Cov Pojniam Uas Nrog (יהושע)Yahshua Mus

1 Dhau ntawd (יהושע)Yahshua txawm mus thoob plaws tej moos thiab tej zej zog tshaj tawm thiab qhia txoj Hmoo zoo hais txog Abba (יחוח)Yahweh lub tebchaws. Kaum ob tug thwjtim kuj nrog (יהושע)Yahshua mus 2 thiab muaj cov pojniam qee leej uas (יהושע)Yahshua ntiab dab tawm thiab kho mob zoo, yog Miriam uas hu ua Magdalene yog tus uas xya tus dab twb tawm hauv nws mus lawm.

3 Yauhanas uas yog Khuxas uas saib xyuas Helauj lub tsev tus pojniam, Xuxanas, thiab muaj dua ntau tus pojniam uas lawv siv lawv tej nyiaj txiag qhov txhia chaw yug (יהושע)Yahshua lawv.

​

Tus Uas Tseb Noob

(Mattithyah 13:1-9; Yahchanan Mark 4:1-9)

4 Thaum cov tibneeg tuaj txoos ua ke coob coob thiab muaj tibneeg tuaj ntau lub moos tuaj cuag (יהושע)Yahshua, nws txawm ua paj lug hais tias, 5 Muaj ib tug tawm mus tseb noob. Thaum nws tseb cov noob ib txhia poob rau saum txojkev mas raug muab tsuj thiab nas noog los khaws noj lawm. 6 Muaj ib txhia poob rau saum tej lag zeb. Thaum noob tuaj lawd txawm tuag tshav rau qhov tsis muaj dej yug. 7 Muaj ib txhia poob rau hauv plawv tsob pos, ces tsob pos hlob tuaj ua ke laum lawm.

8 Muaj ib txhia poob rau hauv thaj av zoo mas hlob thiab txi txiv ib puas npaug. Thaum (יהושע)Yahshua hais tag li no lawd nws txawm qw nrov hais tias, Leejtwg muaj qhov ntsej hnov cia li mloog nawj!

​

Txhais Zaj Paj Lug Tseb Noob

(Mattithyah 13:10-23; Yahchanan Mark 4:10-20)

9 Thaum cov thwjtim nug (יהושע)Yahshua txog zaj paj lug ntawd lub ntsiab yog li cas, 10 (יהושע)Yahshua hais tias, tej uas muab npog cia lawd hais txog Abba (יחוח)Yahweh lub tebchaws, twb muab pub rau nej paub lawm, tiamsis ua paj lug qhia rau lwm tus kom lawv thiaj saib tag saib thiab los tsis pom, lawv mloog tag mloog thiab los tsis nkag siab. 11 Zaj paj lug ntawd lub ntsiab yog li no. Cov noob yog Abba (יחוח)Yahweh txojlus. 12 Cov uas poob rau saum txojkev yog cov uas tau hnov mas dab Ntxwg Nyoog tuaj txeeb kiag tej lus ntawd hauv lawv lub siab mus kom lawv thiaj tsis ntseeg thiab tsis txais txojkev dim. 13 Cov uas poob rau saum tej lag zeb mas yog cov uas thaum tau hnov tej lus ntawd lawv zoo siab txais yuav, tiamsis lawv cog cag tsis tob, lawv thiaj ntseeg ib ntus xwb. Thaum muaj kev sim siab lawv txawm tso tseg lawm. 14 Cov noob uas poob rau hauv plawv tsob pos yog cov uas tau hnov lawm, tiamsis thaum lawv ua neej nyob tej kev txhawj kev nyiaj txiag, kev lomzem hauv lawv lub neej muab lawv laum, lawv tej txiv thiaj tsis puv.

15 Cov noob uas poob rau hauv thaj av zoo yog cov uas tau hnov tej lus ntawd thiab muab khaws cia rau hauv lub siab uas ncaj thiab zoo, thiab lawv muaj siab ntev txi txiv.

​

Muab Thoob Khwb Lub Teeb

(Yahchanan Mark 4:21-25)

16 Tsis muaj leejtwg taws teeb es muab thoob khwb cia lossis txawb rau hauv qab txag, yeej yuav muab txawb rau saum lub chaw txawb teeb kom cov tibneeg uas nkag los thiaj li pom kev. 17 Rau qhov tsis muaj ib yam twg uas muab zais cia lawm yuav tsis raug muab thws tshwm los, thiab tsis muaj ib yam twg uas muab npog cia lawm yuav tsis raug muab nthuav tawm los rau luag pom. 18 Vim li no nej yuav tsum ua tib zoo mloog. Rau qhov tus uas muaj lawd yuav muab tsav ntxiv rau nws, tiamsis tus uas tsis muaj, txawm yog tej uas nws xav hais tias nws muaj los yuav muab rho ntawm nws mus.

