LUKE 7

 (יהושע)Yahshua Kho Tus Thawj Rog Romans Tus Tub Qhe

(Mattithyah 8:5-13)

1 Thaum (יהושע)Yahshua hais tej lus no huvsi rau lawv mloog tag lawm nws txawm mus rau hauv lub moos Khapenaus. 2 Ib tug thawj rog uas kav ib puas leej muaj ib tug qhev uas nws hlub heev mob hnyav twb yuav tuag. 3 Thaum nws hnov txog (יהושע)Yahshua nws txawm txib Yahdaim cov kev txwj laug mus thov (יהושע)Yahshua tuaj kho nws tus tub qhe.

4 Thaum lawv tuaj cuag (יהושע)Yahshua lawv siv zog thov nws hais tias, tus thawj rog ntawd tsim nyog koj mus ua yam no rau nws, 5 rau qhov nws hlub peb haiv neeg thiab ua lub tsev sablaj rau peb. 6(יהושע)Yahshua txawm nrog lawv mus. Thaum mus yuav txog tsev tus thawj rog txawm txib phoojywg mus hais rau (יהושע)Yahshua hais tias, Tus Tswv, thov tsis txhob tab kaum koj, rau qhov kuv yog ib tug uas tsis tsim nyog koj yuav nkag mus rau hauv kuv lub tsev.

7 Vim li no kuv thiaj pom hais tias kuv tsis tsim nyog mus cuag koj. Thov koj cia li hais xwb thiab kho kuv tus tub qhe kom zoo. 8 Rau qhov kuv kuj nyob hauv tub rog txoj qab kev tswjhwm thiab tseem muaj cov tub rog uas kuv tswjhwm. Kuv hais rau tus no hais tias, cia li mus, nws kuj mus, thiab hais rau dua ib tug hais tias, cia li los, nws kuj los, thiab kuv hais rau kuv tus tub qhe hais tias, cia li ua yam no, nws kuj ua.

9 Thaum (יהושע)Yahshua hnov nws hais li ntawd, (יהושע)Yahshua xav tsis thoob rau nws, (יהושע)Yahshua txawm tig los hais rau cov tibneeg coob uas raws nws qab hais tias, kuv hais rau nej hais tias, txawm yog hauv cov Ixayees los kuv tsis tau pom muaj kev ntseeg loj li no. 10 Thaum cov uas tus thawj rog txib mus ntawd rov los txog tsev kuj pom tus tub qhe ntawd zoo kiag lawm.

​

Tsa Tus Poj Ntsuam Tus Tub Ciaj Los

11 Dhau ntawd tsis ntev (יהושע)Yahshua mus rau hauv lub moos Na-is, nws cov thwj-tim thiab tej tibneeg coob coob nrog nws mus. 12 Thaum nws tuaj ze lub rooj loog ntawd, txawm muaj tibneeg kwv ib tug tuag tawm tuaj, yog ib tug poj ntsuam tib tug tub. Muaj tibneeg coob hauv lub moos nrog nws tuaj.

13 Thaum (יהושע)Yahshua pom leej niam ntawd nws khuvleej heev, thiab hais rau nws hais tias, tsis txhob quaj. 14(יהושע)Yahs-hua txav mus kov lub hleb, cov tibneeg kwv tuag kuj nres. (יהושע)Yahshua hais tias, tub hluas es, kuv hais rau koj, cia li sawv. 15 Tus tuag ntawd txawm sawv zaum pib hais lus. (יהושע)Yahshua thiaj muab tus ntawd cob rau leej niam. 16 Txhua tus kuj ntshai heev thiab lawv qhuas Abba (יחוח)Yahweh hais tias, ib tug xibhwb cev Abba (יחוח)Yahweh lus loj kawg tshwm los rau hauv peb lawm. Thiab hais tias, Abba (יחוח)Yahweh los saib nws haiv neeg lawm. 17(יהושע)Yahshua lub moo no nrov nto moo lug mus thoob plaws lub xeev Yahdah thiab ib ncig ntawd.

