De Hnab Mog Hnub Sabbath

(Mattithyah 12:1-8; Yahchanan Mark 2:23-28)

1 Muaj ib hnub Sabbath (יהושע)Yahshua tabtom taug kev hauv ib daim teb mog mas nws cov thwjtim txawm de hnab mog los mos noj. 2 Cov Falixais qee leej hais hais tias, ua cas nej ua tej uas caiv tsis kheev ua rau hnub Sabbath?

3 (יהושע)Yahshua teb hais tias, nej tsis tau nyeem tej uas Daviv ua rau thaum nws thiab cov tibneeg uas nrog nws tshaib plab lov?  4 Nws twb nkag mus rau hauv Abba (יחוח)Yahweh lub tsev, thiab muab tej ncuav uas xyeem txawb rau ntawm Abba (יחוח)Yahweh lub xubntiag los noj, thiab nws tseem muab rau cov uas nrog nws ua ke noj. Tej ntawd yog tej uas caiv tsis pub noj, tsuas yog cov pov thawj thiaj noj tau xwb. 5 Thiab (יהושע)Yahshua hais rau lawv hais tias, Neeg Leej Tub yeej yog hnub Sabbath Tus Tswv.

​

Tus Yawg Qhuav Tes

(Mattithyah 12:9-14; Yahchanan Mark 3:1-6)

6 Muaj dua ib hnub Sabbath thaum (יהושע)Yahshua mus rau hauv lub tsev sablaj thiab qhuab qhia mas muaj ib tug yawg qhuav sab tes xis nyob ntawd.

7 Cov xibhwb qhia Abba  (יחוח)Yahweh kevcai thiab cov Falixais txawm soj saib (יהושע)Yahshua yuav kho tus mob ntawd rau hnub Sabbath los tsis kho xwv lawv thiaj tau chaw nkaug (יהושע)Yahshua.

8 Tiamsis (יהושע)Yahshua twb paub tej uas lawv xav, nws thiaj hais rau tus yawg qhuav tes hais tias, cia li los sawv rau tom hauv ntej no. Nws txawm sawv tsees mus sawv ntsug rau ntawd. 9 (יהושע)Yahshua txawm hais rau lawv hais tias, kuv nug nej ib los saib, hnub Sabbath muaj cai ua qhov zoo los ua qhov phem, muaj cai cawm txojsia los txov txojsia kom tu? 

10 (יהושע)Yahshua tsa muag saib rau lawv sawvdaws ib ncig ntawd, thiab hais rau tus qhuav tes ntawd hais tias, cia li xyab kiag koj txhais tes lauj! Tus ntawd txawm ua li ntawd, mas nws txhais tes txawm zoo kiag li qub. 11 Lawv chim rau (יהושע)Yahshua heev, lawv txawm sablaj saib yuav ua li cas rau (יהושע)Yahshua.

​

(יהושע)Yahshua Xaiv Kaum Ob Tug Thwjtim

(Mattithyah 10:1-4; Yahchanan Mark 3:13-19)

12 Thaum ntawd (יהושע)Yahshua mus thov Abba (יחוח)Yahweh pem roob, nws thov Abba (יחוח)Yahweh ib hmos kaj ntug.

13 Thaum kaj ntug (יהושע)Yahshua hu nws cov thwjtim los thiab xaiv kaum ob tug uas nws tis npe hu ua tubtxib, 14 yog Simon uas (יהושע)Yahshua tis dua ib lub npe hu ua Kepha, Kepha tus kwv Andrew, Yaaqob, Yahchanan, Philip, Bar-Tolmai, 15 Mattithyah, Thomas, Cheleph tus tub Yaaqob, Simon uas hu ua Zealot, 16 Yaaqob tus tub Yahdah, Yahdah Iscariot uas fav xeeb.

​

(יהושע)Yahshua Qhuab Qhia Thiab Kho Mob

(Mattithyah 4:23-25)

17 (יהושע)Yahshua thiab kaum ob tug tub-txib ntawd nqes los sawv rau ntawm ib lub chaw tiaj. Muaj lwm pab thwjtim coob thiab tibneeg coob coob heev tuaj thoob plaws lub xeev Yahdah thiab hauv Yeluxalees thiab ntawm ntug hiavtxwv uas yog Thailab thiab Xaidoos li kav xyuam tuaj mloog

(יהושע)Yahshua qhia thiab tuaj kho lawv tej mob. 18 Cov uas raug kev txom nyem vim yog raug dab qias los (יהושע)Yahshua kuj kho tau zoo huvsi. 19 Ib tsoom tibneeg sawvdaws xav kov (יהושע)Yahshua vim yog hwjchim tawm hauv nws los kho lawv txhua tus zoo tag huvsi.