​

(יהושע)Yahshua Niam Thiab Nws Cov Kwv

(Mattityah 12:46-50; Yahchanan Mark 3:31-35)

19 Thaum ntawd (יהושע)Yahshua niam thiab nws cov kwv txawm tuaj cuag (יהושע)Yahshua tiamsis tuaj tsis tau ti vim tibneeg coob heev.

20 Muaj tibneeg hais rau (יהושע)Yahshua hais tias, koj niam thiab koj cov kwv sawv sab nraud xav ntsib koj.

21 (יהושע)Yahshua hais rau lawv hais tias, kuv niam thiab kuv cov kwv yog cov uas mloog Abba (יחוח)Yahweh tej lus thiab ua raws li Abba (יחוח)Yahweh qhia.

​

(יהושע)Yahshua Txwv Cua Daj Cua Dub

(Mattithyah 8:23-27; Yahchanan Mark 4:35-41)

22 Muaj ib hnub (יהושע)Yahshua nrog nws cov thwjtim nce rau hauv lub nkoj thiab hais rau lawv hais tias, peb cia li hla hiavtxwv mus rau sab tim ub. Lawv txawm sawv kev mus. 23 Thaum lawv tabtom caij nkoj mus (יהושע)Yahshua pw tsaug zog lawm. Ces cua daj cua dub txawm ntsawj dej hiavtxwv mas dej twb yuav puv lub nkoj, ua rau lawv ntshai tsam lub nkoj tog. 24 Cov thwjtim thiaj mus tsa (יהושע)Yahshua hais tias, Tus Tswv Tus Tswv, peb tabtom yuav puam tsuaj. (יהושע)Yahshua txawm tsim dheev los txwv cua thiab tej nthwv dej uas ntas, cua thiab dej txawm tu nrho txhua yam thiaj li rov tus yees lawm.

25 (יהושע)Yahshua hais rau lawv hais tias, nej txojkev ntseeg dua twg lawm? Lawv kuj ntshai thiab phimhwj,sib hais tias,tus no yog leejtwg es hais rau cua thiab dej mas cua thiab dej kuj mloog nws lus?

​

(יהושע)Yahshua Kho Tus Raug Dab

(Mattithyah 8:28-34; Yahchanan Mark 5:1-20)

26 (יהושע)Yahshua lawv txawm caij nkoj mus txog lub moos Kelaxas tebchaws, uas ncaj ntawm Kalilais sab tim ub.

27 Thaum (יהושע)Yahshua nce saum ntug nqhuab, muaj ib tug yawg raug dab hauv lub moos ntawd txawm ntsib (יהושע)Yahshua. Nws tsis hnav ris tsho thiab tsis nyob hauv tsev ntev los lawm, nws nyob tom toj ntxas xwb.

28 Thaum nws pom dheev (יהושע)Yahshua nws txawm qw nrov thiab khwb nkaus ntawm (יהושע)Yahshua hais nrov nrov hais tias, Au (יהושע)Yahshua uas yog Abba (יחוח)Yahweh uas Loj Dua Ntais tus tub, koj tuaj thab kuv ua abtsi? Kuv thov koj tsis txhob tsim txom kuv. 29 Twb yog vim (יהושע)Yahshua tau hais kom tus dab qias tawm hauv tus yawg ntawd mus. (Dab pheej ntswj nws ntau zaus. Luag zov nws zoo thiab twb muab loj cuj thiab saw hlau khi nws lawm los nws rub saw hlau tu nrho thiab raug dab muab raws rau tom tebchaws moj sab qhua.)

30 Mas (יהושע)Yahshua nug dab hais tias, koj npe hu li cas? Nws teb hais tias, kuv npe hu ua Coob, rau qhov muaj dab coob coob nkag rau hauv nws. 31 Tej dab ntawd txawm taij thov (יהושע)Yahshua tsis txhob ntiab lawv mus rau hauv lub niag qhov tob tob. 32 Muaj ib pab npua coob tabtom nrhiav noj ntawm ntav toj. Cov dab ntawd txawm thov (יהושע)Yahshua cia lawv nyob rau hauv cov npua ntawd. (יהושע)Yahshua txawm tso ncauj. 33 Cov dab txawm tawm hauv tus yawg ntawd mus nkag rau hauv pab npua, mas pab npua thiaj dhia plas toj ntxhab rau hauv hiavtxwv txham dej tuag tag. 34 Thaum cov tibneeg yug npua pom tej xwm txheej no lawv txawm khiav mus piav tej ntawd rau hauv lub moos thiab tej zej zog. 35 Mas tibneeg txawm tawm tuaj saib tej xwm txheej uas tshwm los ntawd. Thaum lawv tuaj txog ntawm (יהושע)Yahshua, lawv pom tus uas dab twb tawm mus lawd hnav ris tsho thiab meej pem zoo, zaum ntawm (יהושע)Yahshua kotaw, lawv thiaj ntshai kawg. 36 Cov tibneeg uas tau pom, kuj piav rau lawv mloog txog tus uas raug dab ntawd zoo kiag li cas. 37 Cov tibneeg uas nyob lub moos Kelaxas tebchaws sawv-daws txawm thov (יהושע)Yahshua tawm ntawm lawv mus, vim lawv ntshai heev. (יהושע)Yahshua txawm nce nkoj rov mus.