​

Yahchanan Txib Tibneeg Mus Nug (יהושע)Yahshua

(Mattithyah 11:2-19)

18 Yahchanan cov thwjtim kuj piav txhua yam no rau Yahchanan mloog.

19 Yahchanan txawm hu nws ob tug thwjtim los thiab txib nkawv mus nug Tus Tswv hais tias, koj yog tus uas yuav los ntawd lov? Lossis peb yuav tos dua lwm tus?

20 Thaum nkawv mus cuag (יהושע)Yahshua lawd, nkawv hais tias, Yahchanan uas coj ua kevcai raus dej txib wb tuaj cuag koj nug hais tias, koj yog tus uas yuav los ntawd lov? Lossis peb yuav tos dua lwm tus? 

21 Lub sijhawm ntawd (יהושע)Yahshua kho ntau leej mob nkeeg zoo thiab dim ntawm dab thiab kho ntau leej uas dig muag pom kev 22 (יהושע)Yahshua txawm teb ob tug ntawd hais tias, cia li mus qhia tej uas nej pom thiab nej hnov lawd rau Yahchanan. Tibneeg dig muag kuj pom kev lawm, tibneeg ceg tawv kuj mus tau kev, cov uas mob lig mob ruas kuj zoo huv lawm, cov uas lag ntseg kuj hnov tau lus, cov uas tuag kuj raug muab tsa ciaj sawv los thiab txoj Hmoo zoo kuj piav mus rau cov tibneeg pluag lawm. 23 Tus uas tsis dawm kuv kuj tau nyob kaj siab lug.

24 Thaum Yahchanan ob tug tub xa xov rov mus lawm, (יהושע)Yahshua pib hais txog Yahchanan rau cov tibneeg ntawd mloog hais tias, nej tawm mus rau tom tebchaws moj sab qhua mus saib abtsi? Nej mus saib tug tauj deg uas cua ntsawj rawv mus rawv los lov? 25 Los nej tawm mus saib abtsi? Nej mus saib ib tug uas hnav tsuj hnav npuag lov? Saib maj, cov uas hnav tsoos zoo nkauj thiab muaj nplua mias yeej nyob hauv vajntxwv lub tsev. 26 Los nej mus saib abtsi? Mus saib ib tug xibhwb cev Abba (יחוח)Yahweh lus lov? Kuv hais rau nej hais tias, tseeb tiag, thiab nws loj dua ib tug xibhwb cev lus. 27 Nws yog tus uas twb muaj sau tseg cia lawm hais tias, saib maj, kuv tso kuv tus tubtxib mus ua koj ntej, tus ntawd yuav npaj kev rau tom koj hauv ntej. 28 Kuv hais rau nej hais tias, cov tibneeg uas yug ntawm pojniam los tsis muaj ib tug loj dhau Yahchanan. Tiamsis tus uas yau kawg hauv Abba (יחוח)Yahweh lub tebchaws tseem loj dua Yahchanan.

29 Thaum cov tibneeg sawvdaws thiab cov tibneeg sau se hnov tej lus no, lawv kuj lees hais tias Abba (יחוח)Yahweh ncaj ncees, vim lawv tau ua kevcai raus dej ntawm Yahchanan lawm. 30 Tiamsis cov Falixais thiab cov xib-hwb qhia kevcai tsis txais yuav tej uas Abba  (יחוח)Yahweh npaj tseg rau lawv, vim lawv tsis ua kevcai raus dej ntawm Yahchanan.

31 Vim li no kuv yuav muab cov tibneeg tiam no piv txog abtsi thiab lawv zoo li cas?

32 Lawv zoo li cov menyuam yaus uas zaum tom tshav puam ib leeg hu rau ib leeg hais tias, peb twb tshuab raj rau nej los nej tsis dhia seev cev, peb twb quaj nyiav los nej tsis quaj ntsuag. 33 Rau qhov Yahchanan uas coj ua kevcai raus dej los nws tsis noj mov tsis haus cawv txiv hmab, mas nej hais tias, nws raug ib tug dab. 34 Neeg Leej Tub los nws noj thiab haus, los nej hais tias, saib maj, niag tibneeg noj loj haus qaug, nrog cov tibneeg sau se thiab cov tibneeg muaj txim ua kwvluag.