​

Kaj Siab Lug Thiab Txom Nyem

(Mattithyah 5:1-12)

20 (יהושע)Yahshua tsa muag saib rau nws cov thwjtim. Nws hais rau lawv hais tias, cov tibneeg txomnyem es, nej tau koob hmoov, rau qhov Abba (יחוח)Yahweh twb los kav nej lub siab lawm. 21 Cov tibneeg uas nimno tshaib tshai nqhis nqhis es, nej tau koob hmoov thiab nej yuav tau noj tau haus tsau npo. Cov tibneeg uas nimno quaj qw es, nej tau koob hmoov, nej yuav muaj lub ntsejmuag luag. 22 Thaum muaj tibneeg ntxub nej, muaj tibneeg tsis lees yuav nej, muaj tibneeg thuam nej, thiab hais tias, nej yog cov tibneeg siab phem, vim nej yog Neeg Leej Tub cov thwj-tim, thaum ntawd nej tau koobhmoov.

23 Thaum muaj li ntawd nej cia li zoo siab hlo dhia luag ntxhi, rau qhov Abba (יחוח)Yahweh twb khaws nej tej nqi zog ntau kawg li cia rau hauv lub nroog Yeluxalees tos nej lawm. Vim lawv tej poj koob yawm txwv twb ua ib yam nkaus li ntawd rau cov xibhwb cev Abba (יחוח)Yahweh lus puag thaum ub lawm thiab.

24 Cov tibneeg uas nplua nuj es, nej yuav raug txom nyem lauj, rau qhov nej twb tau zoo los lawm. 25 Cov tibneeg uas nimno tau noj tsau npo es, nej yuav raug txim, rau qhov nej yuav tsis muaj noj tsis muaj haus. Cov tibneeg uas nimno muaj lub ntsejmuag luag es, nej yuav raug txim, rau qhov nej yuav muaj kev quaj ntsuag. 26 Thaum sawvdaws qhuas nej, nej yuav raug txom nyem lauj, rau qhov lawv tej poj koob yawm txwv twb ua ib yam nkaus li ntawd rau cov cuav xibhwb cev lus puag thaum ub lawm thiab.

​

Hlub Yeeb Ncuab

(Mattithyah 5:38-48,7:12)

27 Tiamsis kuv hais rau nej cov uas mloog kuv hais tias, nej yuav tsum hlub nej cov yeeb ncuab thiab ua zoo rau cov uas ntxub nej.

28 Thiab thov Abba (יחוח)Yahweh foom koob hmoov rau cov uas tsawm foom nej thiab thov Abba (יחוח)Yahweh pab cov uas ua phem rau nej. 29 Leejtwg ntaus koj ib sab plhu, cia li tig sab tod rau nws ntaus thiab. Leejtwg txeeb koj lub tsho ntev mus, cia li kam muab koj lub tsho sab hauv rau nws thiab. 30 Cia li pub rau txhua tus uas thov koj. Yog leejtwg txeeb koj ib yam abtsi mus lawm, tsis txhob muab thim rov los. 31 Nej xav kom lwm tus ua li cas rau nej, nej cia li ua ib yam li ntawd rau lwm tus.

32 Yog nej hlub cov uas hlub nej xwb, nej tau koob hmoov li cas? Txawm yog cov tibneeg muaj txim los kuj hlub cov uas hlub lawv thiab. 33 Yog nej ua zoo rau cov uas ua zoo rau nej xwb, nej tau koob hmoov li cas? Txawm yog cov muaj txim los kuj ua ib yam li ntawd thiab. 34 Yog nej tsuas qev rau cov uas nej vam hais tias yuav tau rov qab xwb, nej tau koob hmoov li cas? Txawm yog cov muaj txim los kuj qev rau cov muaj txim uas yuav tau rov qab sib npaug thiab.