38 Tus uas dab tawm hauv nws lawd kuj thov cia nws nrog (יהושע)Yahshua nyob ua ke. Tiamsis (יהושע)Yahshua kom nws rov mus thiab hais tias, 39 cia li mus tsev thiab piav hais tias Abba (יחוח)Yahweh tau ua li cas rau koj lawd rau lawv mloog.  Ces tus ntawd txawm rov qab mus thiab piav txhua yam uas (יהושע)Yahshua tau ua rau nws thoob plaws lub moos ntawd paub.

​

Tus Ntxhais Uas Tuag Thiab Tus Pojniam Kov (יהושע)Yahshua Qab Tsho

(Mattithyah 9:18-26; Yahchanan Mark 5:21-43)

40 Thaum (יהושע)Yahshua rov los lawm muaj tibneeg coob zoo siab tos nws vim lawv sawvdaws tos ntsoov nws.

41 Muaj ib tug npe hu ua Yailaus, yog tus thawj uas saib xyuas lub tsev sablaj txawm tuaj khwb nkaus ntawm (יהושע)Yahshua kotaw, thov kom (יהושע)Yahshua mus tom nws tsev 42 rau qhov nws muaj tib tug ntxhais hnub nyoog kwvlam kaum ob xyoos, mob heev twb yuav tuag. Thaum (יהושע)Yahshua mus, muaj tibneeg coob coob nrog nws mus sib txiv qev. 43 Muaj ib tug pojniam uas muaj mob nchuav cev tau kaum ob xyoos lawm, tsis muaj leejtwg kho tau nws tus mob zoo. 44 Nws txawm los raws (יהושע)Yahshua qab kov (יהושע)Yahshua qab tsho. Tamsim ntawd nws ntshav txawm tu nrho lawm.

45 (יהושע)Yahshua hais tias, Leejtwg kov kuv? Thaum txhua tus tsis lees Kepha txawm hais rau (יהושע)Yahshua hais tias, Xibhwb, tibneeg coob vij nkaus koj sib txiv qev koj.

46 Tiamsis (יהושע)Yahshua hais tias, muaj ib tug kov kuv rau qhov kuv paub hais tias hwjchim tawm hauv kuv lawm.

47 Thaum tus pojniam ntawd pom hais tias tsiv nraim tsis tau nws los tshee hnyo los khwb nkaus rau ntawm (יהושע)Yahshua xubntiag qhia tab meeg sawvdaws hais tias, nws kov (יהושע)-Yahshua vim yog li cas, thiab nws tus mob twb zoo tamsid lawm. 48 (יהושע)Yahshua hais rau nws hais tias, mentxhais es, koj txojkev ntseeg ua rau koj zoo lawm. Cia li mus ua siab tus yees.

49 Thaum (יהושע)Yahshua tseem hais tej lus ntawd, muaj ib tug tuaj ntawm tus thawj uas saib xyuas tsev sablaj lub tsev tuaj hais tias, koj tus ntxhais twb tuag lawm. Tsis txhob tab kaum xibhwb dua li lawm. 50 Thaum (יהושע)Yahshua hnov li ntawd nws txawm teb tus ntawd hais tias, tsis txhob ntshai, cia li ntseeg xwb. Tus mentxhais yeej yuav zoo.

51 Thaum (יהושע)Yahshua tuaj txog lub tsev lawm nws tsis kheev leejtwg nrog nws nkag mus tsuas yog Kepha xwb, Yahchanan thiab Yaaqob thiab leej niam Leej Txiv mus xwb. 52 Sawvdaws quaj thiab quaj nyiav tus me-ntxhais ntawd, tiamsis (יהושע)Yahshua hais tias, tsis txhob quaj. Nws tsis tuag, nws tsaug zog xwb. 53 Lawv txawm thuam luag (יהושע)Yahshua rau qhov lawv paub hais tias tus mentxhais twb tuag lawm tiag.

54 Tiamsis (יהושע)Yahshua ntsiab nkaus tus mentxhais ntawd txhais tes thiab hais rau nws hais tias, mentxhais es, cia li sawv tsees. 55 Mas tus ntsuj plig txawm rov los rau nws, nws thiaj sawv tsees tamsim ntawd.

(יהושע)Yahshua hais kom muab mov rau tus mentxhais noj. 56 Leej niam Leej Txiv kuj phimhwj heev. (יהושע)Yahshua txwv kom tsis txhob qhia leejtwg paub txog zaj no.