab Tus Ntsuj Plij coj nws mus rau hauv tebchaws moj sab qhua

2 mas (יהושע)Yahshua raug Ntxwg Nyoog sim tau plaub caug hnub. Txhua hnub ntawd (יהושע)Yahshua tsis tau noj abtsi li. Thaum dhau lub sijhawm ntawd, (יהושע)Yahshua tshaib plab heev.

3 Ntxwg Nyoog txawm hais rau (יהושע)Yahshua hais tias, yog koj yog Abba  (יחוח)Yahweh tus tub, cia li hais kom lub pob zeb no txia ua ncuav los maj.

4 (יהושע)Yahshua teb nws hais tias, twb muaj lus sau cia hais tias, tsis yog tib cov mov xwb thiaj cawm tau tibneeg txojsia. (Kevcai 8:3)

5 Ntxwg Nyoog txawm coj (יהושע)Yahshua nce mus rau ib lub chaw siab mas muab tag nrho tej tebchaws hauv ntiajteb ua tshwm rau (יהושע)Yahshua saib ib ntsais muag, 6 thiab hais rau (יהושע)Yahshua hais tias, lub hwjchim thiab tej koob meej no huvsi kuv yuav muab pub rau koj. Rau qhov tej no puavleej yog kuv tug huvsi. Kuv xav muab pub rau leej twg los yeej tau. 7 Yog koj txhos caug pe kuv, txhua yam no yuav yog koj tug tag nrho.

8 (יהושע)Yahshua txawm teb nws hais tias, twb muaj lus sau cia hais tias, nej yuav tsum pe Tus Tswv uas yog Abba (יחוח)Yahweh thiab teevtiam nws tib leeg xwb. (Kevcai 6:13)

9 Tomqab ntawd, Ntxwg Nyoog txawm coj (יהושע)Yahshua mus rau hauv lub nroog Yeluxalees, thiab coj (יהושע)Yahshua nce mus rau saum lub tuam tsev, txheej tsev las tshav uas siab tshaj plaws. Ntxwgnyoog hais rau (יהושע)Yahshua hais tias, yog koj yog (יחוח)Yahweh tus tub, cia li dhia ntawm no lawm hauv,

10 rau qhov twb muaj lus sau cia hais tias, (יחוח)Yahweh yuav muab koj cob rau nws cov tubtxib saum ntuj kom tsom kwm koj. (Ntawv Nkauj 91:11-12)

11 Thiab hais tias, Lawv txhais tes yuav hwj koj, kom koj kotaw thiaj tsis ntsawm pob zeb.

12(יהושע)Yahshua teb Ntxwg nyoog hais tias, twb muaj lus sau cia hais tias, tsis txhob yuam Abba  (יחוח)Yahweh uas yog koj Tus Tswv ua raws li koj lub siab. (Kevcai 6:16)

13 Thaum Ntxwg Nyoog sim txhua yam tag lawm, nws txawm tso (יהושע)Yahshua tseg thiab mus lawm, thiab tos txog thaum rov muaj zoo sijhawm tso.

​

(יהושע)Yahshua Pib Ua Nws Tes Haujlwm

(Mattithyah 4:12-17;Yahchanan Mark 1:14-15)

14 (יהושע)Yahshua rov mus pem Kalilais muaj Tus Ntsuj Plig lub hwjchim nrog nraim, thiab nws lub moo nrov nto moo lug mus thoob plaws ib ncig ntawd.