 35 Tiamsis txhua tus uas ua raws li tswvyim tej menyuam sawvdaws kuj qhia hais tias tswvyim ua raug cai lawm.

​

Tus Pojniam Muaj Txim Raug Daws Txim

36 Muaj ib tug Falixais hu (יהושע)Yahshua mus nrog nws noj mov, (יהושע)Yahshua txawm mus rau hauv tus Falixais ntawd lub tsev mas pw pheeb ntawm rooj mov. 37 Ces txawm muaj ib tug pojniam muaj txim nyob hauv lub moos ntawd thaum nws paub hais tias (יהושע)Yahshua tabtom noj mov hauv tus Falixais tsev nws txawm nqa ib hwjroj tsw qab tuaj, 38 sawv ntsug ntawm (יהושע)Yahshua kotaw sab tom nrob qaum, mas quaj quaj kua muag pib ntub (יהושע)Yahshua kotaw, ces nws txawm muab nws cov plaubhau los so thiab nwj (יהושע)Yahshua kotaw, thiab muab roj tsw qab pleev rau. 39 Thaum tus Falixais uas hu (יהושע)Yahshua los noj mov pom li ntawd, ces txawm xav hauv lub siab hais tias, yog tus no nws yog xibhwb cev Abba (יחוח)Yahweh lus nws yeej yuav paub hais tias tus niag pojniam uas kov nws yog leejtwg thiab yog tibneeg zoo li cas, rau qhov tus pojniam ntawd yog tibneeg muaj txim

40 (יהושע)Yahshua txawm hais rau nws hais tias, Simon es, kuv muaj ib yam yuav hais rau koj. Simon teb hais tias, Xibhwb, hais los maj. (יהושע)Yahshua hais tias, 41 Muaj ob tug tshuav ib tug yawg nqe, ib tug tshuav tsib puas denalias, ib tug tshuav tsib caug denalias. 42 Thaum ob tug them tsis tau tej nuj nqes, tus yawg ntawd txawm zam kiag rau ob tug. Ob tug ntawd leejtwg yuav nyiam tus yawg ntawd heev dua? 43 Simon teb hais tias, Raws li kuv xav mas yog tus uas nws zam ntau dua. (יהושע)Yahshua hais rau nws hais tias, koj txiav cai raug lawm.

44 (יהושע)Yahshua txawm tig saib rau tus pojniam ntawd thiab hais rau Simon hais tias, koj pom tus pojniam no los tsis pom? Thaum kuv los rau hauv koj tsev koj twb tsis muab dej ntxuav kuv kotaw tiamsis tus pojniam no muab nws cov kua muag ntxuav kuv kotaw thiab muab nws cov plaubhau so. 45 Koj twb tsis nwj kuv tiamsis txij thaum kuv los rau hauv tsev nws nwj kuv txhais kotaw tsis tu ncua li. 46 Koj twb tsis muab roj pleev kuv taubhau tiamsis nws muab roj pleev kuv kotaw. 47 Vim li no kuv hais rau koj hais tias, tej kev txhaum uas nws ua ntau kawg twb muab daws tag lawm vim nws muaj lub siab hlub heev. Tus uas daws nws lub txim tsawg nws kuj hlub tsawg.

48 (יהושע)Yahshua thiaj hais rau tus pojniam ntawd hais tias, koj lub txim twb muab daws lawm.

49 Cov uas nrog (יהושע)Yahshua nyob pheeb ntawm rooj mov kuj pib sib hais tias, tus no yog leejtwg es yuav daws tau lub txim?

50 (יהושע)Yahshua hais rau tus pojniam ntawd hais tias, koj txojkev ntseeg cawm koj dim lawm. Cia li mus ua siab tus yees.