35 Tiamsis nej yuav tsum hlub nej cov yeeb ncuab thiab ua zoo rau lawv thiab qev txais tsis txhob vam hais tias yuav tau rov qab, mas nej thiaj yuav tau nqe zog ntau thiab nej yuav ua tau Abba (יחוח)Yahweh uas loj dua ntais cov menyuam rau qhov nws yeej ua siab dav rau tus uas mom txiaj mom ntsig thiab siab phem. 36 Nej yuav tsum khuvleej luag ib yam li nej Leej Txiv khuvleej.

Tsis Txhob Txiav Txim Rau Lwm Tus

(Mattithyah 7:1-5)

37 Nej tsis txhob txiav txim rau luag nej thiaj tsis raug txiav txim. Tsis txhob rau txim rau luag nej thiaj tsis raug rau txim. Cia li zam txim rau luag mas nej thiaj tau txais kev zam txim. 38 Cia li pub rau luag, mas nej thiaj li tau txais. Nej yuav tau txais co ceev nias puv nkaus thoob phwj yos rau hauv nej lub xub-ntiag. Nej muab lub thoob twg luj rau luag, yuav muab lub thoob ntawd luj rov rau nej ib yam nkaus.

39 (יהושע)Yahshua ua paj lug hais rau lawv hais tias, tibneeg dig muag yuav coj tibneeg dig muag kev tau lov? Nkawv yuav tsis poob rau hauv qhov lov? 40 Tus tub kawm yeej tsis loj dhau tus xibhwb qhia. Txhua tus uas kawm tiav tag yuav zoo thooj li tus xibhwb qhia. 41 Ua cas koj yuav pom qhov nyuag hmoov ntoo hauv koj tus kwvtij lub qhov muag, tiamsis koj tsis quav ntsej txog tog niag ntoo uas nyob hauv koj lub qhov muag? 42 Ua cas koj yuav hais tau rau koj tus kwvtij hais tias, kwvtij, cia kuv so qhov nyuag hmoov ntoo hauv koj lub qhov muag tawm, tiamsis koj ho tsis pom tog niag ntoo nyob hauv koj lub qhov muag? Tus tibneeg ncauj lus zoo siab phem, cia li rho tog niag ntoo hauv koj lub qhov muag ua ntej tso, koj thiaj pom meej thiaj so tau qhov nyuag hmoov ntoo hauv koj tus kwvtij lub qhov muag tawm.

Tsob Ntoo Thiab Cov Txiv

(Mattithyah 7:16-20,12:33-35)

43 Tsob ntoo zoo yeej tsis txi cov txiv phem, tsob ntoo phem yeej tsis txi cov txiv zoo.

44 Yuav paub txhua tsob ntoo ntawm cov txiv, rau qhov yeej tsis de txiv cev ntawm tsob ntoo pos kaus ntsaj lossis de txiv hmab ntawm tsob pos kaus ntsim. 45 Tus tibneeg zoo yeej muab yam zoo uas muaj nyob hauv nws lub siab los txi txiv zoo, tus tibneeg phem yeej muab yam phem uas muaj nyob hauv nws los txi txiv phem. Rau qhov lub qhov ncauj yeej hais tej uas muaj puv nkaus hauv lub siab tawm los.

Ob Tug Uas Ua Tsev

(Mattithyah 7:24-27)

46 Ua cas nej hu kuv hais tias Tus Tswv, Tus Tswv tiamsis tsis ua raws li kuv hais? 47 Txhua tus uas los cuag kuv thiab hnov kuv tej lus thiab ua raws nraim, kuv yuav qhia rau nej paub hais tias nws zoo li cas. 48 Nws zoo li tus uas ua tsev, nws khawb tob tob thiab tiag taw rau saum daim lag zeb. Thaum dej nyab, dej ntsawj lub tsev ntawd los ua tsis tau rau lub tsev ntawd ua zog, rau qhov ua ruaj heev.

49 Tiamsis tus uas hnov los tsis ua raws nraim, kuj zoo li tus uas ua tsev rau saum npoo av, tsis tiag tej taw. Thaum muaj dej ntsawj ces lub tsev ntawd txawm pob vau hlo tamsid, mas lub tsev ntawd puam tsuaj loj heev.