15 Nws qhuab qhia hauv lawv tej tsev sablaj mas sawvdaws qhuas nws.

​

Cov Tibneeg Naxales Tsis Lees Yuav (יהושע)Yahshua

(Mattithyah 13:53-58; Yahchanan Mark 6:1-6)

16 (יהושע)Yahshua txawm los txog hauv lub moos Nanales uas nws loj hlob hauv mas hnub Sabbath nws mus rau hauv lub tsev sablaj raws li nws ib txwm mus. Nws sawv tsees yuav nyeem Abba (יחוח)Yahweh phau ntawv rau sawvdaws mloog. 17 Muaj ib tug muab phau ntawv uas xibhwb Isayah sau los cev rau (יהושע)Yahshua, (יהושע)Yahshua nthuav phau ntawv ntawd thiab nrhiav tau nqe uas sau cia hais tias,18 Abba(יחוח)Yahweh tus Ntsuj Plig nrog nraim kuv, vim nws tau tsa kuv kom coj txoj hmoo zoo mus qhia rau cov tibneeg pluag. Nws txib kuv mus tshaj tawm txojkev dim rau cov uas raug ntes, thiab tshaj tawm qhov uas cov dig muag yuav rov pom kev, thiab ua kom cov uas raug quab yuam tau nyob ywj pheej. (Yaxayah 61:1-2)

19 Thiab kom kuv mus qhia rau sawvdaws paub lub sij hawm uas Abba (יחוח)Yahweh yuav los cawm nws haivneeg.

20 Thaum (יהושע)Yahshua nyeem tas, nws muab phau ntawv cev rov qab rau tus uas saib xyuas tej ntawv thiab nws rov zaum. Cov uas nyob hauv lub tsev sablaj txhua tus lub qhov muag saib ntsoov rau (יהושע)Yahshua.

21 (יהושע)Yahshua hais rau lawv hais tias, tej lus uas nej hnov kuv nyeem hauv phau ntawv ntawd twb tiav tas rau hnub no lawm.

22 Txhua tus kuj qhuas (יהושע)Yahshua thiab xav tsis thoob txog tej lus zoo uas tawm hauv nws lub qhov ncauj, thiab lawv hais tias, tus no tsis yog Yahseph tus tub lov? 23 Nws txawm hais rau lawv hais tias, nej yeej xav hais nqe paj lug no rau kuv hais tias, tus Kws tshuaj cia li rov kho koj tus kheej. Tej uas peb hnov koj ua rau hauv lub moos Khapenaus cia li ua rau hauv koj lub moos no los maj.

 24 Thiab (יהושע)Yahshua hais tias, kuv hais tseeb rau nej hais tias, tsis muaj ib tug xibhwb cev Abba (יחוח)Yahweh lus twg uas cov tibneeg nyob hauv nws lub zos yuav hwm nws. 25 Kuv hais tseeb rau nej hais tias, thaum lub sijhawm Eliyas nyob, yeej muaj tej pojntsuam coob coob nyob hauv Ixayees tebchaws. Thaum ntawd nag tsis los tau peb xyoos thiab rau hli, ua rau lub tebchaws ntawd thoob plaws qhovtxhia qhovchaw muaj kev tshaib plab heev. 26 Txawm yog muaj pojntsuam coob npaum li ntawd nyob hauv Ixayees tebchaws los, Abba (יחוח)Yahweh tsis tau txib Eliyas mus pab cov pojntsuam ntawd ib tug twg hlo li. Abba (יחוח)Yahweh tsuas txib Eliyas mus pab tus pojntsuam uas nyob hauv lub zos Xalefas ze lub zos Xidoos tib leeg xwb. 27 Thiab thaum lub sij hawm Elixas ua xibhwb cev Abba (יחוח)Yahweh lus, muaj tibneeg mob lig mob ruas coob kawg nyob hauv Ixayees tebchaws. Tsis muaj ib tug twg yuav zoo ruas hlo li, tsuas yog Naamas uas yog tibneeg Syria tib leeg thiaj li zoo ruas xwb.

28 Thaum lawv hnov (יהושע)Yahshua hais li ntawd, txhua tus uas nyob hauv lub tsev sablaj ntawd kuj chim heev.

29 Lawv sawv pes tsees muab (יהושע)Yahshua thawb tawm hauv lub moos mus thiab coj nws mus rau saum hauv tsua uas rhawv lub moos ntawd yuav muab nws thawb poob mus. 30 Tiamsis (יהושע)Yahshua cia li pluav dhau plaws hauv lawv mus lawm.

