(יהושע)Yahshua Hu Thawj Pab Thwjtim

(Mattithyah 4:18-22; Yahchanan Mark 1:16-20)

1 Thaum (יהושע)Yahshua sawv ntsug ntawm ntug dej hiavtxwv Kenexales, muaj tibneeg sib txiv qev vij nws xav mloog Abba ((יחוח)Yahweh tej lus.

2 (יהושע)Yahshua pom ob lub nkoj ntawm ntug hiavtxwv, cov tibneeg muab ntses twb tawm hauv lub nkoj los lawm thiab tabtom ntxhuav vas.

3(יהושע)Yahshua txawm nce rau hauv ib lub nkoj uas yog Simon lub, thiab thov Simon txav kom deb ntug mentsis. (יהושע)Yahshua txawm zaum hauv lub nkoj qhuab qhia cov tibneeg.

4 Thaum nws qhia tag lawd, nws hais rau Simon hais tias, cia li tsav nkoj mus rau tom qhov uas dej tob es muab lub vas ntaus ntses. 5 Simon teb (יהושע)Yahshua hais tias, Xib hwb, peb twb ntaus ib hmos khwv kawg tsis tau abtsi li. Tiamsis yog koj hais, ces kuv yuav ntaus ib vag. 6 Lawv txawm ntaus ib vag mas lawv tau ntses ntau kawg li, lub vas twb yuav ntuag. 7 Lawv txawm co tes hu cov phoojywg uas nyob dua ib lub nkoj tuaj pab. Cov ntawd kuj tuaj mas tau ntses puv nkaus ob lub nkoj, mas ob lub nkoj twb yuav tog. 8 Thaum Simon Kepha pom li ntawd nws txawm khwb nkaus ntawm (יהושע)Yahshua hauv caug pe thiab hais tias, Tus Tswv, cia li tawm ntawm kuv mus rau qhov kuv yog tibneeg muaj txim, 9 vim nws thiab txhua tus uas nrog nws ua ke phimhwj rau cov ntses uas lawv ntaus tau ntawd.

10 Yaaqob thiab Yahchanan uas yog Xenpedis li tub uas nrog Simon ntaus ntses ua ke kuj phimhwj ib yam nkaus. (יהושע)Yahshua txawm hais rau Simon hais tias, tsis txhob ntshai, txij no mus koj yuav ua tus uas mus npo tibneeg.

11 Thaum lawv nquam ob lub nkoj los txog tim ntug lawm, lawv txawm tso txhua yam tseg raws (יהושע)Yahshua qab mus.

​

(יהושע)Yahshua Kho Tus Mob Lig Mob Ruas

(Mattithyah 8:1-4; Yahchanan Mark 1:40-45)

12 Thaum (יהושע)Yahshua nyob hauv ib lub moos, txawm muaj ib tug mob ruas thoob plaws ib ce los. Thaum nws pom dheev (יהושע)Yahshua nws txawm pe khwb ti nkaus av thov hais tias, Tus Tswv, yog koj xav kho, koj yeej kho tau kuv zoo kom huv.

13 (יהושע)Yahshua txawm cev kiag tes mus npuab nws thiab hais tias, kuv xav los maj, cia li zoo kiag huv lauj. Tamsim ntawd nws tej mob ruas txawm tawm hauv nws lub cev lawm.  14 (יהושע)Yahshua txwv tus ntawd kom tsis txhob qhia rau leejtwg, thiab hais tias, cia li mus qhia koj lub cev rau tus pov thawj saib thiab xyeem tej uas ua kevcai ntxuav kom koj huv raws li Mauxes qhia tseg lawd ua timkhawv rau sawvdaws. 15 Tiamsis (יהושע)Yahshua lub moo yimhuab nrov ncha mus thoob plaws qhov txhia chaws huv tibsi. Muaj tibneeg coob coob tuaj txoos ua ke yuav mloog (יהושע)Yahshua thiab kho lawv tej mob kom zoo.

16 Tiamsis (יהושע)Yah-shua cia li ncaim lawv mus rau ib qho uas tsis muaj tibneeg nyob thiab thov Abba (יחוח)Yahweh.

​

(יהושע)Yahshua Kho Tus Tuag Tes Tuag Taw

(Mattithyah 9:1-8; Yahchanan Mark 2:1-12)

17 Muaj ib hnub thaum (יהושע)Yahshua tabtom qhuab qhia, cov Falixais thiab cov xib-hwb qhia Abba (יחוח)Yahweh txoj kevcai zaum ua ke. Cov tibneeg ntawd tuaj txhua lub moos hauv Kalilais tebchaws thiab Yahdah tebchaws tuaj, thiaj tuaj nram lub nroog Yeluxalees tuaj. (יהושע)Yahshua muaj hwjchim ntawm Abba (יחוח)Yahweh kho tau mob.  18 Txawm muaj tibneeg kwv ib tug tuag tes tuag taw hauv lub chaw pw tuaj, lawv yuav kwv tus ntawd los tso rau ntawm (יהושע)Yahshua xubntiag. 19 Thaum lawv tsis tau kev kwv los rau hauv, vim tibneeg coob heev, lawv txawm nce mus rau txheej sab saud thiab yaws cov vuas ib qho tso tus ntawd dauv nrog lub chaw pw ua ke los rau ntawm (יהושע)Yahshua xubntiag hauv nruab nrab cov tib-neeg ntawd. 20 Thaum (יהושע)Yahshua pom lawv kev ntseeg nws txawm hais tias, Phoojywg es, koj lub txim twb muab daws lawm.

21 Cov xibhwb qhia Abba (יחוח)Yahweh kevcai thiab cov Falixais txawm pib nug hais tias, tus uas hais lus tuam mom Abba (יחוח)Yahweh no yog leejtwg? Leejtwg yuav daws tau lub txim tsuas yog Abba (יחוח)Yahweh xwb? 22 Thaum (יהושע)Yahshua paub hais tias lawv xav li cas nws thiaj teb lawv hais tias, ua cas nej yuav xav li no hauv nej lub siab?

23 Qhov uas hais tias, twb daws koj lub txim lawm, thiab hais tias, cia li sawv tsees mus kev, qhov twg yoojyim dua?

24 Kom nej thiaj paub hais tias Neeg Leej Tub muaj hwjchim hauv lub ntiajteb daws tau lub txim, (יהושע)Yahshua thiaj hais rau tus tuag tes tuag taw hais tias, kuv hais rau koj hais tias, cia li sawv tsees nqa koj lub chaw pw mus tsev.

25 Tamsim ntawd nws txawm sawv tsees tab meeg sawvdaws thiab nqa kiag nws lub chaw pw mus tsev thiab qhuas Abba (יחוח)Yahweh. 26 Tej tibneeg sawvdaws thiaj phim-hwj heev thiab qhuas Abba (יחוח)Yahweh thiab ntshai heev hais tias, Hnub no peb tau pom yam uas txawv ua luaj li.

​

(יהושע)Yahshua Hu Levis

(Mattithyah 9:9-13;Yahchanan Mark 2:13-17)

27 Dhau ntawd lawm (יהושע)Yahshua tawm mus mas pom ib tug tibneeg sau se hu ua Levis zaum ntawm lub rooj sau se. (יהושע)Yahshua txawm hais rau nws hais tias, cia li raws kuv qab mus. 28 Levis txawm sawv tsees tso txhua yam tseg raws (יהושע)Yahshua qab mus. 29 Levis npaj ib pluag rau (יהושע)Yahshua noj hauv nws lub tsev, mas cov tibneeg sau se coob coob thiab lwm tus nrog (יהושע)Yahshua lawv zaum ua ke ntawm rooj mov. 30 Cov Falixais thiab lawv cov xibhwb qhia Abba (יחוח)Yahweh kevcai yws rau (יהושע)Yahshua cov thwjtim hais tias, ua cas nej nrog cov tibneeg sau se thiab cov tibneeg muaj txim noj haus ua ke? 31 (יהושע)Yahshua txawm teb lawv hais tias, cov tib neeg uas tsis muaj mob tsis cheem tsum Kws tshuaj, tsuas yog cov muaj mob thiaj cheem tsum xwb. 32 Kuv tsis yog los hu cov tibneeg ncaj ncees, tiamsis yog los hu cov tibneeg muaj txim kom ntxeev dua siab tshiab.

​

Kevcai Yoo Mov

(Mattithyah 9:14-17; Yahchanan Mark 2:18-22)

33 Mas lawv hais rau (יהושע)Yahshua hais tias, Yahchanan cov thwjtim thiab cov Falix-ais cov thwjtim kuj coj kevcai yoo mov ntau zaus thiab thov Abba (יחוח)Yahweh, tiamsis koj cov thwjtim cia li noj thiab haus.

34 (יהושע)Yahshua hais rau lawv hais tias, nej yuam tau tus nraug vauv cov kwvluag kom yoo mov rau thaum tus nraug vauv tseem nrog lawv nyob lov?

35 Yuav muaj ib hnub twg uas tus nraug vauv yuav raug muab coj ncaim lawv mus, mas thaum ntawd lawv yuav coj kevcai yoo mov. 36 (יהושע)Yahshua kuj ua ib zaj paj lug hais rau lawv hais tias, tsis muaj leejtwg muab lub tsho tshiab dua ib qho los ntxiv lub tsho qub. Yog ua li ntawd lub tsho tshiab yuav ntuag thiab daim ntaub ntawm lub tsho tshiab kuj tsis phim lub tsho qub. 37 Thiab tsis muaj leejtwg muab cawv txiv hmab tshiab ntim rau hauv lub hnab tawv qub. Yog ua li ntawd, cov cawv txiv hmab tshiab yuav ua rau lub hnab tawv tawg, mas cov cawv txiv hmab yuav xau tag thiab lub hnab yuav piam tag.

38 Cov cawv txiv hmab tshiab yuav tsum muab ntim rau hauv lub hnab tawv tshiab. 39 Tsis muaj leejtwg thaum haus cawv txiv hmab qub lawm, yuav nqhis cawv txiv hmab tshiab, rau qhov nws hais tias, cov qub zoo dua.