​

Tus Yawg Uas Raug Dab

(Yahchanan Mark 1:21-28)

31 (יהושע)Yahshua txawm mus txog lub moos Khapenaus hauv lub xeev Kalilais, thiab qhuab qhia lawv rau hnub Sabbath.

32 Lawv kuj xav tsis thoob rau tej lus uas (יהושע)Yahshua qhia, rau qhov nws tej lus muaj hwjchim.  33 Muaj ib tug nyob hauv tsev sablaj raug dab qias qw nrov hais tias, 34 Au (יהושע)Yahshua uas yog tibneeg Nanales, koj tuaj thab peb ua abtsi? Koj tuaj ua kom peb puam tsuaj lov? Kuv paub koj yog leejtwg, koj yog tus dawb huv ntawm Abba

(יחוח)Yahweh.

35 (יהושע)Yahshua txawm txwv dab hais tias, cia li nyob twjywm, thiab cia li tawm plaws hauv nws mus. Tus dab ua rau tus ntawd ntog vau hlo rau hauv lawv nruab nrab ces txawm tawm hauv tus ntawd mus lawm, tsis ua phem li cas.

36 Sawvdaws phimhwj heev sib tham hais tias, tej lus no yog abtsi? Rau qhov nws muaj hwjchim thiab muaj peevxwm hais rau dab mas dab kuj tawm mus.

37 (יהושע)Yahshua lub moo txawm nrov nto moo mus thoob plaws txhua qhov ib cheeb tsam ntawd.

​

(יהושע)Yahshua Kho Kepha Niamtais

(Mattithyah 8:14-17; Yahchanan Mark 1:29-34)

38 (יהושע)Yahshua tawm hauv tsev sablaj mus rau tom Simon tsev. Simon niam tais tabtom ua npaws heev, lawv txawm thov (יהושע)Yahshua pab nws.

39 (יהושע)Yahshua los sawv ntsug ntawm nws ib sab thiab txwv tus mob mas tus npaws txawm zoo kiag. Tamsim ntawd nws txawm sawv tsees los ua zaub ua mov rau (יהושע)Yahshua lawv noj.

40 Thaum hnub yuav poob qho txhua tus uas muaj tibneeg mob tsis hais mob yam twg kuj coj tuaj cuag (יהושע)Yahshua. Nws muab tes npuab saum lawv txhua tus thiab kho lawv zoo huvsi. 41 Tej tibneeg raug dab, (יהושע)Yahshua kuj ntiav dab tawm mus tag nrho. Thaum cov dab ntawd tawm mus, lawv qw nrov nrov hais tias, koj yog Abba (יחוח)Yahweh tus tub. (יהושע)Yahshua txwv tsis pub cov dab ntawd hais lus vim cov dab ntawd paub hais tias (יהושע)Yahshua yog tus Messiah.

​

(יהושע)Yahshua Qhuab Qhia Txhua Qhov

(Yahcahanan Mark 1:35-39)

42 Thaum kaj ntug (יהושע)Yahshua tawm mus rau ib qho chaw uas tsis muaj tibneeg nyob. Cov tibneeg kuj mus nrhiav (יהושע)Yahshua thiab tuaj cuag nws, lawv thiaj cheem tsis kheev nws ncaim lawv mus .

43 Tiamsis (יהושע)Yahshua hais rau lawv hais tias, kuv yuav tsum tshaj tawm txoj hmoo zoo hais txog Abba ((יחוח)Yahweh lub tebchaws rau lwm lub moos thiab, rau qhov Abba (יחוח)Yahweh yeej txib kuv los ua tes haujlwm no.

44 (יהושע)Yahshua txawm mus tshaj tawm rau hauv tej tsev sablaj hauv Yahdah tebchaws.